Beyond The Love [ Completed ]

9

[Unicode]

"ရိပေါ်....မင်းနေမကောင်းဘူးလား "

ရှောင်းရဲ့အမေးစကားကြောင့် ဟောက်ရွှမ်းကလဲ

"အေး..ဟုတ်တယ်ရိပေါ်မနက်ကတည်းက ငါတို့မင်းကိုကြည့်နေတာ မျက်နှာကမသာမယာနဲ့ ဘာဖြစ်နေတာလဲ "

"ဟမ်၊ ငါလား ဘာမှမဖြစ်ပါဘူး ညကအိပ်ရေးနဲနဲပျက်သွားလို့ပါ "

ရိပေါ်မနေ့ကဝမ်သခင်မနဲ့ သူ့ရဲ့လူယုံပြောနေတာကိုကြားပြီးကတည်းက သူ့စိတ်ထဲခုနေတာသူပဲသိတယ်။ သူသိတဲ့ ဒီကိစ္စတွေကိုရှောင်းကျန့်ရောသိရဲ့လား။ သူသိနေလား မသိဘူးလား သိနေရင်ဒီလိုအေးဆေးဖြစ်နေပါ့မလား ဒါမှမဟုတ်မသိသေးတာများလား။

" ရိပေါ် ၊ ငါ့မျက်နှာတစ်ခုခုပေနေလို့လား ဒါမှမဟုတ်မေးစရာရှိနေလို့လား "

" ဟမ် ... မပေပါဘူး ၊မေးစရာလဲမရှိပါဘူး "

ဟုတ်သားပဲသူရှောင်းကျန့်ကိုကြည့်ရင်းအတွေးလွန်သွားသည်မလား။

"ရိပေါ် မင်းတဟမ်ဟမ်နဲ့ ဘာဖြစ်နေတာလဲ နေမကောင်းရင်လဲပြန်နားလိုက်လေ ငါတို့ဒီနေ့အတွက်စာလုပ်တာလဲလုံလောက်နေပြီပဲ၊ ပြန်နားလိုက်တော့ "

ထိုအခါမှ တစ်ချိန်လုံးငြိမ်ပြီးသူတို့ကိုသာအကဲခတ်နေတဲ့ဟိုက်ခွမ်းက

" ရိပေါ် မင်းပြန်ရင်ပြန်လိုက်တော့ ငါလိုက်ပို့ပေးမယ် ဟောက်ရွှမ်းကတော့ ရှောင်းနဲ့စာလုပ်ပြီးအတူတူပြန်လိုက်ပေါ့ ရှောင်းသူနဲ့ပြန်လို့ဖြစ်တယ်မို့လား"

"ဖြစ်တယ် ငါသေချာပြန်ပို့လိုက်ပါမယ်ကွ "

"အဲ့ဒါဆိုငါတို့သွားပြီ"

ရိပေါ်နဲ့ဟိုက်ခွမ်းလဲ အိမ်ပြန်ရန်အတွက် စာအုပ်တွေကိုသိမ်းပြီး ရှောင်းနဲ့ဟောက်ရွှမ်းကိုနှုတ်ဆက်ကာထွက်လာတော့သည်။ ဟိုက်ခွမ်းရိပေါ်ကိုပြန်လိုက်ပို့တာ အခြားတော့မဟုတ် ရိပေါ်နဲ့စကားအေးဆေးပြောချင်သည့်အပြင်မေးစရာတွေလဲရှိနေသောကြောင့်ဖြစ်သည်။

"ရိပေါ်၊ ရိပေါ် "

သူတို့ထွက်လာပြီးမကြာခင် အနောက်ကနေ ရိပေါ်နာမည်ခေါ်သံကြားလို့ လှည့်ကြည့်လိုက်တော့