الديچا

الفصل العاشر

تذكير بسيط لآخر الأحداث :
اخر حاجة حصلت ذكرى وفاة والدة ديجا و اعتراف غيث لنفسه انه بيحبها و ان ياسين هيجي قريب و توعد غيث له
Back
أوقف غيث السيارة جاء محمد سريعا و فتح لها الباب و أخذها بين الحضانه بلهفة
محمد بلهفة و هو يضمها  :كدة يا ديجا هونت عليكي
ديجا : متقلقش يا قلبي انا بخير  و الله
يوسف : انتي بجد مش معقولة كنتي فين كل ده
ديجا بمرح : شايف مناخيرك الكبيرة دي خليها فحياتك متحشرهاش فحياتي يا جو.
حازم : بوم قصف جبهة على كبير
ديجا : و انت ايه دخلك فالكلام يا زومة  طنط زيزي مقلتلكش لما الكبار يتكلموا زوما يسكت
انفجر يوسف بالضحك : أين هي الجبهة انا لا أراها
كان غيث يتابعها بحب و دهشة فهي تستطيع اقناعك بسعادتها و لكنه من وقت ان اعترف لنفسه بحبه لها و هو يستطيع أن يقرأ الألم الذي يلمع بمقلتيها و لكنها تخفيه بمهارة
التفت محمد لغيث : شكرا يا غيث بجد
غيث : على ايه بس انا بعمل واجبي استأذنك انا دلوقتي و هاجي بكرة
ديجا : انا مش هخرج بكرة على فكرة
نظر لها غيث برفعة حاجب
ديجا  :لا ريلي انا امتحاناتي الاسبوع الجاي  فمش هخرج خالص
غيث : طب و انتي مالك انا جاي ده ايه ده مع السلامة يا محمد بيه
محمد :مع السلامة يابني
ديجا : سلملي على بلبلة
غيث : يوصل سلام
يوسف و حازم :طب احنا ماشيين
ديجا :ما تعدوا معايا شوية
يوسف : لا شكرا يا ستي احنا كمان عندنا امتحانات سلام متفجاعيناش عليكي تاني
ديجا : بس انت اتخضيت ياحاج كامل
حازم : سلام يا قدرنا
ديجا : سلام
محمد بعتاب : ينفع اللي عملتيه
ديجا : انا مكنتش اعرف انك هتقلق كدة انا خرجت عادي يعني
محمد : ماشي يا ديجا تعالي يالا نامي هاخدك فحضني انهاردة يمكن قلقي يخف
ديجا : تعالي يا حودة يا عسل انت
في منزل غيث :
نبيلة :ايه يا حبيبي ديجا كويسة
غيث : الحمد لله
نبيلة : تعالي كل
غيث : لا انا هاطلع عندي شوية شغل بالقضية هخلصهم
نبيلة : طب نام شوية
غيث  :مينفعش انا الفترة اللي فاتت سايب الحمل كله على محمد
نبيلة :طب اطلع و انا هعملك كام ساندوتش تتسلى فيهم و انت بتشتغل عشان انا هنام عشان الصبح في طلبية كبيرة
غيث بمشاكسة : اوعي المشغول بقيتي بسبس وومن يا بلبلة
نبيلة : لم نفسك يا غيث يالا انا هروح
غيث : ماشي يا قلبي
صعد غيث غرفته و اخذ شاور و جلس على مكتبه و اخرج ورق القضية و أوراق و تقارير خاصة بديجا عن هذا الأسبوع
كانت أول ورقة بخط سيرها و كان عيارة عن الجامعة و دار الايتام و بعض المطاعم
الورقة الثانية عن تقرير بحسابها فالبنك فصادف ان هذا الأسبوع اول اسبوع فالشهر نظر له غيث بصدمة و زهول
غيث: دي بيدخلها فلوس كتير جدا و يعتبر صرفتهم كلهم صرفت ٣٠ الف دولار فاسبوع ليه اه بتصرف بس مش نص مليون يعني لا الحكاية دي فيها ان تكونش بتضرب استروكس لا يا غيث لا اكيد يعني بذكائك حتى لو بتشرب هتشرب بالمبلغ ده كله احيه مصيبة تكون بتاجر فيه و تخيل غيث في هذه اللحظة منظر ديجا و هي (بالجلابية الايشارب على رأسها و الشبشب ابو ترتر و الشيشة فبوقها  و حواليها الرجالة بتوعها) (اد ايه انت تفكيرك عظيم😂😂😂)
غيث : لا يابني فوق دي هبلة و بعدين اخرك تحب تاجرة مخدرات اكيد لا يعني انت تسالها بكرة اه ده انسب حل
عاد غيث الي الورق ليعمل و لكنه لم يستطع
غيث : طب و الله مانا شغال هاه بقى
اليوم التالي استيقظ غيث على صوت عالي
غيث بنعاس :في ايه عالصبح
نزل غيث وجد المنزل يشع بنشاط هناك من ينظف و هناك من يسجل اشياء في كراسة و هناك من يدخل بالكثير من المشتريات
نظر لهم غيث بغباء
ثم وجد والدته تخرج من المطبخ
نبيلة : يالا يا بنات تعالي يا سميه عشان تعملي المكرونة عقبال ماخلص البط فين سنية يا بنات
مريم  :خدي دواكي الاول و سنية جايك كانت مع ريم بتجيب الطلبات و بتحاسب التاكسي برة
نبيلة : طيب شكرا يا مريوم عالدوا ايه ده يا غيث يا حبيبي انت صحيت
غيث بسعادة لرؤيتها سعيدة  :اه يا حبيبتي و نازل
نبيلة بانشغال : ماشي يا بني ترجع بالسلامة
غيث برفعة حاجب : هو الشغل هيجي عليا بخسارة و لا ايه يالا اهم حاجة صحتها
تجهز غيث و ذهب لمنزل ديجا و دخل ليحي محمد
غيث : صباح الخير يا محمد باشا
محمد : صباح الخير يا غيث و بعدين ايه باشا باشا يا بني قولي يا عمي و لا اي حاجة انت زي ابني يعني
غيث : تمام يا عمي اتاكدتوا اللي ديجا فوق ولا
محمد بضحك : لا اتاكدنا
غيث : طب الحمد لله انا برة مع الشباب
محمد : تمام
خرج غيث  و هو يفكر كيف يفتح معها امر النقود و لكنه قرر انه سيحدثها بعد امتحاناتها جلس في غرفة الحراسة يدرس أوراق القضية حتى مر اليوم كامل و لم يرى ديجا مما آثار استغرابه
غيث : عمي انا ماشي في حاجة قبل مامشي
محمد. : لا مفيش شكرا
غيث : عفوا على ايه بس غريبة منزلتش طول اليوم يعني
محمد : لا ماهي بدأت معسكر المزاكرة مش هنشَفها لحد ما الامتحانات تخلص
غيث : اه فهمت من الناس اللي هنعوض فالفاينل طبعا دي مبتعدش هتزاكر امتى
محمد : مين قالك انها مبتزاكرش دي مفيش محاضرة بتتراكم عليها بس هي بتعمل معسكر مراجعة منهج
غيث : فهمت لو احتاجتوا اي حاجة قولولي فورا
محمد بامتنان : شكرا يا غيث تاعبينك معانا
غيث : مفيش اي تعب و لا حاجة حضرتك زي والدي الله يرحمه
غيث لنفسه : عقبال ماتبقى حمايا مش والدي بقين ممحون يا غيث على رأي ديجا
مر اسبوع و لم يراها غيث اشتاق لها بشدة كيف لا يراها في هذا الأسبوع الا تعلم كم يوم لا كم ساعة بل كم ثانية اشتاق لها حسنا حسنا سيراها اليوم و يطفئ شوقه هذا الذي أصبح يرهقه مابك يا غيث اين غيث الصارم عديم المشاعر ما اداني فقد قلبت حالي راسا على عقب تذكر يوم أثناء هذا الأسبوع عندما سأل والدته عنها
Flash back
نبيلة : حمدلله عالسلامة يا حبيبي
غيث : الله يسلمك عاملة ايه
نبيلة : الحمد لله
غيث : مبسوطة
نبيلة : طبعا يابني الحمد لله
غيث بتتويه :اه صح مبتكلميش ديجا
نبيلة : لا بتكلمي كل يوم بس يا حبيبتي تعبانة
غيث بلهفة : مالها
نبيلة : لا ياواد َش تعبانة التعب ده بعد الشر عليها هي تعبانه من الذاكرة يعني اصلنا فترة الإمتحانات دي بتكثفها مذاكرة جامد مبتخرجش من اوضتها حتي الاكل و هي بتذاكر
اماء لها غيث بصمت
غيث : انا طالع انام
نبيلة : ماشي حبيبي مش هاكل
غيث : لا مش عايز تصبحي على خير
نبيلة؛. و انت من اهله يا حبيبي
صعد غيث غرفته و ظل يفكر بها حتى غلبه النوم
Back
غيث بنشاط و سعادة فهو سيرتها اليوم لما يشعر و كأنه مراهق ينتظر نظرة من فتاة المدرسة المقابلة بمنزله : صباح الخير
محمد : صباح النور