الشيطان "Al Diablo" ( قصة 18+)

~•الحلقة 71 الأخيرة•~

50فوط ★ + 50 كومنت 💬
👑 بقلمي ✍: #أناييس_مانو 👑

في جيهة خلاف، راقد متكسل في سريرو رجلو بالضمادة، هز تليفونو عيطلو : الوو
أسود: الو ، لباس كيفاه صارت رجلك؟
أندرييه: مازالها توجع، كل منك، ودبارتك الحرفة
أسود: هههه معليش تكبر و تنسى، مااو منك، ضبع حطيتي روحك وسطهم بلاما تقولي، احممم نسيت كيفاه منعتي من هجوم آل ديابلو؟
أندرييه: غفلتهم و هربت من طريق نعرفها، اصلا الداب اذاك تا بيدرو صدق راسو ند للبابا يوغا هههه مسكين داها فراسو
أسود: المهم انا وصلت لاسبانيا، راح نتكفل بلي خلاه توماسيو، ندي كلشي ليا، يبقا لي عند الدون هاذي خدمتك رتاح و شوف كيفاه تأخذلو كلشي تابع ليه
أندرييه: اكيد خليني نريح ليوم برك و من غدوا نفذ المطلوب مني، مادامهم لكل عند آل ديابلو نستغلو غيابهم و نكلحو الدون
أسود: ملييح، تهلالي فراسك، طتتت سكر عليه تحل باب غرفتو و دخلو يجري : سيدي رجال هجمو علينا
اسود: تنطر شكون علاش كيفاش، هز تليفونو رح يعيط طاح الڨارد ميت قدامو
دخل عندو بسلاحو جيهتو، ريكاردو: و أخيرااا الفااار تلقى؟
أسود: فااش تحكي مع مد يدو لحزامو يزرب للسلاح، طخ قوص ريكاردو: ماااتلعبش معايا هاني حذرتك المرة الجاية لراسك طول
أسود: مكرز، ماااتعرفشش شكوون انااا؟! راااح ندفعك الثمن واصلااا شكوون لي باعثك؟! انت غلطتو باللعب معايا
ريكاردو: خطوتين كان عندو، شطخخ بالسلاح على راسو رهجو خلاه يسخف ويغيب على لاوعي، يحكي عند راسو: انتت لي ماكش عارفو مع من لعبتي و كثرتي تفووو وخرج مخلي لي قارد يكركروه وراه ركبو و ديراكسيون قصر فيريرا
في الجحيم واقف مقابيلة بيدرو لي مربوط و ساخف من كثرت الضرب، ماثيو حذاه مستمتع بالعرض، خوه يدمدم في عدوو، صاحبو لي دار عليه من سنين بسبب الطمع والجشع، صاحبو وشريكو فالخدمة لي يحسابلو خوه مش صاحب
آل: سخر عليه و يديه بالدم، دمو يديه من كثر الدبز تجرحو، جبد نفس قاوي، مااثيو عاااجب حاالوو و نزيدو ؟
ماثيو: بووص خلي عليك تعبش راسك دبارتو عندي نرتاح و نهرشمو على قاعدة
آل: قلت نربيهولك شوي انقس عليك، هز منشفة مسح يديه، تعرف و الله تسخين مليح، حضرت عصلاتي للي جاي
ماثيو: مافهمتش وش لي جاي؟ تحل لباب و جاه توماس( ذكرتو فالحلقات لولين اول فصل، مسؤول عن الswat) بووس ريكاردو رجع
آل: بابتسامة شر، وحدو ولا بضيفي؟
توماس: ننن جاب معاه الضيف
آل: زاد يزارب عاون ماثيو والحقو ورايا، يجري فالدروج مش قادر يستنى وهم وراه، حتى وصل لفوق الطابق الأرضي، وقف وقت قابلو واحد مربوط فالكرسي و مغطينو راسو وريكاردو حذاه متبسم ، زاد لعندهم، هذااا هوو؟!
ريكاردو: هو بشحمو و لحمو
آل: على كلمتو طلڨ ضحكة شريرة، ضحكة انتصار، ضحكة فرح انو و اخيرا بش يعرف لي مخبي عليه، هاهاهاهاهاها، جاب كرسي و قعد مقابيلو، نحيل على راسو، نفذ ريكاردو، آل: عطيه شي بووكس صاحبنا خمر مالنوم
ريكاردو: من عيوني.. عطاه بوكس وزوج وثلاثة سخر على صوت عياطو
اسود: واااااحببس ا@@ حااباااس، بعد عليه ريكاردو يضحك ههه بوص ظاهرتو مايلاويش الضرب
آل: اممم، بهت معاه يتفحص في حروفو، راجل كبير يجي ال60 شعر شايب خالط سواد راسو، ملامحو عربية، من لبسو باينتو لباس بيه
أسود: جيست شاف آل، بلع ريقو، ما توقعهاش منو جملة (العود لي تحڨرو يعميك)
آل: متبعو فلي يعمل فيه، طرشڨ صباعيه عاطيه الاشارة يبدا
ليام: ملفو فيدو يحكي: أسود الملقب براس حرباااا، الاسم الحقيقي صالح بن**** جنرال فالجيش الجزائري، عميل فالمنظة الاستخباراتية المشتركة الفرنسية الجزائرية لقبو #أسود، مترأس منظمة اجرامية اسمها Rivenger (المنتقمون) لقبو #راس_حرباء، من أب جزائري و ام فرنسية، ليه علاقات ومصالح وممتلكات في فرنسا و دزاير ماتاكلهمش النار و ...
آل: خليني مالهدرة هاذي نحب نسمع منو، شاف معاه منين تعرفني و وش علاقتنا ببعض؟
أسود: هههههه يعني لدرك لا عرفتني، هههه ماتوقعتكش تنسى بالشكل هذا، آل ديابلو ولا نقول رعد احسن !!