البارت(٢٠)
في قصر مختلف و غريب عنكم لأن أول مرة ندخله.
نزل الشماغ ورماها بإهمال على سريره وانسدح وتفكيره يكاد يفجر رأسه!
من الشوفة اللي شافها البارح وهو مو على بعضه والكل لاحظ ذلك، من لما اكتشف حقيقتها وهو يفكر بالسبب المعقول الي يخليها تدخل جامعة أولاد؟
تمنى انه ما راح البارح لما عزمه اخوه بمناسبة أن سراب رجع بعد مدة، وتمنى انه ما طلع للدور الثاني عشان يدور اوراق خاصه بمكتب اخوه ابو سراب.
كل الحقيقة تهون قدام انه يتذكر هذيك البوسة والقرب اللي قربه من ارثر هذيك الفترة،او نقول هذيك البنت!
لأول مرة من بعد البوسة يحمر وجه سعد ويغطي وجهه باللحاف يحاول يدفن افكاره وصورتها الأنثويه الفاتنه بنظره وينام!.
.
.
.
نزلت راسها برعب سامحه لشعرها الاشقر الطويل انه ينتثر على وجهها ويخبيه من نظرات سراب المصدومه والي مركزه حيل فيها يحاول يتأكد!
قمر تداركت الموقف بس ماعرفت وش تقول:ااا سراب وخر عيونك.
بس سراب ماسمع من اخته وضل يطالع فيها!لفت إيثار وهي تحاول ماترتجف وركضت فوق لغرفة قمر.
قمر وهي تطالع اخوها الي انشل فجأه وتحاول تغير الموضوع:وين أهلي؟ومين طفى الكهرب!!.
بلع سراب ريقه قبل يرد على اخته:راحوا يشوفون موضوع الكهرب،وواضح هم شغلوه.
لاحضت شتاته لما جلس على طاولة الطعام وهمست بصوت مسموع وأستغراب:وش فيك؟معقوله كل ذا لأنك شفت إيثار؟!.
رفع راسه بسرعه:هذي إيثار؟.
هزت راسها بتعجب كمل هو والغضب والشتات باين عليه:هذا بنت ولا ولد؟!.
طالعت فيه بعدم فهم"وش صاير وش السالفه":وشفيك ليش تقول عنها كذا؟.
مسك راسه سراب وهمهم هو نفسه مو فاهم وش قاعد يصير او وش قاعد يقول:خلاص روحي.
راحت وفي بالها اسأله كثير،بس وقفها على اول خطوات بالدرج صوت تكسير أشياء فوق،للحضات حست بشي مرعب اكتسى قلبها،وطالعت ببطئ اخوها الي رفع عيونه لما سمع الصوت،رجعت طالعت فوق وبلمح البصر صارت تركض وسراب ركض وراها.
قبل دقايق،تحديدًا لما ركضت إيثار فوق،دخلت الصاله الي بالدور الثاني وجلست على الكنبه وهي تاخذ نفس بسبب الركض الي ركضته،اخذت جوالها الي كان مرمي ع الكنبه وتنهدت.
ماهي مصدقه الموقف الي صار من دقايق!!!!عمرها مافكرت تتواجهه مع سراب بهيئتها الانثويه ابدًا!تحاول ترتب الاحداث والافكار وتهدي دقات قلبها السريعه.
مسكت راسها بخوف من ردة فعله لو يكتشف فعلًا انها بنت!ياربي لازم تضبط الوضع وتبعد تفكير اني بنت عن باله،بس كيف وهو شافني ياربي!!!؟؟؟.
أنت تقرأ
{بين أسمين}
Avventuraدخَلت الجامعة بنية الإنتقام من مغتصِب صديقتَِها فأصبحت محط أنظار الرجِال الموجودين. "مهووُسوُن" ستنصَدم بهِوية المُغتصب هل سيغير هذا من هدفِها؟ لااحلل نقل الروايه دون ذكر اسمي فيها🤎
