The Black Gang (GirlxGirl)

16

අදුරු නිල් පැහැති අහස් තලය පුරා තැනින් තැන රන්වන් ගිනි පුපුරු දිලිසිණ. සිහිල් මද නල හමා ආයේ ඇට්ටේරියා මල් සුවදද ඒ හා කැටි කැරගෙනය.

වා කවුළුව ඔස්සේ කාමරයට ගලා ආ ඇට්ටේරියා මල් සුවදට සනුමි ඉව ඇල්ලුවේ මද සිනාවක් ඇගේ මුහුණෙහි ඇදෙද්දීය. ඇය ඇට්ටේරියා මල් සදහා දැක්වූයේ අසීමිත ඇල්මකි. ඕනෑම වෙහෙසකර හැගීමක් සැණෙකින් දුරලීමට ඒ සුවදට හැකියාව පැවතිණ.

Adrenaline rushing through my veins
I Forgot all the pain
I drink lit drip of life
To lose my sight of emptiness

Try everything to forget...

ඇගේ දුරකතනය නාද වන්නට විය. සනුමි ඇදෙහි වැතිර සිටිමින්ම එදෙසට අත දිගු කළාය.

"කවුද මෙවෙලාවේ කෝල් කරන්නේ? විහග වෙන්න බෑ... මෑන් මේ වෙද්දී ගේම් එකකට හරි වොට්පෑඩ් එකේ කතාවකට හරි ඔළුව ඔබාගෙන ඇති. එතකොට... අපොයි දෙයියනේ, වින්දි?" වහා ඇදෙහි හිදගත් ඇය ඇමතුමට ප්‍රතිචාර දැක්වූවාය.

"හලෝ, වින්දි."

"සනුමි, වැඩකද හිටියේ?"

"නැහැ. ඇදේ නිකම්ම පතබෑවිලා හිටියා කරන්න දෙයක් නැති නිසා."

"කරන්න දෙයක් නැතුව? පුදුමයි?"

සනුමි සිනාසුණාය. "කරන්න කියලා විශේෂ දෙයක් නැහැනේ. ඉතින්, අද ඉස්කෝලේ ගියාද?"

"ගියා නම් තමයි, නොගියා නම් වඩා හොදයි වගේ."

"අර මොකද?"

"හැමදාම වගේ අර වදකාරියෝ සෙට් එක ආවානේ කරදර කරන්න."

"ඒ මොකද? මම අහන්නේ... ඇයි උන් ඔයාට කරදර කරන්නේ?"

"එකක්... මම එයාලාට වඩා වෙනස් නිසා." වින්දි මිමිණුවාය. "ඒ ගැන අහන්න එපා, ප්ලීස්."

"හ්ම්ම්... හරි. එතකොට අනිත් එක?"

"තේවක."

"මොකක්?" සනුමි ඇදෙන් බිමට පැන්නාය.

"අර කෙල්ලෝ සෙට් එකේ ලීඩර් තේවකට කැමතියි. ඒත් එයා හිතාගෙන ඉන්නේ තේවකවයි ෂනායා අක්කවයි සෙට් කළේ මමය කියලා."

"මොන-"

"හ්ම්ම්..." වින්දි සිනාසෙන්නට වූවාය. "ඇත්තටම මේවට හිනාවෙන්න නෙමෙයි අඩන්න වටින්නේ."