{بين أسمين}

البارت(٢٢)

البارت(٢٢)

(ماذا يجري؟)

قرب منها والخوف واضح جدًا على ملامحه ونزل لها على ركبه وهو يمسك خدودها:آرثررر!!!!وش فيككك؟؟؟؟.

ضلت تمسح دموعها وهي تطالع ملامحه بذهول:أهئ..وش جابك!.

تحولت عيونه للون أحمر قاتم من الغضب فجأه وهو مركز ع فكها ومد يده يتلمسه ويادوب سمعت صوته الغاضب:مين سوالك هذي؟؟.

بعدت ايده بألم وهي تخبيها بيدها ورجعت دموعها تنزل بس تذكرت الموضوع:علي..هذا..طح..طحت.

علي بعد إيدها ومسك خدودها بأيد وحده بتهديد:آرثر أعترف...مين سواها؟؟؟.

بوزت بطفوله قبل تتعلق برقبته بألم وتبكي زي الأطفال،ماقدرت تتحمل،تحس علي هو الوحيد الي بيفهمها دامه جاء وماتدري شلون جاء للجامعه؟اااههخخ لو يدري انها بنت ويحميها أكثر من حمايته وخوفه ع آرثر.

بادلها الضمه القويه وهو مابين الغضب والحزن الشديدين ع حالته،همس لها بأذنها وهو يمسح ع شعرها:الي قلت أنهم أعترفولك؟واحد منهم سوا كذا؟؟.

شدت ع رقبته وهو فهم انه اجابتها أي،ضمها أكثر وصار يهديها لين قطع عليهم صوت الي جالس مع شخص ثاني وراهم،وطول هالفتره كانوا يراقبون بجمود وخوف وفضول!.

:وش الحكايه؟.

إيثار لما سمعت صوته فجأه تذكرت صوت سراب،فيه شبه قالت لعلي بألم:ماأبي يشوفون ذا الشي.

علي وقف ووقفها معه وهي لازالت بحضنه:سعد أنا مضطر أروح الحين،ارجعلك وقت ثاني.

ماتكلم سعد وهو مركز بإيثار بس"ياترى وش صاير معها؟؟ووش عرفها بعلي!"ضل صامت عكس الرجال الي صرخ بصدمه ع علي:وين بتروح وتترك معاملتك؟؟.

علي طالع فيه ببرود:عندي أهم منها الحين.
ابتسم الشخص بسخريه وهو يطالعهم ضامين بعض:والله وطلعت تعرف تختار ياعلي،هالورع مره وحده؟؟!.

بصوت واحد وعصبيه وحده صرخوا علي وسعد:ههاانيي!!!!.
سمعت ضحكاته وهي ماشافت وجهه،حست بشي غريب ومُلحّ يبيها تلتفت،أسمه اشعل بقلبها شعله غريبه!!
لما جت بتلف له وتشوف ملامحه الي حست بخبثها من صوته!بس لفها علي وطلعها برا بسرعه وهو لسى ضامها.

جلسها ع كراسي خارجيه قبل يقول بغضب:مين هو؟.

مسحت دموعها"رباااه مين بيفكني الحين!":ماحد.
رفع راسها بحركه سريعه ألمتها زود ع الجرح:تستعبطط؟؟؟مين بسرعه قولي لاأصطرك الحين.

حست بالغضب بنبرته،وهذي اول مره تشوف علي كذا"مارح ادخلك":قلت ماهو أحد.
بعد عنها شوي وهو يمسك راسه بقل حيله وصبر:من شوي قايلي وانا داخل.

عقدت حواجبها وهي لازالت تمسح باقي دموعها وتحاول تغير الموضوع:ماقلت شي،بعدين انت وش تسوي بالجامعه حقتي؟؟.