50فوط ★ + 50 كومنت 💬
👑 بقلمي ✍: #أناييس_مانو 👑
تعدا شوي وقت عليهم وهم هكاك ... حتى حسو بالطموبيل كي ڨارات ... نطق السائق: وصلنا للوتال بوص
آل يحكي :
ما نعرفش كيفاه تعدا الوقت فيسع وما حسيتش بالطريق لكل ... غير وانا نخمم فالأسئلة لكل ... ونحاول نلقا إجابات ليها ... ما فيقني غير صوت الشوفور كي خبرنا انو وصلنا للوتال ... تلفتت ليها
آل: تنجمي تمشي عليها رجلك ولا نهبرهم يجيبولك كرسي؟؟
إيميليا : علاه تشوف فيا تكسرت!!! علاه تفالي عليا ... يعني انا ناقصة حتى تكمل على ما بيا انت!!!
تبسم على كلامها ... وفداخلو كون صاب راو خذا روحها
آل: مليح تقدري تنزلي وحدك مالا
فتح الباب ونزل من الطموبيل ... مخليها نازلة وراه مالجيهة الثانية ... نزلت وخبطت الباب ...
آل : ياسر شريرة لاكان ما علابالكش ... قليلة ذوق
فاتت عليه بعد ما خرجتلو لسانها بطفولية تغزل فيه ... دخلت للوتال مخلياتو واقف قدام الطوموبيل مبهم فيها وحاير فقلة الذوق لي عندها ...
دخلت تعرج وتكركر في رجلها تكركير ... خذات الاسانسير وطول باتجاه سويتها ... فتحت الباب بلاكارت ... دخلت وقفلت الباب وراها ... وطول مشات لسريرها وسيبة روحها عليه ...تحب ترتاح شوي من تعب اليوم هذا ...
دخل وراها للوتال وراح للاستقبال ... لي غير ما وصل وقفو الموظفين احتراما ليه ...وجه كلامو لواحد ملي قدامو : كلمو طبيب يجي ... وطلعوه لسويت الأنسة لي دخلت درك ...
موظف: اوكي سنيور فيريرا ...
كمل طريقو طالع للسويت تاعو ... بخطوات رزيعة وبكل وهرة ... متعدي وسط الضيوف والعينين قلوب عليه ....
في جيهة اخرى من العالم ... غرفة مظلمة ... غالب عليها لون السواد ... قاعد على كرسيه ورا البيرو ... حاكم تيليفون في يدو .. ويتبسم ... فرحان بلي عملو ... الميساج لي بعثو كان اول خطوة... لازم يعرف بوجودو ... ليه مدة وهو يحب يدخل لحياتو ... كل مرة يقول للمرة هاذي اما ياجلها في أخر دقيقة ... حط التليفون على البيرو ... ورجع راسو على الكرسي ... مرخي روحو عليه .. ملامحو باردة ... وجه قاسي ... شعرات بيض متوزعين بين لحكل لي في راسو ... مازالو محافظ على صحتو رغم كبر سنو ...يخزر للحيط ويثب فلي فوطو لي عليه ...فطوات بالابيض ولكل ... وعليهم اسماء اصحابهم ....وخيوط جامعة بينهم ...
#آل_ديابلو #أيرين #إيميليا #مارك #الدون #توماسو .... وياسر شخصيات (مازال ما ذكرناهم) ...
نطق بصوت خافت شبيه لفحيح الأفاعي: اممم لكل حاضير هنا ... مازال الوقت به نظهر فيه ... اما تخافوش .. نعرف كلشي ... والاخبار لي نحبها توصلي... عينيا عليكم الكل ... وهاني نتفرج ... حتى يوصل الوقت وندخل لحياتكم ... انا لي كنت نمشي فيها من قبل ... خطوة ورا خطوة وتعملو لي مخططلو انا ... طلق ضحكة شر هاهاهاها و بصوت رجع الصدا يتسمع اقوى واقوى ... بحكم الغرفة كبيرة وفارغة فيها غير بيروه ... وطابلو لي عليه الصور ... وكمبيوترات ...
أنت تقرأ
الشيطان "Al Diablo" ( قصة 18+)
Romanceعرف الشيطان بخبثه ولعنته بين الناس.. ومن يسمع سمه يلعنه ألاف المرات.. لكن ماذا إلا لقب انسان بهذا الاسم والأسوء ان يلقب رجل بالشيطان.. حسن يجتمع الشيطان مع انثى لا تعرف الخوف والاستسلام.. "E benvenuto all' inferno il diavolo" ...
