ဦးဖန်တီးသောအချစ်သင်္ကေတ/ဦးဖန္တီးေသာအခ်စ္သ‌ေကၤတ (Season 1)[Completed]

Part(1)

Unicode+Zawgyi

❣️ဦးဖန်တီးသော~~အချစ် သင်္ကေတ ❣️

         💫Part(1)💫

~❣️~❣️~❣️~❣️~❣️~❣️~❣️~❣️~❣️~❣️~❣️~❣️~

'LS group'

LS groupလို့ပြောလိုက်တာနဲ့ လူအများစုက စားသောက်ကုန်လုပ်ငန်းနှင့် ဟိုတယ်လုပ်ငန်းအကြီးစားတို့ကို မမြင်ဘဲ LS groupရဲ့တစ်ဦးတည်းသော အမွေဆက်ခံသူ သူ့သင်္ကေတကို ပြေးမြင်ကြပါလိမ့်မည်။

ရုပ်ချောပြီး စတိုင်ကျနေသည်မှာ မင်းသားတွေအရှုံးပေးစရာပင် ကောင်းလှသည်။ ချောမောပြီး အပြစ်အနာအဆာလုံးဝမရှိတဲ့ မျက်နှာသန့်သန့်လေးကလည်း အမြဲတမ်းစွဲမက်ဖွယ်ရာပင်။

ထူထဲနေသော မျက်ခုံး. နက်မှောင်ပြီး စူးရှနေသော မျက်လုံး. ပိရိသေသပ်လှသော နှုတ်ခမ်းပါးတို့က စွဲမက်ဖွယ်အတိ။

သူ့သင်္ကေတရဲ့အပြုံးသည်ကား ကြည့်သူမိန်းကလေးတိုင်း၏နှလုံးသားဆီသို့ တိုက်ရိုက်ထိမှန်သည်။

သူ့မျက်လုံးတစ်ဖက်မှိတ်ပြလိုက်သည်နှင့် မိန်းကလေးတွေအများစုပါလာမှာဆိုတာ ဧကန်မလွဲ။

ဒါ့အပြင် အရပ် 1.85m ရှည်သော သူ့သင်္ကေတနဲ့ဆိုရင် အဝတ်အစား‌တွေ အကုန်လုံးက လိုက်ဖက်နေသည်။

ထိုသို့ ပြီးပြည့်စုံနေသော သူ့သင်္ကေတသည်ကား ပလေးဘွိုင်းတစ်ယောက်ဆိုလျှင်...

~❣️~❣️~❣️~❣️~❣️~❣️~❣️~❣️~❣️~❣️~❣️~❣️~

LS groupပိုင် ဟိုတယ်ဝင်းတစ်ခု၌...!

"LS ရဲ့ အမွေဆက်ခံသူ ဦးသူ့သင်္ကေတရဲ့ အသက်(၂၇)နှစ်ပြည့်မွေးနေ့ဖြစ်ပါတယ်ရှင့် ထို့ကြောင့် ဦးသင်္ကေတအား စင်မြင့်ပေါ်သို့ ဖိတ်ခေါ်ပါတယ်ရှင့် "

ထိုမိန်းမလှလေးရဲ့စကားသံအဆုံး စားပွဲဝိုင်းအလယ်မှာ ထိုင်နေသော သူ့က အနည်းငယ်ပြုံးလိုက်ပြီး ထရပ်ကာ စင်မြင့်ပေါ်ဆီတက်ရောက်လာသည်။

"အဟမ်း အားလုံးပဲ ကျွန်တော်ရဲ့ မွေးနေ့မှာ အတူတူပျော်ရွှင်ရအောင်ဗျ ချီးယားစ်..."

သူ့စကားသံအဆုံး အားလုံးသောလူတွေက ဝိုင်ခွက်ကိုယ်စီကိုင်ကာ ထရပ်ကြပြီး ဝိုင်ကို တစ်ပြိုင်နက်တည်း သောက်လိုက်ကြသည်။