50فوط ★ + 50 كومنت 💬
👑 بقلمي ✍: #أناييس_مانو 👑
نرجعو لأبطالنا... خذاها لاكثر الأماكن لي ممكن ترجع الحيوية لأي طفلة... للمول... للبوتيكات.... للصالونات... للسينما... مطاعم عصرية... وهي غير ماشية بلا روح بلا كانة.. ترد على اسئلتو كلمة وقص... نعم ... لااا... علاااه... كيفااه... وهكا... صبر حتى فلط وفاض بيه الحيل... حبس قدام الميناء... نزل و نزلت وراه...
إيمي: علاااش جينا هنا...
تلفت حاير فيها... مش مصدق قالت 3 كلمات ورا بعض... جمع راسو وجاوبها ببرود
آل: شوي و تعرفي... مدلها يدو وشارها براسو تحكم فيه... بادلتو ابتسامة صفراء رافضة
إيمي: ڨراسياس.. نعرف نمشي لوحدي...
خلاتو صاهد مكرز من عجرفتها وزادت متبسمة بالتخبية عليه...
لحقها مكرز شدلها يدها بالسيف... ونزل لوذنها يهمس
آل: كاش نهار نعطيك دقة واعرة على راسك لخشين حطبة...
كتفات بتبسيمة ساحرة في وجهو... خلاتو يتكالما لا إراديا... كملو مشي حتى وقفو قدام باطوو بيض كبيير... هزت راسها لعندو تسال فيه بعينيها... لفتلها وجهها للباطو وبالتحديد للجيهة لي فيها الاسم... بحجم كبير و بالايطالية "إيميليا فيريرا"... حلت عينيها و فمها صحافة...
إيمي: هذااا.. هذااا ليا!!...
آل: اممم... اكييد ليك... كاينة وحدة اخرى متزوجها واسمها إيميليا!!...
هزتلو راسها بلا وتبسمت بالعريض... كمل يحكي..
آل: هذا ليك وقت تحسي روحك مخنوقة ولا زعفانة مني... تجي ليه و تنساي همومك مع لبحر...
فرحها بكلامو.. بلا تفيق براسها طارت عليه... حصنتو وباست خدو... فاجأتو بعملتها واستحلاها بلا عكيس حاوطها بزوز يدين وغرس راسو في شعرها... مستمتع بقربها لين ضربهم كورون.. فيقها نفسو السخون لي يضرب فيها... بزربة جبدت روحها
ايمي: احممم... مرسي... هدية حلوة بزاااف...
آل: حك راسو متبسم بخبث: ماتشكريناش بفعل ولا كيفاه...
إيمي:هااا!! يعني...
خزرت لشفافو بوزهملها... واخذ وضعية البووس على طول... واشارلهم بصبعوو...
آل: اشكريني عليهم...
إيمي: قحرتلو: عندك كلشي بالمقابل؟!...
آل: مش ديما.. هههه.. مي اليوم نستاهل عالاقل...
إيمي: تحلم ا حبي...
ضربت في كتفو وزادت... ضربو الضو على كلمتها بقات تترد في وذنو مخو و قلبو قريب يتسطاو... احساس جديد انتابو على غير العادة... فطناتو بصوتها
إيمي: ماكش داخل معايا...
آل: أاااا هيه زيدي جغي وراك...
طلعت وهو وراها... دارو الباطو شبر ب شبر... قعدو فtop تاعو وين كاينين لي رولاكس لتم... قعدت وهو جاب زوج كيسان شامبانيا قعد ومدلها واحد ليها...
إيمي: تأاا.. مانحبش.. قراسياس....
هز حاجبو تا من نيتك ما تشربيش... كانها فهمتو جاوبت بثقة
إيمي: نشرب فالمناسبات سي تو... ونذوق برك مش حاجة يعني....
حط واحد على الطاولة جاية فالنص... وشد واحد يتبرد بيه.. سكتت زمان تتأمل في نسمة لبحر... مستمتعة بلغروب منظرو حلو بزااف شوي ونطقت وقت حست بقربو
أنت تقرأ
الشيطان "Al Diablo" ( قصة 18+)
Romanceعرف الشيطان بخبثه ولعنته بين الناس.. ومن يسمع سمه يلعنه ألاف المرات.. لكن ماذا إلا لقب انسان بهذا الاسم والأسوء ان يلقب رجل بالشيطان.. حسن يجتمع الشيطان مع انثى لا تعرف الخوف والاستسلام.. "E benvenuto all' inferno il diavolo" ...
