Part-15
ဒီနေ့တော့ မိဘတွေရှိရာပြန်မယ့်မေဖန်းအတွက် ပစ္စည်းအချို့၀ယ်ဖို့ Shopping Centerသို့ရိပေါ်တို့ရောက်ခဲ့ရသည်။ ဒါပေမယ့် မေဖန်းနဲ့ရိပေါ်နှစ်ယောက်ထဲတော့မဟုတ်။ မိန်းကလေးပစ္စည်းအချို့၀ယ်ရမှာမို့ မေဖန်းက တိုင်ပင်ဖော်ရအောင် ဖေးကိုပါ ခေါ်လာခဲ့လေသည်။
ဖေးကိုမြင်တော့ ဖေးမင်းနားကပ်နေတာကို မကြိုက်တာ ဆိုတဲ့ ကလေးတစ်ယောက်ရဲ့ခပ်ဆောင့်ဆောင့်အော်သံလေးကို ပြန်ကြားယောင်လာမိရပြန်သည်။ မင်းနဲ့ပက်သတ်ရင် ငါ့မှာလွမ်းစရာတွေချည်းပါဘဲလား ရှောင်ကျန့်ရယ်။
ရှေ့ကနေ မေဖန်းနဲ့ဖေး ကိုလျှောက်စေပြီး ရိပေါ်ကခပ်လှမ်းလှမ်းမှလျှောက်လိုက်လာခဲ့မိသည်။ မင်းမရှိရင်တောင် မင်းကိုပေးခဲ့တဲ့ကတိကိုတည်ဖို့ ငါကအမြဲကြိုးစားနေတော့မှာ။
"ရိပေါ် လာလေ ဒီကို"
မေဖန်းက သူတို့ဘေးကို လှမ်းခေါ်ပြန်တာမို့ ရိပေါ်ကတချက်ပြုံးပြကာ ခေါင်းဘဲခါပြလိုက်ရသည်။
"ဘာမုန့်စားချင်သေးလဲ ဖေး"
"အာ ဆရာဘာစားချင်လဲဟင်"
"ဖေးတို့စားချင်တာစားပါ အကိုလိုက်စားပါမယ်"
"အော် ဒါဆို ဟော့ပေါ့စားရအောင်"
ဟော့ပေါ့ဆိုသောစကားကိုကြားတာနဲ့ ရိပေါ်ခေါင်းထဲရှောင်ကျန့်က၀င်ရောက်လာရပြန်တာမို့ ရိပေါ်ကမသက်မသာလေးပြုံးလိုက်မိသည်။
ငါ့အတွေးတိုင်းက မင်းနဲ့အဆုံးသတ်ရပါတယ်ရှောင်ကျန့်ရယ်။
...........................................................................
သုံးယောက်သားဟော့ပေါ့ဆိုင်တွင် စားနေခိုက် ရိပေါ်ကဟိုဟိုဒီဒီကြည့်မိရာ ၀င်ပေါက်ဆီသို့ ဦးတည်၀င်လာသော သူ့ရဲ့ချစ်ရသူကိုမြင်လိုက်ရလေသည်။
ရှောင်ကျန့်ကလဲ ရိပေါ်ကိုမြင်လိုက်တာမို့ ကြောင်နစွာခြေလှမ်းတို့ကိုရပ်တန့်ရင်းပြန်ငေးစိုက်နေလေသည်။ မင်းကတော့ပျော်နေပါလား ရိပေါ်။ ဖေးကိုပါ အတူခေါ်ပြီး မုန့်တွေထွက်စားလို့ပါလား။
ငါရှိတဲ့ရက်တွေမှာ ဖေးနားကပ်ချင်တဲ့စိတ်တွေကို မင်းတော်တော်ထိန်းချုပ်ခဲ့ရတယ်ထင်ပါရဲ့။
KAMU SEDANG MEMBACA
MY LOVELY LIAR (Completed)
Fiksi Penggemarနယ်မြို့လေးတစ်မြို့ကိုလာလည်တဲ့သူဠေးသားလေး ရှောင်ကျန့် နဲ့ စိတ္တဇဝေဒနာရှင်အမေကြောင့် မိန်းကလေးလိုဟန်ဆောင်နေခဲ့ရတဲ့ကောင်ငယ်လေး ဝမ်ရိပေါ် ဆိုတဲ့ လူသားနှစ်ယောက်ကြားက ဆယ်စုနှစ်တစ်ခုစာဖြစ်တည်လာတဲ့ ချစ်ခြင်းမေတ္တာအကြောင်းကို ရေးထားတာပါရှင်။ P.S Yizhan ပါန...
