සනුමි එසැණින් තරුණියව අල්ලා ගත්තේ විහඟගේද සහය ඇතිවය.
"විහඟ, අපි මෙයාව හොස්පිට්ල් එකකට අරන් යන්න ඕනේ. ටැක්සි එකක් අල්ල ගන්න බලන්න. එතකල් මට මෙයා ගැන බලාගන්න පුළුවන්."
"හරි." හිස සැලූ විහඟ ජනකාය අතරේ අතුරුදන් වත්ම සනුමි නාදුනන යුවතියව පදික වේදිකා වැටට හේත්තු කළේ එක් අතකින් තම බෑගය අවුස්සා බලන අතර වාරයේය. කෙසේ හෝ තම වතුර බෝතලය පිටතට ඇද ගැනීමට සමත් වූ ඇය, ජල බිඳක් තරුණියගේ මුහුණ පුරා තැවරුවාය.
ඇගේ දෙතොල යන්තමින් සැලෙනු දුටු සනුමි, ඇගේ දෙකොපුලට මෘදුව තට්ටු කරන්නට වූවාය. "ඔයාට මාව ඇහෙනවද?" සනුමි ඇය වෙත මදක් නැඹුරු වෙමින් විමසුවාය.
ප්රතිචාරයක් නොවීය.
නැවතත් ජල බිඳක් අත්ලට ගෙන ඇගේ මුහුණ පුරා විසිරවූ සනුමි, නැවතත් ඇගේ දෙකොපුලට මෘදුව තට්ටු කරන්නට වූවාය.
මෙවර නම් තරුණිය අතැගිලි යම්තමින් සෙළවුණු අතර ඇය සෙමින් ඇසිපිය හෙළුවාය.
"ඔයාට මාව ඇහෙනවද?" සනුමි ඇගේ කනට ළංවී විමසුවාය. ආපසු ඇගේ මුහුණ දෙස බලත්ම ඇය සනුමිට ඇසිපිය සැලීමකින්ම ප්රතිචාර දැක්වූවාය.
"ඔහොමම අල්ලන් ඉන්න. අපි ඔයාව ඉක්මනට හොස්පිට්ල් එකට අරගෙන යනවා... හැමදේම ඉක්මනට හරියයි, හරිද?"
විහඟ එතැනට පැමිණියේ ඒ මොහොතේමය.
"යමු." ඔහු කීය. තරුණියව වත්තම් කරගෙන ඔවුන් ගියේ අසල වූ ත්රීරෝද රථ ගාලක් වෙතය.
"සනුමි, ඔයා නැගලා මෙයාව ඇතුළට ගත්තා නම් හරි." ඔහු පවසත්ම සනුමි එකඟ වූවාය.
"ළඟම හොස්පිට්ල් එකට යමු." ඔහු අවසානයට ත්රීරෝද රියට නැගෙමින් කීය.
ත්රීරෝද රථ රියදුරා මැද කණ්ණාඩියෙන් තරුණිය වෙත විමසිලිමත් බැල්මක් හෙළා මුවගට අමුතුම සිනාවක් නංවා ගත්තේය.
අහස පුරා ඇඳී තිබූ වෙෙවර්ණ රටා මැකී ගොස් අදුරු වී, අන්ධකාරය හාත්පස ආක්රමණය කරන'තරේ රෝහලට පිවිසුණු ඔවුන්ට දැනුනේ ආපසු දිවා කාලයට පැමිණියාක් මෙනි.
YOU ARE READING
The Black Gang (GirlxGirl)
Mystery / ThrillerYoung Adult X Mystery X Action X LGBTQ+ Diversity [Completed] "Let the White King make his move." "Why White?" "They are the ones who started the game!" "Yeah, but starting the game with white doesn't mean they win all the time!" Cover credit goes t...