طلّقني!

|٩| چاني چِنّيّ.

هتعمل إيه؟
هتعمل إيه يا وحش لو ظهر لك چِنِّي وقال لك ليك أمنية واحدة تطلبها وهحققها مهما كانت؟

ندّوش القشقوش بتقدم لك 4 طرق مختلفة للتعامل لو طلع لك عفريت، وقال لك ليك أمنية واحدة وأنت عندك عدد (n) أي عدد لا محدّد من الأمنيات.

1- طريقة الـdirect call أو ما يُعرَف بطريقة الخدعة المباشرة:
تقول للعفريت «أمنيتي أنك تنفّذ لي عدد n من الأمنيات.» وبكدا هتكون نفّذت أمنيات كتير من أمنية واحدة.

2. طريقة الـindirect call أو ما يُعرَف بطريقة الخدعة غير المباشرة:
وهي إنك تكتب طلباتك في ورقة، وتقول للعفريت: «أمنيتي أنك تنفّذ اللي في الورقة دي.» وبكدا يا برنس هتحقق عدد لا نهائي بطريقة دحلابة.

3- طريقة الـmulti-threading أو ما يُعرَف بطريقة الاختيار من مُتعدّد، حاجة كدا زي الإجابة (جميع ما سبق) في الامتحانات.
وهي إنك تقول للعفريت: «أمنيتي أن يطلع لي عدد (n) من العفاريت ينفذوا أمنياتي كلها.» ويا بختك بدماغك الفخمة دي.

4- الطريقة الرابعة
وهي إنك تحط الأمنية الكبيرة كـmain function أو هدف رئيسي ليك، وتشغّل الأمنيات التانية كـinterrupts أو متعلّقات بالأمنية الكبيرة دي، وتقول للعفريت: «أمنيتي أنك تدخل جوا الـmain function دي وتحقّق كل اللي فيها.»

وهنيئًا لك تحقيق جميع أمنياتك من أمنية واحدة ومزاولة العفريت.

ويا إما العفريت يطلع غبي ويحقّق لك كل أمنياتك بالطرق دي، يا إمّا يطلع ماعندوش صبر وعصبي ويحوّلك لشامبانزي..

كانت معكم: ميس ندوش القشقوش لشروحات أفضل لحياة أفضل.

#سكريبتات_ندوش.