🖤 انت كل شيء 🖤

🌺🌺🌺🌺

رواية🖤"انت كل شيء"🖤
"البارت العاشر"
تأليف: Rayan

حسام: وين بتحبي نلتقي؟
رنا: ما بتفرق عندي
حسام: اوكي رح نلتقي بل مطعم يلي مقابيل المشفى... عرفتيه؟
رنا: اي طبعا عرفتو
حسام: اي ساعة بتحبي؟
رنا: ممكن الساعة 9 المسا؟
حسام: اكيد
رنا: اتفقنا
حسام: اي
رنا: سلام
حسام: سلام
رنا سكرت التلفون و صارت تنط و تعيط
رنا: رح نلتقي واخيرا
و ضمتها ل فرح بقوة و صارو ينطو سوا
فرح: انا ديما قلبي دليلي من قبل قلتلك رح تلتقو
رنا: شكرا الك يا فرح لولاكي كنت لهلئ محتارة
فرح: لا تشكريني يا حبيبتي انتي متل اختي وانا من واجبي اساعدك
و بيضحكو بصوت عالي

حسام من الفرحة رمى حالو عل تخت و صار يضحك و يغني و قام شال غيتارو و صار يعزف و يغني بصوت عالي
حسام: واخيرا رح نلتقي لازم جهز حالي و كون ب احلا منظر

رنا و فرح بيرجعو من دوامن ع بيت رنا و بتجهز حالا رنا... فرح بتمكيجها ل رنا 💄... و بتختار لها الملابس و بتعلمها حركات لتجزب حسام و بل اخير بتجهز رنا..... لبست فستان بروتيل من فوق ابيض و من تحت اسود و بطنها طالعة و شعراتها ملفلفين عل فير و مكياجها ساحر
حسام عم يجهز حالو و عم يساعدو امير ب اختيار اللبس و البارفان و تسريحة الشعر
لبس طقم بنطلون و جاكيت اسود و قميص ابيض و غرافيتا سودة و ما بينسى البارفان و مشط شعراتو و شواربو 🤭
و توجهو التنين للمطعم يلي تواعدو فيه
حسام وصل قبل رنا لأنو عندو سيارة و بعدين لما وصلت رنا
حسام طار عقلو ب فستانها و شكلها.... حسام بقلبو: حلوة و بتضلي حلوة 🤤
حسام بيمسك ايد رنا و بيبوسها و رنا بتخجل
حسام: شو هل ملاك... يا ارض احفظي ما عليكي
رنا: تسلم ☺️
و بيزحلها الكرسي و بتقعد و بيقعد قدامها و بيتأملو بعض
رنا: قلتلي انو رح تحكيلي عن حالك لما نلتقي
حسام: مظبوط
رنا: وهي التقينا
حسام: طيب... انا اسمي حسام
رنا: حسام ☺️
حسام: عجبك؟
رنا: كتير
حسام: و اسمك كمان عجبني
رنا: اسمي 😳
حسام: اي
رنا: كيف عرفتو؟
حسام: ولو انا العميد حسام وما بيصعب علي هيك امور
رنا: عميد! 😍
حسام: اي
رنا: حلو كتير.... يعني انت بتشتغل بل شرطة
حسام: اي.... بتحقيق الجرايم و هيك شي
رنا: حلوة شغلتك
حسام: بس بنفس الوقت صعبة
رنا: صح بس فيها مغامرات و انا بعشق المغامرات
حسام: ما بنكر انو فيها مغامرات بس فيها مسؤولية كمان
رنا: مسؤولية شو؟
حسام: امن و استقرار البلد
رنا: اممم

و قعدو يحكو كتير قصص و نكت و حوادث و انسجمو كتير ل اخر السهرة ما عادو يخجلو من بعض ابدا و صارت الساعة 11
رنا: 😂😂😂 انت كتير عندك نكت حلوة
حسام: لسا ما شفتي شي
رنا: مع انو بيقولو انو رجل الامن بيكون جدي وما بيحب المزح
حسام: هاد غلط.... الشغل شي و شخصية الانسان شي تاني
رنا: انت ظريف
حسام: وانتي لطيفة و حلوة 🤤
رنا: ☺️
رنا بتطلع عل ساعة و بتقول: يلا لازم امشي
حسام: لوين؟
رنا: صارت الساعة 11 و صرلنا ساعتين حاج
حسام: معقول الوقت مضي بسرعة
رنا: اي
حسام: خليني وصلك
رنا: مافي مشكلة
و بيدفعو الحساب و بيروحو و حسام بيوصل رنا على بيتها و قبل ما تطلع
حسام: رنا
رنا: اي
حسام: حاكيني ديما و ما تنسيني
رنا: اكيد
حسام: يلا تصبحي على خير
رنا: وانت من اهلو
............ انتهى البارت................
🙂🖤🌈🌸