للعشق جنون

الجزء الأثنان وثلاثون

32
بدايه جديده وصباح مختلف يحمل العديد من المفاجأت لأبطالنا ..

استيقظت ميار واتجهت لترتدي ملابسها وهي عبارة عن فستان احمر وعليه طرحه بالون الأوف وايت وكوتش ابيض
ميار : انا نازله
صفاء : استني بس انتي رايحه على فين
ميار : انا رايحه الجامعة
صفاء : مش مهم النهارده تحضري المحضرات النهارده
ميار : انا رايحه عشان اتكلم مع اسلام وهفهمه أن انا وهو ملناش ذنب في ده كله
صفاء : معاكي حق
ميار : يلا سلام 
نزلت ميار من البيت و ركبت سيارة أجرة واتجهت إلى الجامعة...
علي الناحية الأخرى
استيقظ اسلام وارتد ملابسه وبعدها اتجه إلى الجامعة
اسلام في نفسه : انا اسف يا ميار بس لازم اسيبك عشان دي أمي مقدرش ابعد عنها أو سيبها .... لازم نسيب بعض يا ميار.....بس أنا لازم اخليها تحس انها مش فارقه معايا بطريقة دي بس هتقدر تنساني
وذهب إلى الجامعة....

أما ليلي
استيقظت واتجهت لترتدي ملابسها وهي عبارة عن بوي فريند و عليه هيكول بالون الاحمر الغامق وعليه طرحه بالون الاسود وكوتش اسود
ليلي في نفسها : وأخيراً هقولك النهارده اني بحبك يا احمد و اني خلاص هرمي الماضي ورايا وهبدأ معاك حياة جديدة مفيهاش إلا الحب وبس
ثم اتجهت واوقفت سيارة أجرة لتتجه الي الجامعة....
على الناحيه الاخرى
استيقظ احمد وارتد ملابسه واتجه إلى جامعة
احمد في نفسه : امبارح هربتي مني ياليلي بسبب اللي حصل مع ميار واسلام بس النهارده مش هسيبك غير لما تقبلي حبي ليكي غصب عنك..... ما هو انا برده اللي غلطان لأني امبارح مفتحتش معاها الموضوع وهي اكيد مش هتتكلم لوحدها لازم اعتذرلها عشان امبارح
ثواني وذهب إلى محل يبيع الورد واشتر بعض الورود الحمراء والبيضاء. واتجه إلى الجامعة.......
وصل احمد إلى الجامعة وكان بيركن سيارته ونزل ثواني واتجه إلى ليلي عندما رأها وهي تنزل من سيارة الأجرة
احمد : صباح الخير
ليلي : صباح الخير
احمد : ايه القمر ده بس يا ليلو ..
ليلي : تسلم يا سيدي..بس انا عايزه اتكلم معاك
احمد : اول حاجه خدي الورد ده وبجد انا بعتذرلك
ليلي : ليه انت عملت ايه
احمد : عشان اللي حصل مع ميار.......ايه دي مش ميار اللي واقفه مع اسلام هناك دي ... ثواني يا ليلي و هجيلك بس اشوف ميار واتجه احمد لميار
ليلي : استني انا كمان عايزه اكلمها ....وذهبت وراء احمد

احمد في ايه ميار
ميار : لا مفيش ده الدكتور اسلام بيعزمني على خطوبته ....بس معلش بقي يا دكتور مش هينفع احضر الخطوبه بس على العموم الف مبروك ليكم
حنين بخبث : ليه مش هتحضري الخطوبه هي في حاجه هتضيقك فيها
احمد بتدخل : لا بس للأسف مش هتبقى فاضيه عشان خطوبتي انا وميار بعديكم على طول فهنبقى مشغولين فى التحضيرات وكده
واول ما ليلي سمعت أحمد وهو بيقول كده وقفت مكانها متجمده ... ثواني وجريت خارج الجامعة وركبت سياره اجره
ليلي : عشان كده كان عايز يعتذرلي عشان هيكسر كل وعوده عشان هيكسر قلبي ليه كده يا احمد ليه منك لله يا اخي..بس بس أنا اللي غبيه ازاي ادي امان الرجالة تاني ازاي .....

اسلام بصدمه : ايه خطوبة مين
احمد : شكلك ما سمعتش خطوبتي انا وميار مع السلامه دلوقتي...
خد احمد ميار واتجه بعيد عنهم ..أما اسلام بعد ما مشيوا
حنين : اسلام انا......ليقاطعها اسلام
اسلام : انا كل اللي قولته ده عشان ميار وبس وياريت تاني مره متتعديش حددك معايا ..وتركها واتجه خارج الجامعة

flash backللحصل مع اسلام وميار

كان اسلام ماشي بعد ما وصل للجامعة.
حنين ..(انا كنت عرفتكم على حنين اللي مش فاكرها يرجع الجزء الخامس)  : دكتور اسلام..يا دكتور
اسلام : نعم
حنين : سمعت انك سيبت ميار
اسلام : دي حاجه متخصكيش ابداا وبعدين انتي لازم تفهمي ان انا الدكتور بتاعك وفي بين وبينك حدود وياريت متتعديش حدودك تاني مرة ..
.وهنا جت ميار.....
ميار : انا عايزه اتكلم معاك يا اسلام
اسلام ببرود : اتكلمي حنين مش حد غريب
ميار : بس انا عايزك في.....ليقاطعها اسلام
اسلام وهو يريد لو يقتل نفسه قبل أن يقول هذا الكلام : انسه ميار حنين هتبقى خطبتي من الأسبوع الجاي ان شاء الله فياريت لو في حاجه عايزة تقوليها قوليها قدمها........
(وطبعاً الباقي انتوا عارفينوا لما جه احمد).....

احمد : اهدي بقى يا ميار اللي زي ده متزعليش عليه عشان ده واحد (واطي ) ومن أول مشكلة توجهكم اتخل عنك
ميار من بكائها : انا...انا عايزه اروح..روحني يا احمد لو سمحت......... ياترى ايه اللي هيحصل مع ميار واسلام وهل فعلاً دي نهايه قصتهم......؟
وايه اللي هيحصل مع ليلي واحمد......؟.. استنوا الجزء الجديد............ ⁦✍️⁩ هاله صالح