كنت لسة مصدومة وماقادرة استوعب سماهر تعمل كدة ؟
طيب كيف عايزاني اعرس وسيم ؟ اللي هو أبو بتها وراجلها؟
ضحكت وقالت لي وسيم ما كان حيعرسك حيماطلك كدة ويوهمك إنه دايرك لحدي ما يتخلصو من زياد تماما وبعدها يوروك وشوشهم الأصلية ..
قلت ليها طيب لازم نكلم ابو البت ، الروس بس الحيعرفو للزي وسيم و سماهر ديل ..
قالت لي سندس أصبري ، البهمنا زياد و نحنا كان ما مسكنا دليل ما بنقدر نعمل ليهم حاجة ..
قلت ليها الحل شنو طيب ، حنتصرف كيف مع العصابة دي ؟
قالت لي الحل إنه سماهر تعترف إنها شريكة وسيم و تحكي الحصل كلو أو تتهدد بي بتها دي !
قلت ليها كيف ؟ قالت لي نشيل البت من الدكان و ندسها عندنا يومين ، قلت ليها كيف ما فهمتك قالت لي حأفهمك بالتفصيل الممل .. غيرنا أنا و إنتي مافي زول حيساعد زياد و بالأخص إنتي ياسندس بس الحتقدري تساعديهو ..
..
جا اليوم المنتظر ، اتصلتا على سماهر وقلت ليها حأمر عليك في المحل وطبعا مستحيل تفوت اليوم دة ، عشان يعرفو أكتر تفاصيل زياد ، ضابطة مواعيدي كويس وعارفة توقيت طلعت سماهر من البيت كم والمواعيد المفروض تكون فيها في المحل ، هي اتوجهت للمحل وأنا كنت حارسة الدكان حقهم لحدي مابتها تجي الدكان ، على حسب بتاع الدكان الطفلة بتجي مع الحبشية ..
فمشيت لبتاع الدكان وقلت ليهو أنا صحبة سماهر وعرفني لأنه سألتو اليوم داك منها ، انتظرت بتها نور لحدي ماجات مع الحبشية وكانت فعلا بت جميلة 💙 وصغيرونة و حلوة ، عملت فيها إني إتفاجأتا بجيتها للدكان وقلت ليها نور ماعرفتيني ! انا صحبة ماما و نزلت ليها بستها و فتحت تلفوني اوري فيها صور المكان وصورنا انا وسماهر فيهو والحبشية بتعاين لي ، قلت ليها نعمل مفاجأة لماما ؟ قامت هي اتحمست جدا و الحبشية قالت لي ممنوع ، ماتسوقيها بدون ما اكلم امها قام بتاع الدكان قال ليها هااا بت انتي عويرة دي خالتها يعني حاتوديها وين !
قلت ليها نور خالتو زينة برضو معانا بعربيتها ، ارح نفاجيء ماما قامت الحبشية اعترضت طريقي وقالت لي ما ممكن اخليك تسوقيها ، قلت ليها بصوت عالي يابت انتي ماعارفاني انا منو ؟
انا اخت وسيم الاتربيت معاهو ، بس من جبتا سيرة وسيم الحبشية قعدت تتراجف ، قلت ليها والله اقول لي اخوي الحبشية المشغلها بقروشك منعتني اشيل بتك والله يفرم رقبتك بس البت اتهرشت و زحت لي ..
ركبنا العربية سوا بس زينة وصلتني لسماهر وساقت هي نور ، وصلت وسلمت على سماهر وكان عندها صداع ومقلقة و كأنه قلب الأم بحس حقيقة ..
من جواي كنت زعلانة على الحيحصل ليها بس في نفس الوقت مستحيل أغفر ليها ولي وسيم العملوهو فيني أنا و زياد ..
