Beyond The Love [ Completed ]

14

[Unicode]

"School trip ကို မင်းလိုက်မှာလား ရှောင်းကျန့် "

" မင်းငါ့ကိုအဲ့ဒါမေးချင်လို့ ခေါ်တွေ့တာလား ရိပေါ် "

" အဓိကအကြောင်းအရာက‌ အဲ့ဒါမဟုတ်ဘူး ငါပြောချင်တာကအခုမှစမှာ အဲ့ခရီးကို လီလီလဲ လိုက်မှာအဲ့ဒါကြောင့်မို့ သူ့ကိုအနေရခက်အောင်မလုပ်ပါနဲ့ ဟိုတစ်ခါမင်းလုပ်သွားတဲ့ပုံကြောင့် သူမစိတ်မကောင်းဖြစ်သွားရတာကြောင့် မင်းဘက်ကအပြုအမူ ဆင်ခြင်ပေးရင်ကောင်းမယ် "

ရှောင်းကျန့်သူ့အရှေ့ကရိပေါ်ရဲ့စကားတွေကြောင့် စားပွဲအောက်က လက်သီးကိုတင်းကနဲဆုပ်မိတယ်။ ကျောင်းပိတ်ရက်ဖြစ်တာကြောင့် အိမ်မှာနားနေတုန်း ရိပေါ်ကတွေ့ရအောင်ဆိုပြီးဖုန်းဆက်လာတာမို့လာခဲ့မယ်လို့အကြောင်းပြန်ပြီးပြီးချင်း တွေ့ရာအဝတ်ကိုကောက်လဲပြီးထွက်ခဲ့တာ သူရိပေါ်ကိုစောင့်မနေစေချင်ဘူးလေ။ ချိန်းထားတဲ့ကော်ဖီဆိုင်ရောက်တော့ ရိပေါ်ကမရောက်သေးတာမို့ သူလဲကော်ဖီတစ်ခွက်မှာပြီး ထိုင်စောင့်နေလိုက်တယ်။ ချိန်းထားတဲ့အချိန်ထပ် နာရီဝက်နောက်ကျပြီးရောက်လာတဲ့ ရိပေါ်က အခုလိုစကားတွေပြောတော့တာပဲ။

ဟက်.... ကိုယ့်ကိုယ်ကိုလှောင်ရယ်မိတဲ့ဖြစ်ရပ်တွေပါပဲ သူဘာ‌တွေကိုများမျှော်လင့်နေခဲ့တာလဲ၊ ရိပေါ်ကသူနဲ့ပက်သတ်ရင် ဘာမှပေးစရာမရှိတဲ့သူလေ အချိန်ကအစသူမျှော်လင့်တဲ့ရိပေါ်ရဲ့အချစ်အထိလေ။ ဒုတိယအကြိမ်မြောက် အဲ့အမျိုးသမီးနဲ့ပက်သက်လို့ရိပေါ်သူ့ကိုအခုလိုဆက်ဆံတာ အာဒါတင်မဟုတ်သေးဘူး ဒုတိယအကြိမ်မြောက်အရင်ဖုန်းစဆက်တာ အဲ့အမျိုးသမီးနဲ့ပက်သက်လို့။ 

ပထမတစ်ခါနဲ့ ဒုတိယတစ်ခါကိုထားလိုက်တော့ရိပေါ် တတိယအကြိမ်ဆိုရင်တော့ငါခံနိုင်ရည်ရှိမှာ မဟုတ်တော့ဘူး။

သူ့ရဲ့လက်ကျန်အင်အားကိုစုလို့ ရိပေါ်ကိုဟန်မပျက်ပြန်ပြောမိတဲ့စကားတွေကတော့

"မင်းအဲ့လိုဖြစ်စေချင်ရင် ကောင်းပြီ ငါအဲ့လိုလုပ်ပေးမယ် တစ်ခုတော့သိထားပေးရိပေါ် မင်းအပေါ်ပေးထားတဲ့ငါ့ရဲ့မေတ္တာတရားကအဲ့လောက်အပေါစားမဆန်ဘူး ဒါဆိုရင်ငါအရင်ပြန်နှင့်မယ်"