MY LOVELY LIAR (Completed)

MY LOVELY LIAR_6

Part-6

အိမ်ပြန်ရောက်လာပြီးနောက် ရှောင်ကျန့်ခေါင်းထဲ သရဲအိမ်ထဲက အကြောင်းကိုသာ ပြန်တွေးနေမိသည်။ ကျယ်၀န်းလှသောရင်ခွင်၊ ခပ်ပြတ်ပြတ်အသံလေး၊ ပြီးတော့သူ့ကိုပွေ့ဖက်ထားတဲ့သန်မာလှသောလက်တွေ။

‌စိုးရိမ်မှုတွေပြည့်နှက်နေသောမျက်နှာလေးကိုပြန်တွေးမိတော့ ရင်ထဲကျေနပ်မိတဲ့စိတ်လေးပေါ်ပေါက်လာရသည်။ နီးကပ်စွာရောက်ဖူးလိုက်သော ရင်ခွင်အကြောင်းပြန်တွေးမိတော့လဲ ရင်ထဲတသိမ့်သိမ့်ခုန်သွားရပြန်သည်။

ကုတင်ပေါ်မှာလှဲနေရင်း ကိုယ့်ရင်ဘတ်ကိုပြန်စမ်းမိတော့ ရင်ခုန်သံကအတိုင်းသားကြားနေရတာမို့ လှစ်ခနဲပြုံးလိုက်မိသည်။ ဒါပေမဲ့၀င်လာသောသတိကြောင့် ထထိုင်ရင်း ကိုယ့်ခေါင်းကိုယ်ပြန်ရိုက်လိုက်ရသည်။

"အိုက်ရိုး ရှောင်ကျန့်ရာ ဘာတွေတွေးနေတာလဲ မင်းရူးနေပြီဘဲ ရူးနေပြီ ယောင်္ကျားလေးအချင်းချင်းကိုကွာ"

ကိုယ့်ဘာသာသတိပြန်ပေးရင်း ရေချိုးခန်းထဲအမြန်၀င်ပြေးကာ ရေချိုးပစ်ကာ အတွေးတွေကိုရှင်းလင်းနေမိသည်။ မဟုတ်ပါဘူး အကြောက်လွန်သွားလို့ လူကပါရူးချင်ချင်ဖြစ်သွားတာထင်ပါရဲ့။
...........................................................................

တကယ်တော့ ဒီနေ့ကပိတ်ရက်ပေမဲ့ ရိပေါ်တို့ကအရေးတကြီး အကသင်ပေးရမယ့်လူတွေရှိတာမို့ ရှောင်ကျန့်နဲ့သွားဖို့ ဒီအပတ်ကိုတော့ မချိန်းဖြစ်ခဲ့ကြ။

သင်ပေးရမယ့်အက က Couple dance ဖြစ်တာကြောင့် ရိပေါ်နဲ့မေဖန်းက အရင်တွဲကပြရသည်။ အတွဲညီလှသော သူတို့နှစ်ယောက်ရဲ့အကကို သင်တန်းသားအားလုံးက မိန်းမောစွာထိုင်ကြည့်နေခဲ့ကြသည်။

နှစ်ယောက်လုံးကလဲ သေသပ်လှပစွာကတတ်ကြသော Professional အကဆရာတွေဖြစ်တာကြောင့် ခုချိန်မှာသူငယ်ချင်းဆိုတာကိုတောင်မေ့ထားရင် ချစ်သူဆိုတဲ့စိတ်ခံစားချက်ကို ထည့်ရင်းကပြနေတာကြောင့် မျက်နှာအမူအရာတွေကအစ ကြည်နူးစွာ လွမ်းဆွတ်ဖွယ်အတိ။

သင်တန်းသားတွေနဲ့အတူ အခန်းရဲ့အ၀တံခါး‌နားလေးမှာ ရှောင်ကျန့်ကလဲမှင်သက်စွာကြည့်နေရင်း ရင်ထဲမှာအမျိုးအမည်မသိသောခံစားချက်လေးပေါ်ပေါက်နေရသည်။ အမှန်၀န်ခံရရင် သ၀န်တိုမှုဆိုတာတော့ ရှောင်ကျန့်သိပါတယ်။