قلت لي زياد خليني أتكلم مع الروس أنا ، احتمال يسمعو كلامي واحتمال العاطفة تأثر فيهم .. ماكنت عايزة نور تتحرم من ابوها و أمها وعلى قدر ماشايفاهم ناس كعبين وبيستاهلو الموت على قدر ما كنت شايلة هم نور جدا ..
اتشجعتا ومشيت مع زياد وزينة للروسيين ، قابلتهم وسلمتا عليهم و كانوا ناس فقرييين جدا ..
قلت لي زياد انا حاتكلم وانت ترجم كلامي ليهم ، كنت بتكلم وبعاين لأبو البت الروسي
قلت ليهو أنا عارفة إنه الحب لغته واحدة ومابتغير في اي مكان و اي زمان ، حأتكلم معاك بصفتك أب بغض النظر عن جنسيتك وعن جنسيتنا ، الحمد لله انك بخير و بتك بخير وانكم عايشين الاتنين حتى وان كانت بتك بتعاني من امراض نفسية فنعمت وجودك في حياتها بالدنيا وما فيها ، أنا القدامك دي فقدتا ابوي قبل ما اشوفو وفقدتا امي وانا في عز احتياجي ليها ..
الدموع بدت تنزل مني بدون ما احس قدام زياد وزينة البدت تتأثر بي قصتي برضو ..
قلت ليهو وجع الفقدان حار جدا ، وانا متفهمة المك لكن عمرك ما حتتفهم المي الأنا عشتو ، كان الراجل بعاين لي بحزن و متأثر بي كلامي ..
قلت ليهو في يدك ترجع عافية بتك بالقروش والعلاجات وفي يدك تطلع ولد اخوك من السجن اول ما تقبض على المجرمين الإتوصل ليهم زياد ، لكن هل حترضى لبنت صغيرة بريئة انها تعيش بدون أبو ؟
وأنا متأكدة برضو انه لغتك الوحيدة لحل المشاكل هي الموت ..
قال لي بتقصدي شنو ؟
قلت ليهو لو عرفت انه الشريك التاني عنده بت صغيرونه امورة هل حترضى تقتل ابوها؟
...
قال لي ابوها دمر حياة بتي بدون ما يكترث او يهتم ..
قلت ليهو حترضى لطفلة صغيرة تعيش الألم العشتو انا ؟
قال لي وين مكانه !
قلت ليهو بعد توعدني انك ترجع كل حقوقك وممتلكاتك لكن تسيبهم في حالهم !
..
قال لي زياد دي منو ؟
قال ليهو حبيبتي
قال ليهو حبيبتك لطيفة كنت مفتكرها صديقتك بس زي زينة ..
قال ليهو حبيبتي قلبها كبير ...
الراجل الروسي عاين لي تاني وقال لي انتي عارفة نفسك بتطلبي شنو هسي؟
قلت ليهو بطلب الحياة الكان نفسي اعيشها لطفلة عمرها ٧ سنين ..
قال لي بعد تنهيدة كبيرة حأوعدك إني أسامحهم بعد ما ارجع كل الحقوق والممتلكات و ولد اخوي يطلع من السجن ..
قلت ليهو احلف بي بتك !
زياد حمر لي عشان اسكت ، نظام الوعد عندهم وعد ..
لكن انا برضو كنت مصرة يقسم بي بتو 😂😂 ..
بعدها سلمنا عليهم و أديناهم المعلومات كاملة..
...
شهرين كانوا لتصفية الحسابات ، دفع فيها وسيم دم قلبه وبعد اتجردوا من اي قرش رجعوا البلد يعيشو مع اهل وسيم في البيت الكبير لكن سماهر ماقبلت الوضع دة و اتطلقت ورجعت الخرطوم ..
في حين انه وسيم عاش يربي بنته براهو ..
و هنا أنا بقيت أم لتيمان بنات
نسيم و أريج 💜🦋 ..
..
مرات الحب بخليك تكون أكبر محامي في الدنيا في حين إنه إنت ماعندك علاقة بالمحاماة ، والحب نفسه بمدك بالقوة عشان تقدر تحارب في معركة إنت فيها المقاتل الوحيد ..
وبخليك تغلب صعاب كتيرة ماكنت متخيل نفسك في يوم تتغلب عليها لولا القوة البمدنا بيها الحب
النهااااااااية
