{بين أسمين}

البارت(٣١)

البارت (٣١)

صديت عنه  ..  وصد صده تحدي    
‏ورحنا نكابر في دروب المحبه

‏وأكبر مصيبه عقب صده وصدي ؟
‏" لا زال يعشقني ولا زلت احبه "
.
.
.
فتحت عيونها على صوت صار يتردد بأذنها
هالصوت ماتدري هل هو حلم ولا واقع لكن الي تعرفه انه أزعجها،كشرت وهي تطالع بملامحه المعصبه،حطت ساعدها على عيونها وهي تقول بنعاس:شتبي خير من صباح الله خير؟.
توسعت عيون حاتم بصدمه وغضب:وش صباح الله خير يابنت الناس!!قومي الساعه٢الظهر قوممي!.
عقدت حواجبها بعدم تصديق:كذاب!!؟.

ماكانت مصدقته بالأول،معقوله تأخرت هالقد بالنوم؟
اول مره تسويها،يمكن بسبب اني ماقدرت انام البارح؟
تحول وجهها للون الاحمر الخجول فجأه وهي تفكر بالي صار من لما سكرت الجوال بوجهه سراب بعد الكلمه الي قالها
ضلت تفكر وتفكر طول اليل،ماتدري صراحه وش تفكر فيه بس ضلت تفكر

انتفضت من مكانها برعب لما سمعت صرخة حاتم المرعوبه بإسمها من تغير وجهها المفاجئ
:بسم الله وش فيكك؟؟؟.
حاتم بخوف:انتي الي وش فيك؟لي ساعه احاكيك،إيثار فيك شي؟وراه وجهك كذا لونه!.
تحول وجهها للون الاسود وهي تقوم للحمام اكرمكم الله وتتمتم بصوت واطي لكن مسموع:وش ب بيكون فيني ي يعني احم مافيني شي.
"لهدرجه واضح وجهي!؟؟؟يمه وش يفكني من حاتم"
عقد حاتم حواجبه بأسغراب وخوف وهو يفكر انها متأثره بالي حكته البارح.
.
.
بعد ماطلعت من الشاور وصلت صلواتها ولبست جنز اسود وبلوزه بيضاء،طلعت تدور حاتم الي لاحظت انه ماله صوت بالشقه
ميلت فمها بعد ماشافت فعلًا ان الصاله فاضيه وراحت المطبخ تدور شي تاكله.
بعد مااكلت توستين وحليب من الجوع طلعت للصاله وانسدحت على الكنبه وهي تطلع صوت يدل على الراحه:ااااهههه الحمدلله على النعمه.
اخذت جوالها الي كانت حاطته على الكنبه من البارح ورنت على مزون.

.
:طول مو؟.
قالها علي بتوتر وهو يحاكي حاتم والشباب المجتمعين بصالة شقة علي
ابتسم حاتم الي ماعطى الموضوع اهميه:لاتخاف رح يجي.
شاهر يطالع حاتم بنظرات مريبه:حاتم،انت متأكد كلمته يجي؟.
طالع فيه حاتم بصمت قبل يقوم:انا قلت له ورح اتصل عليه الحين اشوفه ليش تأخر.
:اجلس انا دقيت عليه.
ضغط حاتم بأصابعه بتوتر ع الجوال وهو يطالع محمد بقهر،ليش يدق عليها ويخرب الخطه،انا ماأبيها تجتمع بهالشله.
توسعت ابتسامة محمد وهو يسمع صوته:ألو.
آرثر:اهلين حمود.
محمد:آرثر وينك ساعه ننتظرك؟.
عقد ارثر حواجبه بأستغراب:مين انتم؟.
محمد:علي وحاتم وسراب وشاهر ومتعب.
سأل آرثر بإستغراب:وينكم فيه؟.
محمد بتساؤل:ليه حاتم ماقالك ان احنا بشقة علي؟.
عم الصمت دقايق قليله قبل تقطع الصمت بضحكه خفيفه
:ههه بلا قالي بس حسبت انكم رحتوا مكان ولا مكان،طيب مسافة الطريق واكون عندكم وارسل لي الموقع عشان اعرفه لاني مااعرف بيت علي.
محمد:طيب.
قفل المكالمه محمد والجو صار سكون،شاهر شكله فهم السالفه،اما سراب،كان حاطط ايده على شفايفه ونظراته القاتله مصوبها على حاتم الي كان يرفع شعره بتوتر بسيط.
.
طالعت بالمبنى بعد مانزلت من التاكسي وحاسبته
"ماشاءالله كبير على علي بس"
ضبطت شكلها وتقدمت لباب البيت بخطوات هادئه وداخلها تفكر بفعلة حاتم.
.
فز حاتم بسرعه لما سمع صوت الطق،لانه متأكد انها بتكون إيثار،ابتسم بوجيه الشله وهو يردد بخفوت:أنا بفتح،انا بفتح.
غاب حاتم عن انظارهم بين جدران البيت قبل يرمي متعب كلمته البسيطه على باقي الشله
:حاتم هذا وراه شي.
رد عليه محمد ببرائه:صح والله تصرفاته غريبه.
وقفهم علي الي كان حاس هو بعد:لا،هذي تصرفاته من زمان ماتغير،بس هو مزاجه متقلب.
أبتسم سراب نص ابتسامة سخريه قبل تتحول لجمود مفتون وهو يطالع الي دخل مع حاتم،اكيد
من غيرها،الي اخذت قلبه وعقله،بس ملامح حاتم ليش مقهوره.
..
-نرجع دقيقتين ورا-
انفتح الباب وطلع بوجهها حاتم،نظراتها البارده له ماوقفته يسأل سؤاله الغاضب
:ليش جيتي؟؟.
رفعت شعرها عن عيونها وهي تحاول تكتم غضبها مهما يكون:ليش سويت كذا؟تفكر تقدر تمنعني عن اصحابي؟.
ارتسمت معالم السخريه على وجه حاتم وهو يقول:أصحابي!!!انتي صاحيه؟اصحابك شباب؟تصرف ابدًا مو زين وسويت هالشي لمصلحتك.
قلبت عيونها وهي تدفه بلطف وتدخل داخل البيت
:مو وقت النقاش الحين،مابي احد يسمعنا،بس نرجع للشقه.
.
-عودة من الدقيقتين الماضية-
رسمت ابتسامه عريضه تخفي انزعاجها من الي صار قدام الشباب:السلام عليكم.
ردوا عليها بأبتسامه:وعليكم السلام هلا،اهلين،يامرحبا.
طاحت عيونها بعيونه الي ماشالها عنها اصلًا،فورًا تحول لونها للأحمر من الخجل والتوتر وهي تتذكر كلمتة"أحبك"قربت من الكنبه الموجوده قريب منها وكانت جنب شاهر الي طالع فيها بغرابه.
بعد السؤال عن الحال والأحوال وبعد ماقدموا لها الضيافة،صاروا يطالعون فيلم ولهاللحضه كانت متجاهله سراب وخجلانه،وهو بدوره ماكلمها ولا قرب منها.
.
الجو كان فيه شوية ظلام عشان يندمجون مع الفيلم،كانت منزله راسها لورا،او مرتكيه على الكنبه جنب شاهر طبعًا،وتطالع بالفيلم الي ماكانت يمه اصلًا
حست بلمسات اصبع تنغزها من كتفها،طالعت فيه بأستغراب ورفعت حواجبها بصمت علامة على تساؤلها عن مبتغاه
اشر لها بعيونه متعمد انه يستخدم الاشارات عشان مايلاحضون الشباب
ميلت إيثار راسها وهي تشوفه يتجه للمطبخ،عقدت حواجبها قبل تقوم وتلحقه تحت نظرات شخص مراقبهم من اول والفضول والخوف يقتلونه.

دخلت المطبخ الي كان نوعًا ما كبير،قبل تشوفه واقف بتوتر ويفرك اصابعه
حست ان فيه شي غريب وقالت بتساؤل:خير؟شنو صاير؟.
طالع وراها بالباب يتأكد مافيه احد قبل يلف ويسحب كيس مليان ملابس من داخل الدرج ويقرب منها ويرميه عند رجولها بتوترر واضح
:هذي لك،صح؟.
رفعت راسها بعد ماعرفت الكيس والي بداخله وعضت شفتها بوهقه"طول عمرك غبيه،شلون مافقدتيهم،الحين وش بتبررين"
:اممم اعتقد لي.
ابتسامه غريبه طلعت من فم علي عجزت تفسرها قبل يقول بهمس حاد وهادي بنفس الوقت:شي غريب انك تغير ملابسك ويصيرون مع اختك.

نزلت عيونها تتمنى تلاقي عذر،تمنت انها ماجت لبيته وطاعت حاتم وانحطت بهالموقف.

علي:والاغرب من كذا أني ماقد شفتكم مع بعض!.
ملامحها المتورطه والمقهوره والمفتشله والمتوتره ماقدرت تنكر كلامه واصلًا كل شي وضح.
ماحبت تنكر وتتفشل اكثر وحتى ماتصير بموقف سخيف وهي تنكر الحقيقه الواضحه
:ايوه،الحين وشو؟.
صمت من الجهتين والنظرات ناريه بينهم،نظراتها الخايفه ممزوجه بالتحدي،ونظراته المصدومه الي ممتزجه بنظرات غريبه ثانيه.

:انت بنت؟.
بلعت ريقها بتوتر،هي عارفه انه عرف بس انه يصرح ويسألها،شي صدمها ووترها حيل،ماتدري وش رح يصير لو يتأكد انها بنت،أفكار كثيره حاصرتها والصمت طال
طالعت بعيونه شوي وابتسمت بغرابه
:وأذا بنت؟بتغتصبني زي ماسوا اخوك بأختي؟.
توسعت عيون علي بصدمه مفجعه وهو يطالع بعيونها الي تحولت للحقد فجأه،بردت اطرافه اكثر وهو يطالع علامات وجهه الشخص المصدوم أيضًا وراها وهي مو منتبهه له.

:انت مجنون!!!.
رفعت حواجبها ردًا على علي:ليش وش صاير؟انا قلت الصح.
بانت ملامح الغضب على وجه علي وهو يرص ع اسنانه متجاهل الي وراهم يطالع ولسى مصدوم:بنت ولا ولد مايهمني،بس انك تتكلم عن واحد من اخواني وتتهمه بشي ماسواه مااسمحلك فاهم؟.
ضحكة سخريه طلعت من شفايفها قبل تقول وهو بدأ يستفزها:الله؟ابصملك بالعشره ان اخوك هاني مغتصب اختي وانتم كلكم عارفين ومغطين على الوضع ياح####.
جمدت ملامح علي للحضات قبل يعقد حواجبه بضيق:هاني؟.
لازالت متنرفزة منه ولازال الحقد يتغلغل داخلها بس طريقته بنطق اسم هاني وجمود ملامحة خلاها تستغرب
:ايوه هاني،مو اخوك؟.
:احمم.
لفت بخرشه وراها بعد ماسمعت صوت،انفجعت وهي تطالع بملامح شاهر المعفوسه،واضح سمع كل شي،بس الحين والمهم،هو يدري انها بنت ولا؟

شاهر بضيق يصرف الموضوع:جيت اشرب مويه،ليش طولتوا.
عقد علي حواجبه"ليش يكذب؟لو كان يبي مويه ماتخبى طول هالوقت وجالس يتسمع"
ابتسمت إيثار بتوتر:لا بس انا وعلي نتناقش بخصوص الجامعه،ادخل اشرب.
دخل شاهر وسط سكونهم وشرب مويه رغم انه ماكان يبي اصلًا بس عشان يبعد الشبهات
مر من جنب ايثار ومسك يدها وابتسم وهو ينقل نظراته بينها وبين علي:اعذرني علي،ابي اتكلم معه بموضوع.
نظرات علي الحاده اجبرتها توقف:علي.
رفع حاجبه دلاله على الاستفهام
شدت يدها من شاهر وطالعت فيهم ثنيناتهم واخذت نفس عميق قبل تقول
:ادري كلكم عارفين اني بنت.

.
السلام عليكم،كيفكم كل عام وانتم بخير بما اننا لسى بشهر١٠🌚أشتقتوا لي ولا؟

انا اسفه بجد على تأخري،بس انا مريت بظروف مايعلم فيها الا خالقي اتمنى تدعولي🤍

اخيرًا ايش رايكم بالبارت؟،عطوني توقعاتكم لشو رح يصير،بحبكم حيل لاتنسوا تحطوا تعليقات وتصويت اشوفكم بالبارت الجاي ان شاء الله 🤍🤍🤍🤍.