{بين أسمين}

البارت(٣)

البارت(٣)

طالعت فيه بعد مامشى لبعيد وهي تحس بأطمأنان على لفلي وخوف بنفس الوقت،بس هذا الحل الوحيد
اخذت نفس ونسفت غرتها^قذلتها^وتوجهت داخل المدرسه بتوتر
:ولد.
لفت للمنادي بهدؤ وبصوت خشن:أنا؟
حاول الرجل يضبط ملامحه الي خقت عليها:احم،ايه انت اتوقع غلطان!
عقدت حواجبها بأستغراب:غلطان بشنو؟!
أشر الرجل على المدرسه:هذي مو ثانويه.
عقدت حواجبها أكثر:اي أدري ذي جامعه!
استغرب الرجل وتنحنح:انت جامعي!!؟
هزت راسها ورفعت غرتها بشكل فاتن:منو انت؟!
مسك شنطتها الكبيره وتقدم:انا المساعد للمدير،تفضل معاي لغرفتي شكلك جديد.
تبعته بهدؤ وأستغراب من صغر سنه ومساعد مدير
:ااا،ممكن ااسأل عن عمرك؟.
ابتسم الرجل وهو يدخل المصعد وهي تدخل وراه:٢٩.
ضغط ع رقم٧الي هو اخر دور وصار يصعد فيهم
:ماقلت لي شنو اسمك واي مرحله؟
طالعت بالارض بتوتر وخوف:اا،ااسمي ارثر.
ماكملت تبي تشوف ردة فعله ع اسمها الغريب،بس تفاجأت انه يطالعها عادي ويستناها تكمل،تداركت الوضع:وانا اول سنه جامعه عمري١٨ بس.
هز راسه وهو يطالع بعيد عنها عشان ملامحه ماتبان خاق
:اسمك هنا عادي ياآرثر،فيه اسماء اغرب تجي عندنا لاكن اسمك حلو ولابق عليك،وانا مااستغرب اسمك لان ملامحك وعيونك يوحون انك مو سعودي.
طالعها بتمعن بكلماته الاخيره وهي طالعته:انا سعودي من ام ايطاليه.
"ياربي كم لازم تقول هالشي للناس اليوم وبعدين"
نفض عيونه عنها وهو يهز راسه،وانفتح المصعد
دخلو الغرفه الي ابوابها بلون عودي فخم،وقف شنطتها جنب الباب واشر لها تجلس ع كنبه قدام المكتب وهو جلس خلفه:اوراقك الرسميه ياآرثر؟.
طلعت اوراقها المزوره وحطتها قدامه،ورجعت مكانها،
لاحظت اسمه ع لوحه صغيره فوق المكتب"الدكتور سعد بدر"
طالعت فملامحه مستغله انشغاله بأوراقها،
كان طويل ومعضل،بشرته مايله للسمار،عيونه حاده وخشمه سلة سيف،يعني ببساطه وسيم جداً،ابتسمت داخلها"ياويلك ياإيثار،هذا مساعد المدير،وش عاد الطلاب!"
رفعت عيونها وبلمت لما شافته يطالعها وواضح لاحظ ابتسامتها الغبيه:امسك ارثر،هنا رقم سكنك،وصفك،وشعبتك،وجدولك.
وقفت وسحبتها منه وابتسمت له بهدؤ:مشكور دكتور.
ابتسم واشر لها براسه،توجهت لشنطتها وهي تقراء الورقه الي عطاها وسحبت شنطتها وطلعت وهي تحس بنظراته تحرق ضهرها"اااههخ ياربي الحمدلله طلعت"
رن جوالها فجأه وسحبته رقم غريب"منو ذا مع اني غيرت رقمي مايعرفه غير جوليا ومزون؟"ردت وحطت الجوال ع اذنها وقالت بصوت ناعم شوي:الو؟
:الو ارثر!
ارثر بهدؤ:وصلت؟
:انا مربي الارنبه الجديده تتذكرني!؟
ضربت جبهتها بقهر على نسيانها:ااههاا اهلين علي،اسف ماعرفتك من اول.
علي بضحكه:ولا يهمك بس حبيت اسألك!؟
سحبت شنطتها للمصعد:اسأل؟
علي يحك شعره:ااا يعني بس بقول وش طعام الارنب حقك؟يعني وش اشتري له!؟
تنهدت بتعب تحسب لفلي ضاع ولا صار له شي:عطه جزر وتلاقي طعام اسمه***عند متجر الحيوانات خذ منه وعطه بالصبح واليل،
هز علي راسه:زين بس بقولك شي ارثر.
ارثر بأستغراب:امرني علي؟.
علي بضحكه:لاترد ع احد بنفس الصوت الي رديت علي فيه،كنت احسب اني غلطان وداق ع بنت،هههههههه.
توترت وضحكت:ههههه،خلاص اصلاً كان صوتي تعبان بس ههه.
علي:تمام،وترا غيرت اسمك لآرثر،انت صاحبي من الحين.
ابتسم بلطف مع انه مايشوفه:شكراً علي حييل شكراً.
ابتسم علي:ولو ياعمري،يلله،تامرني بشي بروح للارنب الحلوه مثل صاحبها؟.
ابتسمت وهي مو فاهمه قصده تظنه يقصد نفسه:سلامتك علي.
قفلت منه ودخلت المصعد بسرعه قبل احد يدخله،بس خانتها سرعتها قبل تضغط الزر،ودخل واحد معها مبتسم
ابتسمت بتوتر ورمت بنظرها بعيد
:أي دور تبي؟
توترت لانها مو عارفه فتذكرت الورقه الي من المساعد
فتحتها بس طاحت منه عند رجول الولد جت بتاخذها بس كان اسرع منها وخطفها وصار يقراء بابتسامه
طالعها بهدؤ ومفاجأه ورجع طالع الورقه ورجع طالعها والابتسامه شاقه وجهه:يامحاسن الصدف،طلعت انا وانت بنفس الغرفه بالدور الرابع تصدق؟!!!!
طالعته بصدمه"يمممهه وش ذي الصدفه الغريببببه والمرعببههه!!"
سحبت الورقه بعدم استيعاب صارت تقراها وقالت:انت بالدور الرابع؟!
هز راسه بحماس
ارثر:بغرفه١٤٥؟!!
هز راسه بحماس
عقدت حواجبها بقهر ماتعرف ليش،مد يده الولد وقال:انا الياس شريك غرفتك عمري٢٣سنه اخر سنه جامعه وانت؟!
ماحبت تفشله وصافحته بأبتسامه:انا ارثر شريكك بالسكن عمري١٨اول سنه جامعه،بس عندي سؤال؟ليش حنى بغرفه وحده مع ان حنى مو بنفس الصف ولا العمر؟
ابتسم بمرح:لا حنى كذا نظامنا مخلوط،الحين امش اوريك الغرفه.
راحت معاه بعد ماطلعوا من المصعد وهو ماسك يدها وعيون الطلاب عليهم وهم ماشين،وإيثار مستغربه ليش يطالعون كذا!؟
طالعت بأيدها الي شاد عليها:الياس؟.
طالعها بأبتسامه وهو لازال يمشي:هلا ارثر؟.
حمرة خدودها وطالعت حولها:شفيهم يطالعون كذا؟.
ابتسم بهدؤ وطالع قدامه وبصوت مهزوز:اكيد بيطالعون فكتلة الجمال المتحركه.
هنا ماعاد تلقون ارثر من الفشيله والحيا نزلة راسها،وصلوا عند سيب كله ابواب،
وقفوا عند بوابه بلون عودي مذهب،وطلع المفتاح
وهو يتبسم لها:اهلاً بك ارثر في شقتك المتواضعه.
انفتح الباب وبهتت ابتسامتها وهي تشوف الفخامه
‏دخلت وهي فاتحة فمها بروعة:واااوو ماشاءالله.
‏أول ما تدخلين الغرفة يجيك السيب مفتوح على الصالة كبيرة فيها TV وكراسي وطاولة الطعام ،على اليمين شقة او غرفة آرثر وعلى اليسار غرفة اليأس وكل وحده لها حمام خاص ،ورا الصالة يوجد مطبخ صغير تحضيري
‏طالعت  إلياس وابتسمت  بذهول وفتنه:حيل حلوووه.
‏صراحة إلياس ابتسامتها وغمازتها اليسار وابتسم داخله"ياربيي عفووك"
‏تنحنح وأشر لها على شقتها:هذي غرفتك ارثر روح استعد عشان اعرفك عالشله والجامعه.
هزت راسها وابتسمت ودخلت غرفتها وسكرت الباب
فك الياس ياقته بضيق ومسح وجهه وطلع جواله ودخل قروب الواتس او الشله وكتب
الياس:شباب جاني شريك سكن اليوم.
١:ياقرادة حضك،الحين بيشيب برموشك مثل شركائنا.
٢:من وين جاي ووش اسمه؟.
٣:يعني بنظمه لشلتنا ولا كيف؟
٤:من جدك انت؟مستحيل نظيف شخض جديد بالشله.
الياس بحماس:اتوقع لما بتشوفوه بتظموه غصب عنه لشله.
١:الياس ليه وش فيه؟!!
٢:حمستني صراحه!.
٣:وينك الحين بالسكن؟نجيك!
٤:نشوف نظيفه ولا لا.
ابتسم الياس:خلوها مفاجأه الحين هو يلبس عشان اعرفه عليكم،انتظروني بالكفيتريا.
قفل جواله وقعد يستنى ارثر
طلعت واخيراً وهي لابسه بلوزه قطنيه واسعه سودا وبنطلون اسود ضيق شوي بس مو مره بس الي يركز يقدر يشوف رشاقة سيقانها
لبست حذاء ابيض(تكرمون)تكسر فيه السواد
وشعرها ناعم فيه تمويجات واسعه بشكل يفتتتنننن
وكل شوي تطيح غرتها وترفعها،شفايفها وخشمها محمره شوي وطالعه كيوت
:خلصت.
كان فاهي بشكل ماتتصورونه يطالعها بقوه:اليااااس!!!!.
انتفض وهو يتنحنح:احمم احم يلله امش نمشي.
ومشى متوجه للباب
عقدت حواجبها بضيق من نظراته ونسفت غرتها وتبعته للكفيتريا
:ارثر،ترا اصحابي بعمري تقريباً،بس فيه واحد اكبر منا كلنا عمره٢٧متأخر بالجامعه شوي.
ابتسم نهاية كلامه وهي هزت راسها وهي تطالع بنظرات الكل لها"ياربيي نظراتهم تقرف اهههخ ليتني ماطلعت"
:الياااس،نحن هنا.
ابتسم الياس ومسك يدها وتوجهه لهم وهي نزلة راسها تحس بتوتر كبيير خايفه تتعرف ع رجال بس مابيدها شي
وقف عند طاوله وهي مارفعت راسها بس تشوف رجولهم
فز واحد منهم لما شافها وقال بحده لالياس:لاتقولهااا ياحيوانننن!!!!.
الياس باستغراب:اقول ايش؟!!
:معقوله وصلت انك تجيب حبيبتك الجامعه؟!!!شفيك انهبلت؟!!!!!.
حست قلبها طاح ببطنها من الخوف"كشفوني!!!!لا لا لا مستحيلل توني مابديت اهئ"
قطع خوفها المخيف ضحك بصوت عالي هز الكفتيريا وكان صاحب هالضحكه الياس:ههههههههههههههههههههههههههههههههه.
:لا ياشباب انهبل رسمي ذا رسسسمممممييي.
مسك نفسه الياس ومسح دموعه:هدي متعب هدي شوي،هذا ارثر شريك سكني عمره١٨،ركز يامتعب ااارررثثثررر ولد يعني.
عم الصمت لدقايق طويله وهي لسى مارفعت راسها وشافتهم
متعب بتوتر وفشله:انا اسف ارثر،مادري كيف فكرت كذا.
:بس هو جد يشبه للبنات هههههه.
خزه الياس بنظرات يعني سد فمك:محمددد.
محمد بضحكه:اسف ارثر.
:من الحين مرحب فيك بالشله ياارثر،معقوله مانقبل بهالجمال؟.
ابتسم الياس:معك حق ياشاهر،باقي كلمة سراب وش قلت ياسوسو؟.
حست بفضول اصلاً تحسبهم خلصوا مين ذا سراب
رفعت غرتها مع رفعتها راسها وتجمددددتتتتتتت
نفس الابتسامه نفس رفعة الحاجب نفس الملااممح!!!
زادت ابتسامة سراب وهو يطالعها بصمت،كأنه شاف مبتغاه،كانه اسد حصل فريسته
حست بقلبها يدق بقوه لدرجه ازعجها "ياربيي لا لا مو معقول مستحيلل هو نفسسه وش ذا الحظ الزفت،ياربي انا وش سوييتتت؟!!!!؟!"
وقف سراب وبانن الطول مره ثانيه وتقدم لها وهي عيونها متعلقه بعيونه بخوف وقهر وحقد،تحت استغراب كل الي بالكفيتريا،مسك يدها ورفعها لفمه
وباسها وعيونه مافارقت عيونها همس:ارثر
توسعت عيونها بصدمه من فعلته وسحبت يدها بقوه من يده ولازالت ابتسامته مرسومه انقهرت بشكل كبير والناس تتطالع لفت وجهه بكف قوي وقربت منه
بهمس يقال تنتقم:سراب
عض شفته السفليه وابتسم ورجع شعره ورا وطالع فيها وهي تجلس ع الكراسي ولا كأنها سوت شي..

مع اني مالقيت دعم بس صامله اكمل😹
ان شاء الله تلقى الدعم الي يناسبها
المهم توقعوا وش راح يصير بالبارت الجاي
ومن وين ارثر وسراب يعرفون بعض؟
سي يو حبايبي