{بين أسمين}

البارت(١٨)

البارت(١٨)

طالعت بالساعه بملل٥:٥٠م.
"ياخي وش فيه تأخر؟انا ادري ان موعدنا بكرا بس بكرا ماني هنا،بشوف وش يبي!"

قعد بالمقعد المقابل لها بالكفيتيريا..وهو يلهث..واضح كان يركض،اييه زين حس ع حاله انه تأخر!.

فهد بسرعه وتعب:أنا اسف لأني تأخرت.

ارتكت بضهرها للكرسي وهي ترفع غرتها:لا تعتذر دامك حسيت بغلطك..رح اسامحك مع انك لاطعني ربع ساعه هنا.

ابتسم بهدؤ بعد ماهدا من تعبه:فديتك...طلبت شي؟.

ميلت فمها من كلمته الاولى قبل تقول:مارح نطلب شي،قول الي عندك لأني حييل مستعجل وراي شي مهم.

تنهد فهد:طيب..أنا أحبِك.

توسعت عيونها بصدمه"الله يخلف...وش ذي الجامعه الي طحت فيها ياربي استغفر الله!!!!!"ضلت صامته وملامح التعجب والصدمه والتفاجأ وقرفها من جرائته على وجهها،وطبعاً لاحضها فهد.

فهد يتأمل ردة فعله:اذا مو موافق مارح اجبرك تحبني...بس فيك تحاول تحبني.

توترت فجأه قبل تقوم وتطالع فيه:احم..انا اسف بس انا أنسان مستقيم،حاول انك تتجاهل هالنزوه ورح تقدر.

كانت بتمشي بعد مارمت عليه هالكلمات وهي تتمنى يتفهم بس!...مسك ايدها قبل تروح وقال شي لجمههااا حرفيًا!!!!!

فهد يصر ع اسنانه ويحاول يكون هادي:أنا شفتك أنت وسراب بالمحطه لما كنا راجعين من الكشته...متأكد انك مستقيم؟.

عضت شفتها بعد دقايق وهي مغمضه...فتحت عيونها بغضب وهي تسحب ايدها من ايده قبل تقول بعصبيه:الله ياخذك أنت وسراب.

وراحت تاركته صوب مكتب الدكتور سعد.

مسكت شفتها وهي تتلمسها تدور الدم بعد ماعضت عليها بغضب من شوي،بس اشوا ماحصلت والحمدلله ولا رح تنفهم غلط!!.

نست تدق الباب حق مكتب الدكتور سعد وهي غارقه بأفكارها دخلت...حست بهدؤ لما رفعت راسها بعد ماحست بغلطها تورطت!!ماسكه شفتها ومنزله عيونها للأرض وغرتها طايحه بعيونها..وش رح يفكرون الناس.

الدكتور سعد بس شافها تذكر البوسه ووجهه حمر!!الدكتور مازن الي كان عند الدكتور سعد بس شافه ضل مركز فيه ويتأمله ومستغرب من حركته.

لفت بترجع بعد ماقالت:انا اسف مانتبهت..رح ارجع وقت ثاني.

ردها سعد بصوت عالي:تعاال.
وقفت ورجعت لفت وهي ترفع راسها وغرتها:دكتور سعد ابي اكلمك بشي.

قالتها وهي تتذكر ان سراب لمح لها انها باسته،وكمان تتذكر ان كل هالبلى من الدكتور مازن الي ارسلها للحجز وصارت كل هالمصايب!،ماقدرت تسيطر ع نظراتها العتبانه للدكتور مازن...كأنه لاحظ!!.