للعشق جنون

الجزء (40)

40

اتجهت يارا لغرفة محمد..ثواني واتصدمت .......
كانت سندي وحضنه محمد
سندي....انت كويس
محمد....اه الحمدلله هو دراعي اللي اتجبس ...بس دلوقتي بقيت احسن
سندي...... الحمدلله انك كويس يا حبيبي ده كنت اموت لو كان بعد الشر حصلك حاجه
ثواني ودخلت يارا وسحبت سندي من على السرير وادتها بالقلم ...
محمد.....انتي اتجننتي ولا ايه انتي ازاي تعملي كده انا هطلبلك الأمن يجي يخدك
سندي بخبث......هي مين دي يا محمد
محمد.... معرفش من ساعة ما فوقت وهي عماله تقول كلام غريب
يارا بتمثيل عكس اللي جوها ..... لا لا القلم ده هي عارفه هي خدته ليه ..أما أنت بقى فده وعد مني اني هشيل اي حب كان ليك في قلبي ..مش انت نسيت وانا كمان خلاص نسيتك أما ده ......ثواني وادته بالقلم... عشان متعودش اسيب حقي لحد وخليك فاكر الكلام ده الوجع اللي انا حس بيه ده هردهلك وبكرة تشوف ......وخرجت من المستشفى وهي بتجري وبتعيط ..
ياسمين.....استني يارا ...يايارا .... وخرجت وراها من المستشفى ومسكت أيدها  ...... راحه فين كده اهدي بقى
يارا وهي بتحضن ياسمين ....انا ليه بيحصل معايا كده ليه ياياسمين
ياسمين بهدوء وهي بتبطب عليها ....اهدي كل حاجه هتتحل بس انتي اهدي دلوقتي
ثواني وجه علي وركبوا معاه سيارته ..ولما وصلوا
ياسمين....ينفع أوصلها لحد الشقه
علي.....لا ياياسمين افضلي معاها النهارده يارا محتجالك جنبها
ياسمين....طيب وخدت يارا واول ماوصلوا
والدتهم بخوف .....ياسمين ايه ده يارا مالها 
لما يارا دخلت غرفتها بدون كلام
ياسمين..... محمد وحكت لمامتها كل اللي حصل
وبعد مرور ساعة خرجت يارا من غرفتها ..
يارا بتمثيل ومرح .....بقولك يا ست ياسمين انتي النهارده عندنا يعني أنا مش غاسله مواعين النهارده اه
ياسمين بأستغراب شديد.....يارا انتي كويسه
يارا .....اه يا بت مالي انا زي الفل اهو .......

أما عند هدى
هدى..... انتي ازاي تتكلمي معايا كده انتي اتجننتي
معتز بغضب.....هدى دي امي
هدى.....اه هي فعلاً امك ..بعد ازنكم ....واتجهت للخارج
معتز.... هدى.. هدى ...استني راحه فين
هدى....اوعى ايدي
معتز.....راحه على فين لوحدك كده
هدى.....ملكش دعوه انا مقدرش اعد في مكان واحد مع واحدة غلطت في اهلي
معتز .....انا اسف بالنيابة عن امي وانا مش عارف هي قالت كده ليه بس أنا آسف
هدى.....مش انت اللي غلط عشان تعتذر اللي غلط هو اللي يعتذر
معتز..... هدى قولتلك دي امي
هدى..... وهي غلطت في اهلي ..لو سمحت يا معتز متجيش ورايا .....ثم ركبت سيارة أجرة واتجهت خارج المنزل....
معتز .....تقدري تقوليلي ايه اللي انتي عملتيه ده يا ماما
والدة معتز ..... اللي انا عملته ده عشان مصلحتك
والد معتز....مصلحته ..مصلحته انك تبعدي عنه البنت اللي بيحبها
والدة معتز ......متدخلش بيني وبين ابني
والد معتز.....لا شكلك انتي اللي نسيتي أنه بيكون ابني انا كمان ومش هسمحلك تدمري حياته
معتز ....ليه يا ماما ليه ....ماما انا بحب هدى ومش بس كده انا كمان هتجوزها بس برده عمري ما هتجوزها من غير رضاكي
والدة معتز ...... وأنا موافقة
معتز بأستغراب شديد...... بجد يا ماما
والدة معتز ...... طبعاً بس ده كله عشان سعادتك يا حبيبي
معتز..... ربنا يخليكي ليا يا حبيبتي...
ثواني واتجه معتز خارج المنزل واتصل بهدى
معتز.....الو
هدى...الو عايز ايه
معتز.....عايزك تحدديلي معاد مع عمو عماد عشان اجي اطلب ايدك رسمي
هدى....طب ...طب ومامتك
معتز .....انا اتكلمت معاها ..وياريت انتي كمان تسمحيها
هدى..... يلا كله يهون عشانك يا سي معتز
معتز.....بحبك ..يلا اول ما تروحي اتفقي مع عمو وقوليلي
هدى.....ماشي ... واغلقت الخط.........وبعد خروج معتز
والد معتز....انتي فعلاً موافقة ولا بتخططتي لحاجه
والدة معتز ....وهكون بخطط لأيه بس ....
والد معتز...... اتمنى اللي في دماغي يبقى غلط

أما عند ليلي
كان احمد قاعد في احدى الكافيهات مستني والدة ليلي...ثواني وجت
احمد... اتفضلي ....
والدة ليلي... شكرا يا احمد .. مش برده احمد
احمد...اه
والدة ليلي...وانت بقى عرفت ليلي ازاي
احمد... حاضر بس تشربي ايه الأول
والدة ليلي وهي بتكلم الجارسون....لا مفيش داعي انا هشرب شاي
احمد....وانا قهوه...
الجارسون... حاجه تانيه يا فندم
احمد....لا شكرا
والدة ليلي....نرجع لموضوعنا
احمد...انا ابقى ابن خالة ميار صاحبه ليلي وكمان المعيد بتاعها.......واعد يحكلها من اول ما عرف ليلي لحد ما حبها  ..
والدة ليلي....بس انت عارف أن بنتي كانت مرتبطة بواحد قبلك
احمد....انا عارف كل حاجه ليلي حكتلي
والدة ليلي.....وعارف انا بنتي ممكن يجرلها ايه لو انت سيبتها
احمد.....لا والله مافكرتش فيها قبل كده عشان عمري ما هسيبها لأني بحب ليلي ويستحيل افكر حتى اني اسيبها
والدة ليلي....أيوة بس..... ليقاطعها احمد
احمد.... صدقيني والله أنا عمري ما هفكر حتى اني اقذي ليلي
والدة ليلي..... للدرجادي انت بتحبها
احمد.......واكتر ما تتخيلي كمان
والدة ليلي....لو كده يبقى انشاء الله هتصل بيك النهارده ونحدد معاد الخطوبه
احمد بفرح ومرح ......وانا هستني جنب التليفون....ثم اتجهت والدة ليلي خارج الكافيه... وبعدها احمد .. ثواني واتصل على ليلي
احمد...الو
ليلي ......الو ايه اللي حصل
احمد......كل خير وحكلها اللي حصل
ليلي..... يعني خلاص هنتخطب
احمد بضحك.....امري لله بقى هدبس نفسي
ليلي.... ياسلام ياخويا مش عاجبك نلغيها احسن
احمد.....لا قلب ابيض يا باشا .....واعدوا يهزروا شويه وبعدين أغلقوا الخط ......

أما عند ميار
اتجهت للمستشفى لترى محمد
ميار وهي ماشيه بسرعه....... يارب استر يارب
ثواني واصطدمت بشخص ما
ميار.......مش تفتح يا اعمي
الشخص على الناحيه الاخرى.....انا اللي افتح برده حد يمشي بسرعه كده ..انتي في مستشفى مش سباق
ميار....وكمان ليك عين تتكلم يا بجحتك يا اخي ... على العموم انا مش هضيع وقتي معاك ....واتجهت لغرفة محمد
ميار بخوف شديد.... محمد انت كويس
محمد بأستغراب ..... ميار انتي جيتي القاهره امته
ميار....انا هنا من بدري وبعدين ايه اللي جاب البت دى هنا ...قالت كده وهي بتشاور على سندي
سندي.....بعد ازنك يا حبيبي هتكلم مع ميار شويه وهنيجي
وخرجت ميار مع سندي من الغرفه
ميار....عايزة ايه
سندي.....حكتلها أن محمد فاقد الزاكرة....يعني برضاكي أو غصب عنك تتعاملي عدل قدام اخوكي ده عشان صحته
ميار.....لو انتي مفكرة أن دي فرصة عشان ترجعي لحياة محمد تاني تبقي غلطانة عشان انا مش هسمحلك بده ابدااا......ثم تركتها ودخلت الغرفه.....

أما عند رضوى
الدكتور.....انا اسف جدا يا مدام بس زي ما بقولك كده هي اتعرضت لصدمه عصبيه شديد وده سببلها انها لسه عايشه وكأن ابنها وجوزها الله يرحمهم لسه عايشين
والدة رضوى......طب ..طب والعمل يادكتور
الدكتور.... نصيحتي ليكي انك تنقليها لمستشفى متخصص في الأمراض النفسية........ياترى ايه اللي هيحصل مع يارا وهل فعلاً دي نهايه حبها هي ومحمد.......؟وياترى ايه اللي هيحصل مع هدى وفعلاا امه وافقت على جوازه من هدى ولا بتخطط لحاجه ......؟ وايه اللي هيحصل مع ليلي و احمد والدنيا هتفضل تضحكلهم .......؟ومين الشخص اللي خبطت فيه ميار وهتعمل ايه مع سندي .......؟وايه اللي هيحصل مع رضوى......؟......... استنوا الجزء الجديد.......⁦✍️⁩ هاله صالح