أخذها غيث من يدها باتجاه الحديقة و جلس بجانبها على ارجوحتها المفضلة
غيث :حبيبتي هما مبيضغطوش عليكي كل الحكاية انهم بس خايفين عليكي
ديچا :عارفة بس انا مش مستحملة اي حاجة بجد مش عارفة ليه بس حاسة نفسي هشة اوي
غيث و هو يحاوط كتفيها بيده و يمرر يده على زراعها بحنان : ده طبيعي انتي مريتي بتجربة صعبة مش اي حد يتحملها غير لو قوي زيك انتي الديچا
قال آخر كلمة بعبث فضحكت من وسط دموعها
غيث :ايوة كدة خلي الشمس تنور حياتي
اخرج هاتفه و عبث به قليلا ثم صدحت اغنيه
ياللي شمس الدنيا تطلع لما تطلع ضحكة منك
حسي بالناس الغلابه اللي زيي بعد اذنك
بطلي تحلوي أكتر واوعي وشك يوم يكشر
واضحكي دايما يا سكر ياللي سابقه بجد سنك
اضحكي خليني أضحك
ضحكتك بترد روحي
ربنا وحده اللي يعلم
بعشقك ازاي يا روحي
مستحيل الشعر يوصف أي تفصيلة ف جمالك
والغنا لو كان كفاية ألف غنوه أغنيهالك
ياللي لما بتبقي جنبي بنسى بيكي كل تعبي
ياللي احتليتي قلبي قلبي فرحان باحتلالك
اضحكي خليني أضحك
ضحكتك بترد روحي
ربنا وحده اللي يعلم
بعشقك ازاي يا روحي
ياللي شمس الدنيا تطلع لما تطلع ضحكة منك
حسي بالناس الغلابه اللي زيي بعد اذنك
بطلي تحلوي أكتر واوعي وشك يوم يكشر
واضحكي دايما يا سكر ياللي سابقه بجد سنك
شددت ديچا من زراعها حول خصره و دفنت راسها بصدره :ربنا يخليك ليا
غيث :و مايحرمني منك
ديچا؛ :عرفت منين اني بحب الأغنية دي
غيث و هو يقلب عينيه بغيرة :لما الأخ بعتلك الفيديو الصراحة كان نفسي اشوفه و اطلع غلي كله فجتته و طلعته
ديچا :اممم و ضربته جامد ايه ده
غيث :ايه مش انتي اللي بتقولي الحقوني و ذئب بشري المفروض اعمل ايه و بصراحة يستاهل كل شوية يا قلبي يا روحي يا بنتي ايه ده
ابتسمت ديچا على غيرته
غيث :ايه رأيك تعملي حاجة بتحبيها يمكن تخرجي من المود ده شوية
ديچا :لا مش عايزة
غيث :تيجي اصورك بالدبدوب اللي انتي لابساه ده
ديچا :لا و بعدين ده ارنوبي
غيث :انتي ايه حكايتك مع كائن الأرنب
ديچا :مش عارفة بس بحب الارانيب اوي بحسهم كيوت يعني الارنوبات مثلا
غيث :ايه التلوث ده جمع أرنب أرانب
ديچا :لا طبعا ارانيب و ارنوبات
غيث :خلاص انا اسف طب اعمل ايه طب عشان تضحكي
ديچا :انا عايزك انام
غيث :لا كفاية نوم
ديچا :انا عايزة انام يا غيث بجد
غيث :طب بصي ماتطلعيش فوق الجو حلو مش ساقعة اوي بصي مددي هنا
ديچا بتردد :ماشي
اخذ غيث راسها و وضعها على قدمه و مرر يده على رأسها بحنان
كان ياسين يتجه لهم و لكن عندما رأي هذا المشهد ابتسم على حب غيث الظاهر لها رغم غيرته على أخته و لكنه يعلم انها تحتاج له
في الداخل كان يجلس مصطفى بجانب مي
مصطفي :هاه امتى بقا
مي باستفهام :ايه هو اللي امتى
مصطفي بثقة و ابتسامة سمجة :فرحنا يا قلبي
نظرت له مي بعدم استيعاب
مي لنفسها :يعني هو كدة عايز يتجوزني يعني و لا ايه
مصطفي :انا برضه بقول كدة يبقا اتفقنا
مي :اتفقنا على ايه
مصطفي :فرحنا يا قلبي اللي بعد اسبوعين
مي :اه طبعا انا و انت و بابا و ناهد و كلنا انت بتستهبل صح
مصطفي :لا بتكلم جد ها ايه تاني
مي :يعني انت عبيط هل انت عبيط ؟
مصطفي :و ليه الغلط يعني
مي :يابني انت تعرفني انا اعرفك تعرف عني ايه مثلا هل اعرف مشاعرك تجاهي تعرف مشاعري تجاهك
اقترب منها مصطفى بشده :مي عبد السلام عندك ٢٢ سنة ساكنة في..... عاملة اربع محاضر تحرش و معمولك محضرين واحد عدم تعرض و التاني ضرب المعلم سيد عشتي فملجأ.... و دخلتي ال AUC بمنحة بتحبي اللون الاسود و صاحبتك الوحيدة ديچا تعرفيها من و انتي عندك ست سنين بتشتغلي معدة برامج على اليوتيوب و مؤخرا معدة برنامج بلبلة ها في حاجة تانية معرفهاش
كانت مي تنظر له بدهشة كيف استطاع معرفة كل هذه المعلومات عنها
مصطفي :اما مشاعري تجاهك
اقترب اكثر و قال بهمس :فأنا بحبك
نظرت له بدهشة
مصطفي :اممم و الله بحبك
مي :بس
مصطفي :مفيش بس ها قلتي ايه
مي بتوتر و خجل :احم هفكر
مصطفي :لا مش قصدي بقول قولتي ايه شهر العسل فالجونة و لا فين
مس :انت ليه بتتكلم على اساس اني خلاص وافقت
مصطفي :و هو انا اترفض يا قلبي ظابط و عسل و قمور و حليوة
مي :حاسب لتفرقع من كتر النفخة
مصطفي :انا بقول برضه الجونة حلوة باي يا قلبي عشان اجهز للفرح باي يا عروسة
ذهب و هي تطالعه بدهشة :يابن الهبلة بس عسل ابن الذين
🇵🇸🇵🇸🇵🇸🇵🇸🇵🇸🇵🇸
كان ياسين يجلس بجانب ديما
ديما :ياسين متقلقش بجد ديچا هتقوم منها انا متأكدة و بعدين غيث معاها و مش سايبها
ياسين بقلق اخوي :عارف بس قلقان بجد عليها و مش عارف اعمل حاجة و بعدين متفكرنيش بغيث عشان نفسي اضربه ماشي يحضن فيها ده ايه ده
ضخكت ديما علي غيرته و تذمره الطفولي
ياسين :متضحكيش انا على أخرى و ربنا
ديما :انت غيران على ديچا يا ياسين
ياسين :طبعا مش اختي دي و بعدين بصي مش هتفهمي سيبيني على ناري كدة
🇵🇸🇵🇸🇵🇸🇵🇸🇵🇸🇵🇸
كانت نبيلة تصلي شكرا لله على نعمته و فضله و على رجوع ديچا سالمة
بينما كان محمد في غرفته ينظر بصورة زوجته الراحلة و
محمد بدموع :بنتنا رجعت يا عيشة شمعتي رجعت بس مطفية انا خايف عليها اوي ربنا يحميها يارب غيث بيحبها انا مطمن انها معاه بس عارفة احساس صعب أن تبقى خلاص واحد تاني هيااخد بنتك و تبقى معاه فبيته تبقى من حقه يبقى كلامه بس اللي هيمشي عليها خايف على متلخبط كان نفسي تبقى معايا و تقليلي متقلقش كل ده هيخلص و احنا سوا جنب بعض ربنا يرحمك يا قلبي
🇵🇸🇵🇸🇵🇸🇵🇸🇵🇸
أنت تقرأ
الديچا
Romanceشخصية تافهة بس مش كل الظاهر هو الباطن بتعشق التصوير انفلونسر فضولها سبب ان حياتها بقت مهددة و هو ظابط من اكفأ الظباط شديد جدا مبيحبش الدلع عنده ١+١=٢ مينفعش ٢.٥ هيبقى هو المكلف بحمايتها لازم يبقا زي ضلها طب هو هيستحمل تفاهتها هي هتستحمل تحكمه ده ال...
