36
كانت اشعه الشمس تعلن بدايه يوم جديد
استيقظت ميار واتجهت لترتدي ملابسها وهي عبارة عن فستان بالون الكشميري وعليه طرحه بالون الأف وايت وكوتش ابيض
ميار : يلا بقى يا محمد ايه ده..ويقول البنات بتاخد وقت في اللبس قال
محمد : عماله يلا يلا ايه الزن ده ...يلا قدامي يا ختي
نزلوا وركبوا سيارة محمد واتجه للجامعة..وأما وصلوا
ميار : صباح الخير يا يارا
يارا : صباح الخير يا قلبي ... ايه هتفضل عامل فيها زعلان كده مفيش وحده صباح الخير ولا وحشتيني
محمد : لا مفيش حاجه للناس العنيدة اللي مبتسمعش الكلام
يارا : كده طب والله لوريك يا محمد ماشي
محمد : يارا لازم تعرفي اني عشان بحبك عايزك تلبسي الحجاب
يارا : بس أنا مش حبه اني البسه دلوقتى
محمد : طب يا يارا اعملي اللي انتي عايزاه سلام ياميار انا رايح الشركة
أما على الناحيه الاخرى
استيقظ علي على اغنية (الجيزة مصنع رجالة )
علي : ايه ده بتعمل ايه بنت المجنونه دي
نزل علي واستنتج أن الصوت جي من المطبخ واتجه للمطبخ ليضحك بشدة على تلك المجنونه
ياسمين : احنا جبال ولا حاجه هزتنا يبقى بلاش تيجي على سكتنا .....ليقاطعها علي وهو بيغلق الأغاني
علي : ايه اللي انتي عملاه ده من الصبح يا مجنونه
ياسمين : ايه يعني لما شغل عنبه وانا بعمل الفطار الدنيا خربت ولا الدنيا خربت
علي : لا ده انتي دماغك هي اللي خربت هو في حد يشغل اغاني على الصبح كده ده الجيران هيجوا يشتكوا
ياسمين : فصلتلي المود منك لله يا اخي انا راحه البس
علي : بعد ما مشيت مجنونه بس زي القمر...ثواني واتجه هو الأخر ليرتدي ملابسه والتي كانت بدله سوده
وطبعاً علي خالص ولبس الأول وبعد كده نزل... ثواني واتجهت ياسمين خلفه فطروا ثم اتجه لسيارة علي
ياسمين : دي مش عربيه دي بحر مش كنت جبتلك عربيه صغيره حلوة كده
علي : وهو برده علي السيوفي يركب اي حاجه ولا ايه
ياسمين : والله نفسي اشوف عمي السيوفي ده اللي عمال تتفشخر بيه ده
ثواني ووصلوا
علي : خلي بالك من نفسك
ياسمين : حاضر
ثم اتجه علي للشركه
في الشركة
علي : الف سلامه على ولدك يا استاذ وائل ولو حضرتك عايز تأجل السفقه احنا هنتفهم الظروف
وائل : شكرا يا استاذ علي بس ان شاء الله كل حاجه هتم في معادة
محمد : طب الحمدلله...ثواني وداس محمد على زرار ما .. ثواني ودخلت يارا
يارا : أيوة يا فندم
محمد : بحزم هاتي اوراق السفقه
يارا : حاضر واتجهت خارج المكتب... ثواني ورجعت تاني وهي فأيدها بعض الأوراق
يارا : اتفضل واديتهم لعلي وخرجت
انهي علي ومحمد الأجتماع
علي ' هو في حاجة بينك انت ويارا
محمد وحكي لعلي كل حاجه وان يارا رافضة تلبس الحجاب
علي : بسيطة انا هقولك تعمل ايه ....
أما رضوى
كانت لسه راجعه من عند ابنها لان رضوى من ساعة ما إياد مات وهي كل يوم تروح تزوره ......دخلت رضوى شقتها لقيت مروان زوجها يشرب الخمر
رضوى وهي بتحاول تسحب منه الخمرة : سيب كفايه بقي كفايه يامروان ارجوك
مروان : سيبيني يارضوي لو سمحت خليني استريح
رضوى وهي بتمسك منه الأزازه : يعني هو ده اللي هيريحك وخدت منه الأزازة ورفعتها .. ثواني وخدها منها مروان وحدفها
مروان بغضب : بتعملتي ايه انتي اتجننتي
رضوى : ايه مش هو ده اللي هيريحك انا كمان عايزه استريح ثم بكت بينما زوجها تركها وخرج
أما على الناحيه الاخرى
استيقظت ليلي واتجهت لترتدي ملابسها وهي عبارة عن فستان چيبه بالون الاسود وعليه تشيرت بالون الأسود ومنقط بالون البيبي بلو وطرحه بالون البيبي بلو
نزلت ليلي من البيت ركبت سيارة أجرةواتجهت للجامعة ....وصلت الجامعة ودخلت المحضرة وهي بتحمد ربنا عشان أنه احمد لسه مجاش المحضرة
شويه ووصل احمد
احمد : صباح الخير
الجميع : صباح الخير
بدأ احمد بالشرح وهو طول ما هو بيشرح عمالي يبص على ليلي لحد مخلص شرح
احمد : ليلي انا عايز اتكلم معاكي
ليلي : وانا مش عايزه اتكلم مع حد ..... وخرجت متجه خارج المدرج لكن احمد راح وراها ومسك ايديها
احمد : قولتلك انا عايز اتكلم معاكي
ليلي : واظن أن انا قولتلك مش عايزه اتكلم مع حد ولا انت مفهمتش
احمد : يعني اللي سمعته كان صح روحتي اتخطبتي ليه يا ليلي ليه انا حبيتك حب مش هتلاقي حد يحبك نصه حتى
ليلي : فعلاً عشان كده بقى روحت وخطبت ميار صح
احمد : ميار وانتي بقى فاكراني بقى اني خطبت ميار
ليلي : ايه هتكدب وتقول مخطبتهاش
احمد : لا مش بكدب انا فعلاا مخطبتش ميار والكلام اللي انتي سمعتيه ده كنت بقوله عشان اسلام بس انتي سألتي انا قولت كده ليه طب حاولتي تسمعيني لا عشان شايفه أن كل الرجاله زي بعض حتى انا عايزاني ابقى زيهم ليه كده يا ليلي ليه اتسرعتي وحكمتي عالياا لا وكمان روحتي اتخطبتي
ليلي بصدمه : احمد انا ....انا اس....
احمد بمقاطعة : مفيش فايدة انتي عمرك ما هتتغيري
واتجه تارك ليلي لكن ليلي أوقفته وهي بتحضنه من ضهره
ليلي : انا اسفه وغبيه بس متسيبنيش يا احمد
التفه احمد ل ليلي التي كانت تبكي
احمد بصدمه : طب اهدي ليه عملتي كده تقدري تقوليلي دلوقتي هتعملي ايه في اللي انتي مخطوباله ليه بتعذبيني وبتعذبي نفسك
ليلي : هقوله اي حاجه هقوله اني بحبك هقوله اني مش هتجوزه
احمد : وهو يحاول أن يخفف من عليها اقولك حطيله ملح انجليزي في العصير
ليلي بضحك : من بكائها معندناش ملح انجليزي
احمد : انا لسه هعقبك بس الأول نشوف احنا هنعمل ايه مع اللي انتي روحتي اتخطبتيله
ليلي : انا هتكلم معاه
احمد : وهو الكلام هيجيب فايدة
ليلي اه عب......لتقاطعها صدمتها... ياتري ايه هو سبب صدمتها وايه اللي هيكتبوا القدر لأبطلنا....استنوا الجزء الجديد..........✍️ هاله صالح
أنت تقرأ
للعشق جنون
General Fiction🦋ليلى واحمد🦋......صدمة في الماضي جعلتها تكره الرجال حتى أتى هو وغير حياتها وجعل قلبها يدق له.....لكن قصتهم بتاخد محور أخرى برجوع أخته الميته من الموت لرجوع حقها وحمايتها........حب......رعب.....الوقوف في وجه المصاعب...عايز تعرف اكتر ادخل اقرأ...
