What Happened To Mary?(Completed√)

EPISODE 12

Episode 12

Escape Plan

••••

"Hindi niyo kami dapat ginaganito, wala kayong pruweba na kami nga ang may sala," asik ko sa dalawang pulis na kaharap namin ngayon. Narito na kami ngayon dito sa presinto. Sumama kami sa kanila ng mahusay pero ganito nila kami kong tratuhin na para bang alam talaga nila ang lahat. Ni wala pa nga silang nakikitang ebidensiya na magpapatunay sa pagiging guilty namin.

"Kung wala nga kayong kasalanan, bakit kailangan niyo pang magtago? Bakit hindi niyo piniling lumabas at linisin ang mga pangalan ninyo?" tanong ng pulis.

"Kasi iyon ang sa tingin naming tama. Nagtago kami hindi para bigyan kayo ng ideya na kami nga ang may sala, kaya kami nagtago at hindi muna nagpakita ay dahil may ginawa kami," sagot ko naman rito.

"Mga sinungaling! Ang dapat sa mga gaya ninyo, mabulok na sa kulungan!" galit na sigaw sa amin ni ate May. Ngayon, nakita na naman muli ang totoong kulay niya. Ang May na noon pa man ay kilala namin. Walang pinagbago. Tsk!

"Kung may sinungaling man sa atin dito, kayo 'yun!" duro ko sa kanila. Anong akala nila, hindi ko kayang ipagtanggol ang mga sarili namin? Basta usapang dignidad na, lalaban ako d'yan. Maglabasan na ng mga baho!

"Anong gusto mong palabasin?" nanghahamong sabi niya.

"Alam kong alam niyo ang sinasabi ko! Actually, hindi lang naman kami ang may tinatago dito, kayo rin," ani ko pa sa kanila. Nakita kong nagtinginan sila maging ang mga pulis.

"Anong ibig mong sabihin? Sinisiraan mo lang kami, kung may alam ka nga, 'wag kang magbanta, gawin mo!" may pagdidiing sabi pa ni ate May.

"Be careful what you wish for, baka magkatotoo 'yan, sige ka," may pang-iinis sa tono ng boses ko. Marahil ay napansin din niya ito dahil umirap siya sa akin.

"Miss May, maaari po ba munang lumabas kayo, kakausapin lang namin sila," usal ng isang pulis. Kaagad din silang lumabas.

"Isang tanong, isang sagot. Kayo ba ang dahilan ng pagkawala ni Mary Dedios?" diretsong sabi ng pulis na aming kaharap sa ngayon.

"Chief, sa tingin niyo po ba kaya namin iyong gawin sa sarili naming kaibigan? Kahit kailan, hindi sumagi sa mga isip namin na gawin ang bagay na 'yun," paglalahad ko pa ng aking sagot doon sa pulis.

"Para na po naming kapatid si Mary kaya malabo iyang mga pinagbibintang ninyo sa amin," dugtong naman ni Marty.

"Kahit na anong pagtatangging gawin ninyo, kayo pa rin ang itinuturo ng pamilya at ng iba sa naging nangyari kay Mary Dedios," aniya.

"This is insane, Chief!" may pagdidiing anas pa ni Vince. "You can't just accuse us without any proof!" dagdag niya.

Tama si Vince, hindi nila kami maaaring basta nalang kung pagbintangan sa mga bagay na hindi naman kami ang may gawa. Kailangan namin ng ebedinsiya.

"As for now, kayo ang itinuturo nila kaya sa ayaw at sa gusto ninyo, mananatili muna kayo dito sa loob ng presinto hangga't walang patunay sa pagiging inosente ninyo sa nangyari kay Miss Mary Dedios," paliwanag nito ulit.

"No, this can't be! Hindi niyo kami pwedeng ikulong nalang ng walang matibay na edbidensiya. Mali itong ginagawa ninyo sa amin, Chief," pagtatanggol ko sa aming panig. Ang sakit lang isipin na heto kami ngayo at napagbibintangan sa kasalanang hindi namin ginawa samantalang ang tunay na may sala talaga ay nasa paligid lamang at malayang nakagagalaw.