50فوط ★ + 50 كومنت 💬
👑 بقلمي ✍: #أناييس_مانو 👑
آل ديابلو تبسم على جنب من كلامها وحكا : اجاي لهنا ... انتي والفم هذاك خلي نهدهولك (جبدها من يدها جات في حضنتو) اسكتي وخليني في حالي كشما يصرالي من جرت لسانك الطويل نموتو كل الليلة هاذي وما تشوفيش وين مديك(وحكمها على خشمها )
أيرين: تي سيب نيفي موجوع راهو ... بش طولهولي من مسيكك ليه .. سيبو... عدلت روحها بحذاه على السرير وردت حكا: نحب نعرف وين رايحين بعد .. خاطر جبت التوينز معايا بش يزهاو ... نعرف كان لازم نخبرك ... اما عزو بيا نخليهم تعرف شحال نحبهم ... صحاباتي وعقبنا وقت مليح مع بعض ...وخنست عندو راسها على صدرو ويدها لافتها على جنابو
آل: مايسالش ... مش مهم جاو ولا لا ... المهم راحتك.. وبخصوص وين رايحين.. وجهتنا إيطاليا أما لا تحبي نروحو لبلاصة خلاف نخبر الكابتن ؟ يستنى في جوابها ويدو على شعرها يلعبلها بيه...
أيرين: ممم إيطاليا مزيانة ياسر يا خسارة مش مطولين يوم ونرجعو ...ومع كلمتها هزلها راسها بيدو لي كانت على راسها (يد الثانية محضنها بيها) : تحبي تبقاي لتم نبعث يطلعو رجال لحراستك ... أما أنا مانقدرش نطول ... تعرفي لي جاي... ابقاي لا حابة وهام التوينز معك تسلو وحوسو وارجعو بعد ما نقوللكم
أيرين بعد ما كبشت فيه مليح: لا ما نقعدش بلا بيك ... جينا كيف كيف ونروحو كيف كيف (تفكرت لقنابل متاع الزين لي شافتهم كي كانو خارجين مالقصر) نروحو غدوا الكل مع بعض
ضحك عليها كأنو حاسس بيها وش قاعدة تخمم: باهي صغرونة ارقدي درك ترتاحيلك شوي نقربو نوصلو نوضك
مع كلمتو غطست فالنوم وتسلبت بحضاه وغاصت في نوم عميق تنحي بيها تعب اليوم وتحاول تترتاح ...بقاو على الحالة ذيك شي ساعتين حتا جاهم صوت الكابتن من المكبر لي فالطيارة: نعلم ركابنا الكرام بوصولنا إلى وجهتنا إيطاليا اربطو أحزمتكم واستعدو للهبوط (بالاسبانية) ومع كمل كلامو الكابتن .. لزها ليه كثر به ما تتخلعش من نومها وقرب لوذنها يهمس بصوت حنين ضعيف : أيرين أفطني يلا وصلنا وهز راسو يتبع فيها بعينيه
أيرين تتحرك في حضنو وتتكسل في بلاصتها : ممم وصلنا بعد تي ما شبعتش نوم الزح ... دقدقت كثر وفرات علاه ما طولش بينا ...
اطرشق بالضحك بصوت عالي من هدرتها حتى فطنها مليح ونزل على خدها ععععننن عضها منو ... رغات : آااااا أي .. بعد عليها يشوف في تستات تعها .... حكمت خدها تحك في بلاصت العضة : أي توجع ... علاه هك علاه يعني ناقصة وجايع أنا نغيضكش ... عبست ودارتش الشنوفة مبوزة شفايفها ودموع محصورين على شوافرها
نزل باسها من بلاصت العضة : خلاص هكا راح الوجع درك ... يزي بلا بكا ... تنزل دمعة من دموعة نعتلك هاني قلت .. اصحك اطيح وحدة ...ورد باسها من جبهتها
أيرين : أما وجعتني صح ... هاني نتحمل وخلاص وش راح نعمل.. حتى وترضي فيا بالتهديد شيطانك حاضر ناضر الليلة صح ..
ضحك على كلامها و تقعد وقعدها معاه ... : هيا اوفقي وصلنا للرض .. خلينا نخرجو لا يرجع بينا الكابتن ... شاف مع منقالتو لقالها تمام السبعة تا لعشي
خارج من طيارتو لي حطت فأحد مطارات إيطاليا ...نزل اول واحد بعدو أيرين لي متلكمة فالمونطو تاعو ... بخطوات صغار كبشت في ضراعو ... تبصم في ملكيتها عليه عافرة حضورو يلهب الكل ..فتنة على بنات حواء ونا تحب حتى وحدة تلفتلو نظرو .. هي الوحيدة لي عندها الحق بهذا الشي ... هي وحدها لي متربعة على عرشو ... أميرتو وملاكو الصغير وأي وحدة تخمم دور بيها ساعتها تتحول وترجع الشيطانة لي تعلمت على إيدين البابا
ماشين وراهم التوينز بكل وهرة هم زادا متولهين لنظرات الكل لي تراقبهم علاه لا وهم في رفقة الشيطان لي يسحر الكل ... فايتين بطلتهم لي ما ناقسها شي ... ويجذبو في عينين الرجال ليهم ...
خرجو من االمطار لقاو 4 سيارات تستنى فيهم ركبو وديراكت للفندق لي راح ينزلو فيه ... من ممتلكاتو ويروح ليه وقت ما يحب يرتاح جاي على الساحل ويطل على البحر (يعني تروح ليه تترتاح صح كيما فالصور ) .... خذا هو وأيرين سيارة و التوينر سيارة أخرى والباقيين للي ڨارد ... شي نص ساعة كانو قدام لوتال ...
شي كلاس على الأخير ... فاخر وتغلب عليه البرجوازية وما يجيوه كان الهاي كلاس ورجال الأعمال والمشاهير ....تفتو بيبان السيارات ودخلو للأوتال ... نفس الحضور والهيبة أما هم ما معبرين حد ... الكل يتهامس ويتمتم على شكونهم لي دخلو ... حتى يجيو تا الاستقبال يجريو ليه ويرحبو بيه ... شوي ولحقهم مدير الفندق .. يعمل فلي عليه وستقبل فيه أحسن استقبال ...
آل موجه كلامو للمدير : كل شي حاضر كيما طلبت؟ (بالإيطالية)
المدير وهو كابس روحو ومعدل وقفو بالباهي : سي سنيور ... كل شي كيما طلبت ... سويتك محضر و غرف الآنسات زادا
مع كملت جملتو نطقت أيرين: بش نبقى معاك أنا وخنزرت فالمدير ...(تا تحوس على موتك )
آل: سمعتها وش حكات خليهم يطلعو الباقاج لسويتي وخوذ لتوينز لغرفهم ... نحبهم يلقاو راحتهم فاهم ... تعدا عليه طالع فالأنسانسير والكل وراه لاحقو
شوي وتفتح باب الأسانسير ... ماشي هوا وأيرين وراه لاحقاتو (بايتة بايتة معاه) والمدير خذا التوينز لغرفهم جايين جنب بعض وفي نفس الطابق
أنت تقرأ
الشيطان "Al Diablo" ( قصة 18+)
Lãng mạnعرف الشيطان بخبثه ولعنته بين الناس.. ومن يسمع سمه يلعنه ألاف المرات.. لكن ماذا إلا لقب انسان بهذا الاسم والأسوء ان يلقب رجل بالشيطان.. حسن يجتمع الشيطان مع انثى لا تعرف الخوف والاستسلام.. "E benvenuto all' inferno il diavolo" ...
