{بين أسمين}

البارت(٣٠)

البارت(٣٠)

ودّه يصارحني وانا ودّي أبوح
‏والكـل منا يـذبـح الخــوف شوقه
‏إلى متى يبقى الحيا مالك الروح
‏والصمت يحرم كل واحد حقوقه

.
.
.

[سراب]

حسيت فجأه ان قلبي يحترق!
مو معقول الاحساس الي جاني لما شفته او شفتها تضم واحد غريب بالنسبه لي!!وممكن حتى بالنسبه لها!
الغيره والفضول اجتمعوا وقاعدين يتحاربون جواي
بس لما رجولي قادتني لهم عرفت أن الغيره هي الي
أنتصرت.

[شاهر]

انصدمت يوم شفتها تضم الرجال!بس لحضه ماودي اسيء الظن فيها،يمكن اخوها،خالها،عمها،او حتى زوجها؟؟
لا لا مستحيل تكون متزوجه وجايه هنا
بس هذا مو موضوعي،واضح انها مادرت عنا واكيد بتتورط لو تشوفنا،لازم اساعدها.
.
.
فرقوا الحضن بينهم وضلوا متماسكين الايادي بأبتسامة شوق وراحه وألم
مسحت إيثار دمعتها الي خانتها وهي تطالع فيه لين قالت بألم:تعرف شكثر أشتقت لك؟.
ابتسم وعيونه تلمع بس صامد وهو يمسح على شعرها الي انصدم بقصره بس ماحب يبين
:اكيد كثري.
تأملت وجهه بحب أخوي وهي متحمسه للكلام الي بيصير بينهم
بينهم كلام كثير واسرار وسوالف.

وقف قدامهم مثل النار المستعره من الغيره!طالعت فيه بأنصعاق"وش جابه هنا؟ماناقص الا هو يشوفني مع حاتم!
الله من الأسأله"
طالعت وراه وشافت كل الشله جايه!!!
تورطت الحين الشله يعرفونها ارثر، وحاتم وسراب إيثار
سراب خلصنا منه"حاتم شلون افهمه الحين؟؟!!"

سراب ببرود:من هذا؟.
طالعت فيه دقيقه وبسرعه قلبت نظرها لحاتم وقالت بدون تردد
:حاتم اسمعني زين،بس يجون الشله هذيك تكلمني على أني آرثر مو إيثار فاهم؟.
توسعت عيون حاتم بصدمه وانصعاق وهو يطالع فيها
مافهم من هذا الي جاهم طاير كأني ذابح احد له والحين هذي تقول كلام مو مفهموم!!!
صرخت فيه بهدوء لما شافت انهم على بعد خطوتين:فاههههممم؟؟.
هز حاتم راسه على الرغم من موقفه بس حس انه ضروري يسمع كلامها
طالع بسراب وصار مليون سؤال براسه!.

الشله ماعدا علي:السلام عليكم.
إيثار بأبتسامه:وعليكم السلام،حياكم،وش مسهركم ومطلعكم هالوقت؟.
شاهر بنغز:انت وش مطلعك،ومن هذا الرجال الي معك؟.
ضحكت بتوتر وهي تنقل نظراتها بين سراب وحاتم:هذا،احمم حاتم...اخوي.
عقد شاهر حواجبه ومعه سراب اما علي تحول لونه للأسود من فرط الصدمه والباقي ابتسمو ورحبوا فيه

ماقدر علي يتحمل الموضوع وتقدم الشباب الي كان اصلًا حاتم مو قادر يشوف علي منهم
صار قدام حاتم بالضبط الي انتقل له اللون الأسود من الانصعاق!

علي يأشر على حاتم وآرثر بصمت وصدمه:أ أ أخوان!!!!!!.

بلع حاتم ريقه وهو يستوعب خطورة الموقف طالع بإيثار الي شاف بعيونها علامات الأستغراب والتساؤل
صدم حاتم الشله كامله لما دنق على أذن إيثار بدون سابق إنذار وهمس بتوتر:علي ولد عمتي.