{بين أسمين}

البارت(٢١)

البارت(٢١)
برعاية{سوسو}

ضمتها بقوه وهي تودعها:رح ازورك كثير هالفتره، لانك اخت صاحبي.
وغمزت لقمر بنهاية جملتها.

بعدت عنها قمر وهي تمسح دمعتها وضربتها بمزاح:استناك عاد ياويلك لو ماتزوريني حتى لو صدفه مع سراب.

ضحكت إيثار ورفعت جوالها الي له ساعه يرن،وكان آرثر يستناها تحت.

لبست نقابها على غير العاده،فهي اكيد من الحين ورايح تاخذ احتياطها بما انها بنفس بيت سراب،تخاف يرجع فجأه!.

إيثار وهي تفتح الباب بأستعجال:بروح اللحق ع خالتي واودعها قبل يتركني هالمجنون.

قمر وهي تلحقها:الله معك ياعمري.

بعد ماودعت ام سراب الي حاولت فيها تجلس اكثر بس تعذرت منها لكون عندها جامعه وكذا،طلعت لآرثر الي كان يستناها على سيارته،لما شافها ابتسم بشوق لها وهي ماقدرت تحبس دموعها أكثر،يكفي انها حاولت وضلت ماسكتها وهي تودع قمر وخالتها.

آرثر يرفع ايديه لها:ارحببيي،ارحبي ياعين آرثر.

ركضت له وضمته بحب،مشتاقه لريحة امها،لخالتها ولآرثر،بكت وهي تضمه بقوه: Mi manchi tanto.

ابتسم وهو يبادلها الضم:وانا أكثر والله.

بعدت عنه وهي تمسك شعره فجأه وتشده وعيونها غرقانه دموع:ليش مازرتني طول هالشهور ياناكر العشره؟!!.

آرثر يمسك ايدها بألم:اااييي ياحيواننه،لسى دوبنا ملتقين!.

تركت شعره وهي تركب سيارته وتكلمه من الشباك:اركب بس رضيت عليك،النقاب كتمني.

رفع آرثر غرته الي خربتها إيثار ومشى لمقعده بتحلطم:يقال ميت ابي رضاك.

إيثار ابتسمت خلف النقاب وهي سامعته اصلًا:ايش قلت؟.

آرثر بعد ماركب وشغل السياره:ولا شي سلامتك.
ومشوا
مشوا وعيونه تراقبهم من الدور الثاني بحنق،حقد من هالشخص الغريب،او فينا نقول شرارة غيره؟.

قمر وهي تدخل بعد ماودعت ايثار وضلت تراقبها بحزن وهي تروح،وقفتها امها وهي تقول:قمر حبيبتي لاتطلعين قسم الرجال بالدور الثاني.

قمر بتساؤل:ليش؟.

ام سراب:عمك سعد فيه.

قمر بأستغراب:ايش فيها دام عمي هنا بروح اسلم عليه.

ام سراب وهي تتجهه للمطبخ:لاياعمري عنده عمر يساعده بأشياء.

كشرت قمر من هالطاري ولحقت امها تشوف وش تسوي وتتسلى بعد ماحست بفراغ فجأه بروحة إيثار.

.

.

.
طلع من القاعه معاه شلته بعد ماخلصت محاضراته معهم،طالع الساعه بمعصمه كانت بتصير٤العصر