للعشق جنون

الجزء (42)

42

كان اسلام واقف من بعيد وهيموت من الغضب
اسلام في نفسه.....يعني ايه يعني ميار هتتجوز احمد خلاص مستحيل اخلي ده يتم
ثم اتجه وركب سيارته واتجه لمكان ما وبعد شوية وقت وصل لعمارة ما ونزل من السيارة.....
اسلام.....ياعبده عبده
عبده (بواب العمارة)......أيوة اسلام باشا
اسلام......هات حد ينضف الشقة عايزها تكون نضيفه النهاردة
عبده .....ماشي يا اسلام باشا ....
وبعدها ركب سيارته تاني و بعد شويه وقت وصل لجامعة ميار بالقاهرة وفضل واقف امام الجامعه.....

أما عند رضوى
كانت قاعده حضن رجليها على السرير في غرفتها في المستشفى.....ثواني ودخل عليها الدكتور المعالج 
الدكتور..... صباح الخير.....لكن رضوى مردتش
الدكتور مرة أخرى..... مالك خايفه ليه ممكن تحكيلي عن نفسك شوية ولو مش كادكتور يبقى كاصديق.....وقام وقلع البالطو الأبيض .......لكن برده رضوى مردتش
الدكتور......طيب يا ستي انا هحكيلك عن نفسي طالما انتي مش راضيه ...انا اسمي وائل عماد الدين وطبعاً بشتغل دكتور درست في مصر سنه.....في الوقت ده لاحظ وائل أن رضوى بدأت تركز معاه .... وبعدين كملت دراسه في أمريكا ومش كده وبس ده انا يعتبر لفيت نص بلاد العالم وكمان بحب التصوير جدا وكل بلد سفرتها صورتها حته حته استني هوريكي الصور اللي مصورها ..تحبي تشوفيها ...هنا اول مرة تستجيب رضوى مع احد منذ شهر تقريباً....هزت رضوى رأسها بالموافقة .....فبتسم وائل
وائل وهو ليفرجها على صور ......دي في فرنساا الراجل ده مشهور بمطعم الجبنه بتاعه متخيله مطعم للجبنه بس بجد ده محترف ودي لوس انجلوس والبنت اللي فالصورة دي تبقى صاحبتي يعني بستي زي ما بيقولوا وهي مجنونة مزيكا وبصي دي في إيطاليا..........واعد يفرجها ويحكلها وكان حاسس أنه هو كمان بيتعالج مش بيعلجها وبس ....أما رضوى كانت مركزة معاه وكمان كانت بتتجاوب وحست بتحسن لا وكمان لأول مرة بعد اللي حصلها  بدأت تضحك من تاني
بعد ما خلصوا فرجه ...
وائل ........انا لازم امشي دلوقتي بس هرجع تاني بكرة في حكايات كتيره عايز احكيهالك ....كان خارج من الغرفه لكنه افتكر أن الدكتور قاله أن رضوى ممتنعه عن الأكل وعايشه على حقن الفيتامينات
وائل بتفكير عشان يخليها تبدأ تاكل .....بكرة هنفطر مع بعض بس اوعى تفطري لوحدك .........واتجه وائل خارج المستشفى وركب سيارته.. بأمل كبير أنه خلاص هيخرج رضوى من اللي هي فيه....ثواني وقطع شروده رنين هاتفه
وائل.....الو
سندي .....الو ..انت فين يا وائل انا مستنياك بقالي ربع ساعة
وائل ......اه انا خلاص جاي في الطريق يا حبيبتي مش هتأخر
سندي....ماشي متتأخرش .... سلام
وائل..... سلام......واغلق الخط.......وبعد شوية وصل لأحدى الكافيهات
وائل ......ازيك يا حبيبتي
سندي..... الحمدلله....
وائل ......ها يا ستي ايه الموضوع المهم اللي انتي عايزاني فيه
سندي...... ب.. بصراحه يا وائل احنا لازم نسيب بعض
وائل بصدمه .....ايه اللي انتي بتقوله ده
سندي بتمثيل ......اصل انا مقدرش اخدعك واخدع نفسي اكتر من كده...وائل انا بحب واحد تاني زميلي في الجامعة بس ماما هي اللي كانت مصرة على خطوبتنا وانا حاولت لنساه لكني فشلت ...انا اسفه
وائل.....لا متتأسفيش اللي انتي عملتي دلوقتي هو الصح  وبعدين كل شيء قسمه ونصيب
سندي بتمثيل البكاء.......ب... بعد ازنك...... وخدت شنطتها واتجهت خارج الكافيه .........