MY LOVELY LIAR (Completed)

MY LOVELY LIAR_18

Part-18

သီချင်းတအေးအေးနဲ့၀မ်ရိပေါ်တစ်ယောက်ရေချိုးနေမိသည်။ ထို့နောက်တော့အ၀တ်အစားအမြန်လဲကာပြင်ဆင်ရင်း ကားသော့ကိုလက်ဖြင့်လှည့်ကာ အောက်သို့ဆင်းလာခဲ့သည်။

၀မ်ရိပေါ်စီးနှင်လာသောကားလေးသည် သူတို့နှစ်ယောက်ရဲ့အမှတ်တရများရှိရာ ရုပ်ရှင်ရုံရှေ့မှာ ရပ်တန့်လျက်။

ရုပ်ရှင်လက်မှတ်နှင့်မုန့်၀ယ်ရင်း ရှောင်ကျန့်ကိုစောင့်နေမိသည်။ ဒါပေမယ့် ရှောင်ကျန့်နောက်ကျတာမဟုတ်ပါ သူကသာလောနေမိခဲ့တာ။

ပိုင်‌ဆိုင်ပြီးပြီဆိုတာသိပေမဲ့လဲ စိတ်မချနိုင်တုန်းဘဲ။ ကိုယ့်ကိုချစ်တယ်လို့သိရပေမယ့်လဲ 10နှစ်ကျော် တဖက်သတ်အချစ်က ရင်ထဲကထွက်ခွာမသွားနိုင်တုန်းဘဲ။

ကိုယ် နှစ်ရှည်လများလိုချင်ခဲ့ရ‌တဲ့အရာတခုကို ရုတ်တရက်ပိုင်လိုက်ရသလိုမျိုး မယုံကြည်နိုင်တဲ့ခံစားချက်မျိုးပေါ့။

ကျွန်တော်တကယ်ရှောင်ကျန့်ဆိုတဲ့ကလေးကိုချစ်တယ်။ ဘယ်လောက်ချစ်လဲဆိုတာကို ပုံဖော်မပြတတ်လောက်အောင်ကိုချစ်မိတာ။

လက်ချင်းယှက်ကိုင်ထားရင်းနဲ့ လွတ်ထွက်သွားမှာစိုးတယ်။ ရင်ခွင်ထဲမှာဖက်ထားရင်းနဲ့ ပျောက်ကွယ်သွားမှာစိုးတယ်။ ကိုယ့်ချစ်သူဖြစ်နေပါရဲ့နဲ့ တခြားလူ လုသွားမှာစိုးတယ်။

အတွေးများလွင့်နေခိုက်မှာ မြင်ကွင်းရှေ့ရောက်လာသော တစ်ကိုယ်လုံးအဖြူရောင်လေးနဲ့ပြည့်နေသော ယုန်ပေါက်လေးရှောင်ကျန့်။

ခန္ဓာကိုယ်ဖြူလျလျလေးပေါ်မှာ အဖြူရောင်ဆွယ်တာနဲ့ အဖြူရောင်ဘောင်းဘီလေး ပြီးတော့ Walking Shoeလေးပါ အဖြူရောင်လေးစီးထားသေးသည်။

ချစ်ရသော ဒီကလေးကိုကြည့်ရင်း ရိပေါ်ကနှုတ်ခမ်းလေးကွေးတက်သွားအောင်ပြုံးတော့ ထိုကလေးငယ်ကလဲ ယုန်သွားလေးတွေပေါ်လာ‌တဲ့အထိ ပုံ့ပုံ့လေးပြန်ရီပြနေပြန်သည်။

ရိပေါ်က ရှောင်ကျန့်ရဲ့ခေါင်းလေးကို သာသာလေးတချက်ဖွလိုက်သည်။ မလိုအပ်ဘဲ ချစ်ဖို့ကောင်းနေတာတွေကို လျော့ပေးလို့ရမလား ကလေးရယ်။ သ၀န်တိုရင်းနဲ့ ကိုယ့်ကိုရူးပြီးများသေစေချင်နေရော့သလား။