Part-12
ပြန်လာတဲ့လမ်းတစ်လျှောက်မှာ မေဖန်းကတိတ်ဆိတ်နေခဲ့မိသည်။ ခေါင်းထဲမှာအမြဲခြောက်လှန့်နေခဲ့သော အတွေးစတွေက တရေးရေးပိုတိုးလာလျက်။
ရိပေါ်က တိုက်ပေါ်တက်တော့မှ တိတ်ဆိတ်နေသော သူငယ်ချင်းမကိုသတိပြုမိရင်း မျက်မှောင်ကျုံ့ကာ ကြည့်မိသည်။
"ဟေ့ မေဖန်း ဘာဖြစ်နေတာလဲ"
"...."
"မေဖန်း"
"ဟေ အင်း"
မေဖန်းကရိပေါ်ရဲ့အသံဩသြကြားမှပင် စိတ်နဲ့ကိုယ်နဲ့ကပ်သွားရသည်။
"အိုက်ရိုး ခေါ်မကြားအော်မကြားနဲ့ပါလားဟ ဘာတွေစဉ်းစားနေတာလဲ"
"ဟို ဘာမှမဟုတ်ပါဘူး"
ဘာမှမဟုတ်ဘူးသာပြောနေပေမယ့် မေဖန်းမျက်နှာပေါ်မှာ စိုးရိမ်မှုကအထင်းသားပေါ်နေလေပြီ။
"ပြောစမ်းပါ ဘာဖြစ်လို့လဲ"
"အကိုလေ"
"အင်း"
"ငါတို့ အကို့ကိုလိမ်ထားတဲ့ကိစ္စကို အကိုသိသွားမှာစိုးလို့"
"အော် မေဖန်းရာ ဒါကနင်နဲ့ငါဘဲသိတဲ့ကိစ္စလေ ငါတို့မပြောရင်သူဘယ်လိုသိမှာလဲဟ ဘာလဲနင်ကငါပြောမှာစိုးလို့လား"
"ဟယ် အဲ့လိုမဟုတ်ပါဘူး ရိပေါ်ရယ် ငါနင့်ကိုယုံပါတယ် တကယ်လို့နင်ပြောရင်တောင် ငါ့မှာစိတ်ဆိုးပိုင်ခွင့်မရှိပါဘူး ငါမယုံတာကံကြမ္မာကို"
"ကံကြမ္မာ"
"အင်း အမှန်တရားဆိုတာကြာကြာဖုံးကွယ်ထားလို့မရမှန်း ငါသိတယ်ရိပေါ် ငါစိတ်တွေထင့်နေပြီ"
ရိပေါ်ကတော့ ယောင်္ကျားလေးပီပီ စိတ်ပူတတ်ရန်ကော ဆိုတဲ့ပုံစံမျိုးနဲ့ မေဖန်းကိုကြည့်ရင်း အားပေးစကားပြောနေပြန်သည်။
"အဲ့လောက်လဲ စိတ်မပူပါနဲ့ မေဖန်းရာ ငါတို့မပြောရင်မသိပါဘူး ငါလဲနောက်ဆို ပိုသတိနဲ့နေပါ့မယ်"
ရိပေါ်က သူလွှတ်ခနဲထွက်မိသောစကားတွေကို သတိရသွားဟန်ဖြင့် တောင်းပန်နေပြန်တာမို့ မေဖန်းကပိုအားနာသွားရပြန်သည်။ တကယ်ဆို တောင်းပန်သင့်တဲ့လူက မေဖန်းမဟုတ်လား။ ရိပေါ်နေရာလဲ အစား၀င်ယူသေး၊ ရိပေါ်ကိုလဲ စိတ်ဒုက္ခပေးသေးဆိုသလိုဖြစ်နေလေပြီ။
YOU ARE READING
MY LOVELY LIAR (Completed)
Fanfictionနယ်မြို့လေးတစ်မြို့ကိုလာလည်တဲ့သူဠေးသားလေး ရှောင်ကျန့် နဲ့ စိတ္တဇဝေဒနာရှင်အမေကြောင့် မိန်းကလေးလိုဟန်ဆောင်နေခဲ့ရတဲ့ကောင်ငယ်လေး ဝမ်ရိပေါ် ဆိုတဲ့ လူသားနှစ်ယောက်ကြားက ဆယ်စုနှစ်တစ်ခုစာဖြစ်တည်လာတဲ့ ချစ်ခြင်းမေတ္တာအကြောင်းကို ရေးထားတာပါရှင်။ P.S Yizhan ပါန...
