رواية🖤"انت كل شيء"🖤
"البارت التاسع"
تأليف: Rayan
بيصير المسا و التنين عم يفكرو ببعض و بل زكريات يلي صارت معن
رنا محتارة وعم تفكر انو تحكيه ولا لا.... هو بيضحك عليها ولا لا.... وصارت تقول نظراتو صادقة مو مبين عليها الكذب و الخداع.... وبركي كان شاطر بهل خدعة..... ما بعرف والله احترت
حسام قلقان و طول الوقت عينو عل موبايل وعم ينطر تلفونو ل يرن....حسام بقلبو: معقول ما رح تدقلي... بس نظراتها الي كأنها متأثرة فيني يعني ممكن مشاعرها تجاهي متل مشاعري تجاها.......حتى ولو ما حبينا بعض بس بدي نكون اصدقاء.... انتي حدا كتير لطيف و قلبو طيب و جميل كتير... انتي اول امرأة صرت افكر فيها و اعجبت ب جمالها.... بعرف انو لحد هلئ ما بعرف ازا حبيتها بس يلي بعرفو انو بدي تكون جنبي و نكون قراب من بعض
وتمر الايام و بيضل متل ما هوي و حسام شبه فقد الامل من اتصال رنا و رنا محتارة
و بعد مرور اسبوع رنا حست ب ملل كبير و صارت تفتقد ل حسام و ل نظراتو و لكل حركاتو الخفية و الغريبة يلي بل مشفى
و اكتشفت انو حسام مو شخص عادي بالنسبة ل الها..... طالما افتقدتلو دليل قلبها مرتاحلو
لما رجعت رنا عل بيت اجت فرح لعندا و صارت تحكيلها كل يلي صار معها بل تفصيل و قالتلها: و انا شو اعمل هلئ؟
فرح: شو شو تعملي... الحل ب ايدك.. اتصلي فيه
رنا: لك مفكرتيها شغلة سهلة
فرح: اي نعم... انتي مرتاحتيلو متل ما هوي مرتاحلك.... اتصلي فيه و اتواعدو ب شي مكان.. الزلمة مارح ياكلك
رنا: هيك قولتك
فرح: لك طبعا
رنا: طيب ماشي رح اتصل
فرح: يلا
رنا مسكت الورقة يلي مكتوب فيها الرقم و نقلتو على موبايلها و اخدت نفس عميق و اتصلت بس حسام كان نايم و ما رد عل مكالمة
فرح: شو؟
رنا: ماعم يرد
فرح: اتصلي مرة تانية
رنا: طيب
فرح: شو؟
رنا: كمان ما رد
فرح: طيب اتصلي فيه بوقت تاني
رنا: خلص ما اظن انو رح نلتقي مرة تانية 🥺
فرح: لاااااا رح تلتقو لا تقولي هيك
رنا: طيب شو لكن
فرح: اتصلي فيه بكرا
رنا: خلص اتصلت فيه مرتين وما رد.. خلص ما بدو ياني
فرح: بيكون مشغول
رنا: ما بعرف
فرح بتنام عند رنا
الصبح بيفيق حسام و بيفتح موبايلو و بينهض من تختو بسرعة و بيشوف اتصال من رقم غريب.... حسام: لك يا حمار اكيد هي رنا.... كيف ما حسيت على اتصالها..... انا كلب.... رح اتصل فيها مرة تانية
حسام اتصل ب رنا و كانت عم تفطر هية و فرح و كانو بل مطبخ فجأة بيرن موبايل رنا
رنا و بتمها لقمة قامت و اتشردقت
فرح: شوفي؟
رنا: لك عم يدقلي هوي
فرح: شفتي قلتلك انو رح تلتقو... يلا بسرعة ردي
رنا بلعت اللقمة و و واخدت نفس و ردت
رنا: الو
حسام: مرحبا
رنا: اهلين
حسام: بعتزر لأنو امبارح ما رديت على اتصالك
رنا: مو مشكلة... اكيد كنت مشغول
حسام: بصراحة كنت نايم
رنا: طيب لهلئ مارح تقلي اسمك
حسام: وين بتحبي نلتقي؟
..............انتهى البارت...............
🙂🖤🌈🌸
أنت تقرأ
🖤 انت كل شيء 🖤
Romansaرواية جديدة بعنوان 🖤'' انت كل شيء'' 🖤 تأليف:Rayan تعريف عن ابطال الرواية : حسام : هو عميد الشرطة وهو وسيم و خفيف الروح و محب لعمله ، عيناه بنيتان و شعره اسود و طويل رح تبتدي الرواية لما يلتقي ب رنا رنا: بنت جميلة و لطيفة جدا عيونها بنية كبيرة و شع...
