MY LOVELY LIAR (Completed)

MY LOVELY LIAR_9

part-9

အခန်းထဲတွင် မေဖန်းရဲ့အင်္ကျီတွေက ဟိုတစ်စ၊ ဒီတစ်စ ပြန့်ကျဲနေခဲ့သည်။ ပထမဆုံးအကိုနဲ့နှစ်ယောက်ထဲတွေ့ရမယ်ဆိုတဲ့အတွေးနဲ့ ခုန်နေသောရင်ဟာမရပ်တန့်နိုင်။ ပြောစရာလဲရှိသတဲ့ ဘာများပြောမှာလဲဆိုသောအတွေးနဲ့အတူ ရင်‌တွင်းကဖြစ်ပေါ်လာသောမျှော်လင့်ချက်သဲ့သဲ့ကြောင့် ရင်တွင်းက သိသိသာသာလှုပ်ခတ်လျက်ရှိသည်။

*I Loved You Every Minute, Every Second. I Loved You Everywhere And Any Moment*

ဖုန်းတခြား လူတခြားမို့ ဖုန်းဆီအမြန်ပြေးပြီး ကောက်ကိုင်မိတော့ ရိပေါ်။ သူငယ်ချင်းကိုလိမ်ရဦးမယ်ဆိုသောအတွေး‌စကြောင့် ရင်ထဲတင်းကြပ်သွားမိပြန်သည်။

"Hello"
"Hello မေဖန်း နင်ဘာလုပ်နေလဲ"
"ငါ ငါအ၀တ်ရှင်းနေတာ"

မတတ်နိုင်ပါ။ လိမ်ရတော့မည် ဒီတပါတ် ရှောင်ကျန့်မအားတာကြောင့် ငါတို့အပြင်မသွားကြရအောင်လို့ပြောထားခဲ့မိသည်။ ငါနဲ့အကိုနှစ်ယောက်ထဲသွားမလို့ဆိုတဲ့စကားကို မေဖန်းနှုတ်ဖျားက ဘယ်လိုမှမထွက်နိုင်ခဲ့။

"အေး ငါရုပ်ရှင်သွားကြည့်မို့ တစ်‌ယောက်ထဲဖြစ်နေလို့ နင်လိုက်ချင်လားလို့လေ"
"အာ မလိုက်တော့ပါဘူး ရိပေါ်ရယ် ငါနားချင်လို့"
"နင်ဖျားနေတာလား ဆေးခန်းသွားချင်လား"
"အဲ့လောက်လဲမဟုတ်ပါဘူး အိပ်လိုက်ရင်သက်သာသွားမှာ"

"အေး အေး မသက်သာရင်ဖုန်းဆက်ကြားလား ချီးပေမ ဒါဘဲနော်"
"အေး အေး ဒါဘဲ"

ဖုန်းချလိုက်ပြီးတော့ မေဖန်းရဲ့ရင်ထဲအားတုံ့အားနာစိတ်များသာ ကျန်ခဲ့လေသည်။ ကိုယ့်ကို အမှန်တကယ်စိတ်ပူပေးရှာသော သူငယ်ချင်းကို လိမ်လိုက်ရလေခြင်းဆိုသော အားနာစိတ်များသာကျန်ခဲ့ရသည်။ မဖြစ်ပါ ပြန်လာရင်တော့ အမှန်အတိုင်း ပြောပြရမှဖြစ်တော့မည်။
...........................................................................

ရှောင်ကျန့်နဲ့မေဖန်းလဲ နီးစပ်ရာရုပ်ရှင်ရုံကိုဘဲလာခဲ့ကြတာမို့ မေဖန်းစိတ်ထဲ မသိုးမသန့်ဖြစ်နေရပြန်သည်။ ရိပေါ်လဲ တစ်ယောက်ထဲဆိုတော့ ဝေးဝေးမသွားပေမဲ့ ဒီရုံမှာဘဲဖြစ်လောက်သည်။