Part-3
ရှောင်ကျန့်ရိပေါ်အိမ်ကထွက်လာပြီးနောက်ပိုင်းကစလို့ ရှောင်ကျန့်စိတ်တွေ အရင်ကထက်ပေါ့ပါးစွာ လန်းဆန်းနေခဲ့ရသည်။ ဒါပေမဲ့ အဖိုးအိမ်ကို ရောက်လာခဲ့ကြသောပါးနဲ့မားကိုတွေ့ရတဲ့အချိန်မှာတော့ ရှောင်ကျန့်ရဲ့ရင်တွင်းမှအပျော်တို့သည် ကြာရှည်မခံနိုင်တော့။
ရှောင်ကျန့်ပါး ရုံးခွဲသို့ခဏသွားရမှာမို့ ရှောင်ကျန့်တို့သားအမိလဲ လိုက်သွားရတော့မည်။ ဒါကြောင့် ရှောင်ကျန့်ကိုပြန်လာခေါ်ခြင်းဖြစ်သည်သာ။ မားပြောတဲ့ခဏဆိုတာ ဘယ်လောက်ကြာမှန်း ဘယ်သူမှမသိနိုင်တာမို့ ရင်တွေသာလေးသွားရမိသည်။
ပါးနဲ့မားကိုခွင့်တောင်းပြီး ကလေးမလေးနဲ့တွေ့နေကျ တောင်ကုန်းလေးပေါ်တက်လာမိသည်။ ငုတ်တုတ်လေးထိုင်ရင်းငေးနေသောကောင်မလေးကိုတွေ့ရတော့ မခွဲရသေးခင်ပင် ကြိုလွမ်းဆွတ်သွားမိရပြန်သည်။
"မေဖန်း"
"ဟင်"
"ငါ ငါ့မိဘတွေနောက်ခဏလိုက်သွားရတော့မယ်"
"ဘယ်ကိုလဲ"
"မင်းသိမှာမဟုတ်တဲ့ ဟိုးအဝေးကြီးကို"
"အဝေးကြီး"
ခပ်တိုးတိုးရေရွတ်လိုက်ရှာသောကောင်မလေးရဲ့ နှုတ်ခမ်းလေးက သူလွမ်းဖို့လုံလောက်ရာပင်။
"အင်း"
"အကြာကြီးလား"
"ခဏလို့ပြောပေမဲ့ ငါ့ပါးတစ်ယောက်ထဲသွားရင်တောင် အရမ်းကြာတတ်တာ ငါတို့ကိုပါခေါ်တာဆိုတော့ တော်တော်ကြာလောက်တယ်"
"အတိအကျဆိုရင်ရော"
"အကြာဆုံးဆို တစ်နှစ်လောက်ပါဘဲ"
သူ့စကားကြားတော့ စိုးရိမ်နေတဲ့ကောင်မလေးက သက်သာရာရစွာပြုံးသည်။
"တစ်နှစ်ဘဲကိုး မင်းကျောင်းသွားတက်သလောက်ဘဲ ဘာမှမဖြစ်ပါဘူး"
ဘာမှမဖြစ်ပါဘူးတဲ့လား ကောင်မလေးရယ် မိုင်ထောင်ချီဝေးတယ်ကွ သိရဲ့လား။
ရိပေါ်က သူ့ကိုငေးစိုက်ကြည့်နေသောရှောင်ကျန့်မျက်၀န်းက မျက်ရည်သဲ့သဲ့ကိုကြည့်နေမိခဲ့သည်။ ဒီမျက်ရည်ကရော သူ့အတွက်ကျတာလား၊ သူဟန်ဆောင်ထားတဲ့မိန်းကလေးအတွက် ကျတာလေလား။
"မငိုပါနဲ့ ငါတို့ပြန်တွေ့ရမှာဘဲ"
"မဟုတ်ဘူး မေဖန်း ငါပြောတာနားထောင်နော် မင်းစာပို့တတ်လား"
"ပို့တတ်တာပေါ့ စာပို့တိုက်သွားပို့ရင်ရတာဘဲ"
ESTÁS LEYENDO
MY LOVELY LIAR (Completed)
Fanfictionနယ်မြို့လေးတစ်မြို့ကိုလာလည်တဲ့သူဠေးသားလေး ရှောင်ကျန့် နဲ့ စိတ္တဇဝေဒနာရှင်အမေကြောင့် မိန်းကလေးလိုဟန်ဆောင်နေခဲ့ရတဲ့ကောင်ငယ်လေး ဝမ်ရိပေါ် ဆိုတဲ့ လူသားနှစ်ယောက်ကြားက ဆယ်စုနှစ်တစ်ခုစာဖြစ်တည်လာတဲ့ ချစ်ခြင်းမေတ္တာအကြောင်းကို ရေးထားတာပါရှင်။ P.S Yizhan ပါန...
