"තමුසේ කවුද?" එකවරම දොර දෙසින් ආ හඬ සනුමිගේත්, අර තරුණියගේත් අවධානය එදෙසට යොමු කිරීමට සමත් විය.
එදෙස හැරී බැලීමට සැරසෙත්ම සනුමිගේ ගෙල වටා සවිමත් හස්තයක් දැවටුණි. ඒ හස්තයේ හිමිකරු සනුමිගේ මුහුණට නැඹුරු විය.
කෝපයේ ගිලී පැවතියද අතිශය ආකර්ෂණීය වූ තද කළු දෙනෙතක්... සනුමි ඒ දෙනෙත් තුල මොහොතකට අතරමං වූවාය.
"තමුන්ගේ කන් ඇහෙන්නේ නැද්ද? මං ඇහුවේ තමුසේ කවුද කියලයි." කන අසලින්ම නැඟුණු තියුණු හින් සනුමි පියවි සිහියට එළඹියාය. තම කන තුල මදුරුවෙකු හඬ නඟන්නාක් වැනි හැගීමක් ඇයට සුළු මොහොතකට දැනුණි.
"තමුසේ කවුද? අර තේවකයගේ එකෙක්ද?" නැවතත් ඒ තියුණු හඬ නැඟුණි.
"මමයි මගේ යාළුවයි තමයි ඊයේ මෙයාව බේරගත්තේ... ඉතින්... අපි ආවා මෙයාට කොහොමද කියලා බලන්න." සනුමි මිමිණුවාය. "මොකාද තේවක කියන්නේ?"
"ඒක තමුසෙට අදාල නෑ. තමුසෙගේ යාළුවාද අර එළියේ ඉන්න හිපාටුවා?"
"ඒ ඉන්නේ හිපාටුවෙක් නෙමෙයි, ඒ මගේ යාළුවා." සනුමි දෑස් සිහින් කර රවා බැලීය. "දැන්වත් ඔය අත ගන්නවද?"
ඒ සමගම තම ගෙල නිදහස් වනු සනුමිට දැණුනි. ඇගේ දෑස් නිරායාසයෙන්ම මේ දෙවැන්නා වෙත යොමු විය. එහෙත් ඒ වනවිටත් ඇය අර තරුණිය වෙත හැරී සිටියාය.
සැහැල්ලු සුදු පැහැ ටී-කමිසය හා සැහැල්ලු මෙරූන් පැහැති බොටම් කලිසමකින් සැරසී සිටි ඇය, තම තද කළු පැහැ කෙස් කළඹ පෝනිටේලයක් ලෙස සකසාගෙන සිටියාය.
"ෂනායා අක්කේ, ඔයාට දැන් කොහොමද?"
"අවුලක් නැහැ." තරුණිය සිහින් හඬින් පැවසුවාය. හිස සැලූ අනෙක් තරුණිය, නැවත සනුමි වෙත හැරුණේ ගිනි පුපුරු නිකුත් වන දෑසිනි. කෝපය මුහුණ වසා පැතිර තිබුණත් ඇගෙන් දිස්වූයේ ඉතා ලාබාල පෙනුමකි.
"තමුන් තවත් මොකටද මෙතන බලන්-" ඇයට ඉතිරිය සම්පූර්ණ කිරීමට නොහැකි වූයේ දොර විවිරකරගෙන වෛද්යවරිය ඇතුලට ආ හෙයිනි.
"ඔයා කවුද?" වෛද්යවරිය ඇය වෙත හෙළුෑයේ දැඩි බැල්මකි. "රෝහලකදී නිශ්ශබ්දව ඉන්න ඕන බව දන්නේ නැද්ද?"
YOU ARE READING
The Black Gang (GirlxGirl)
Mystery / ThrillerYoung Adult X Mystery X Action X LGBTQ+ Diversity [Completed] "Let the White King make his move." "Why White?" "They are the ones who started the game!" "Yeah, but starting the game with white doesn't mean they win all the time!" Cover credit goes t...