هذا الكتاب هزلي فكاهي يحمل بنهاية كل جزءٍ من أجزائه مغزى وهدف. سكريبتات مصرية لما بعد الزواج.
الجانب الفكاهي الناضج مني: «ندى الشحات».
التحديث بشكل يومي حتى يصل لخمسين سكريبت.
= راجل؟ وهو في راجل بردو يتصل بواحدة مايعرفهاش الساعة 2 بالليل علشان يقولّها إزيك؟ وبعدين حضرتك جيبت رقمي منين؟
- لاقيته مع واحد صاحبي أخدته منه ودلوقتي فاضي مش لاقي حاجة أعملها قولت أكلّمك وأتعرف عليكِ.
= لاقيته مع واحد صاحبك؟ مين صاحبك دا؟ وإزاي تتصل بيا علشان السبب دا أصلًا؟
- هي جيت عليا يعني؟ ما رقمك كان مع صاحبي وهو غريب عنك مش من عيلتك عادي، جاية تعملي شريفة عليا دلوقت؟
= أنا شريفة غصب عنك وعن صاحبك دا، وصدقني مش هيحصل خير بعد المكالمة دي.
- أنتِ لو شريفة فعلًا كنتِ أنهيتِ المكالمة بعد ما لاقيتيني حد غريب وحابب يفتح حوار معاكِ وخلاص، بس الظاهر إن الموضوع عاجبك.
= لا بقى دا أنت قليل الأدب وتخطّيت حدودك كمان.. يلا في داهية وابقى قول لصحابك دا إني مش عايزة أعرف شخصية زبالة زيه تاني علشان خان ثقتي وسمح لواحد زيك ياخد رقمي.
بتقفل السكة في وشه وتنهي المكالمة وهي متعصّبة وبتعمل لرقمه بلوك، وبعد دقيقتين بتلاقي نفس الرقم باعتلها رسالة واتس آب محتواها:
- لو كنتِ محترمة فعلًا ومش عايزة حد يتخطّى حدوده معاكِ كنتِ حافظتِ على رقم تليفونك بما إنه حاجة شخصية وماعطيتهوش لأي شاب غريب عنك حتى لو كان صاحبك زي ما بتقولوا، بس طالما رقمك مع صاحبي وهو غريب عنك، يبقى رقمك مباح للكل.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
............
هل تعرضتم لمثل هذا الموقف؟ وبأي صفٍ تقفون؟
إن كنتم بمكان الفتاة، فماذا سيكون رد فعلكم على الرسالة الأخيرة؟
