Part-11
ခုနောက်ပိုင်းမှာတော့ ရိပေါ်တို့သုံးယောက်အရင်လို သွားအတူ၊ လာအတူ ပြန်ဖြစ်ခဲ့ကြသည်။ ရှောင်ကျန့်က ရိပေါ်ကို သနားငဲ့ညှာသောအားဖြင့်လားမသိပေမယ့် မေဖန်းနဲ့ ရိပေါ်ရှေ့မှာအရင်လို အရမ်းနီးနီးကပ်ကပ်မနေပြတာကိုတော့ ရိပေါ်ကျေးဇူးတင်မိရပါသည်။
တခါတလေဖြစ်လာတဲ့ရှောင်ကျန့်နဲ့မေဖန်းရဲ့ နီးကပ်မှုကိုလဲ ရိပေါ်ကနားလည်ပေးရပြန်တာပါဘဲ။ ဒါပေမဲ့ကိစ္စတော့မရှိပါ ရှောင်ကျန့်နဲ့ပက်သတ်လာရင် နှလုံးသားရဲ့နာကျင်မှုကို မသိချင်ယောင်ဆောင်ဖို့ ရိပေါ်ကြိုးစားနေတတ်ခဲ့ပါပြီ။
"အကို မေဖန်းကို အရုပ်ကောက်ပေးပါဦး"
"အော် အင်း ကောက်ပေးမယ်လေ"
ရိပေါ်က ထိုင်နေရင်းမှ မေဖန်းကိုရယ်ကျဲကျဲလှမ်းကြည့်မိတော့ မေဖန်းကခပ်ဟဟလေးရယ်ရင်း မျက်လုံးလေးတချက်မှိတ်ပြသည်။ ပုံမှန်ဆို မေဖန်းက အရုပ်ဆိုသူကိုယ်တိုင်ကောက်ရမှ ကျေနပ်တဲ့လူမျိုးမဟုတ်လား။ ချစ်တဲ့သူရှိပြီဆိုတဲ့ ဘာမဆို ကိုယ်ချစ်တဲ့လူ လုပ်ပေးတာကိုလိုချင်မိတတ်ကြတာပါဘဲလေ။
အရုပ်ကိုစိတ်၀င်တစားကောက်ပေးနေသော ရှောင်ကျန့်နှင့် ဘေးကနေပျော်ရွင်စွာအားပေးနေရှာသောမေဖန်းကို ကြည့်ရင်း ရိပေါ်ပြုံးနေမိသည်။ လိုက်ပါတယ် နှစ်ယောက်သားက တအားလိုက်ဖက်လွန်းပါတယ်။ ငါ့ရင်ကိုနာကျင်စေလောက်အောင် လိုက်ဖက်လွန်းနေခဲ့တာပါလား။
ရိပေါ်က ရှောင်ကျန့်ကိုငေးကြည့်မိနေတုန်းမှာ ရိပေါ်ရဲ့မျက်လုံးအစုံကို လက်သွယ်သွယ်လေးတွေကအုပ်မိုးလိုက်လေတော့သည်။
"ဘယ်သူလဲ ခန့်မှန်းကြည့်"
နောက်ကျောဘက်ဆီမှ အသံလွင်လွင်ကြောင့် ရှောင်ကျန့်ကလှည့်ကြည့်မိတော့ ထိုင်နေသောရိပေါ်ရဲ့မျက်လုံးတွေကို လက်အစုံနဲ့ဖုံးကွယ်ထားသော ဖေး။ လုပ်နေပုံကအတွဲတွေအတိုင်းမို့ ရှောင်ကျန့်စိတ်ထဲ ဒေါသစိတ်သဲ့သဲ့က တန်း၀င်ရောက်လာရလေပြီ။
"အာ ဖေး ဖေးလား"
"ဝါး ဆရာကတော်လိုက်တာ ဖေးကိုမှတ်မိတယ်ပေါ့ ပျော်လိုက်တာ"
YOU ARE READING
MY LOVELY LIAR (Completed)
Fanfictionနယ်မြို့လေးတစ်မြို့ကိုလာလည်တဲ့သူဠေးသားလေး ရှောင်ကျန့် နဲ့ စိတ္တဇဝေဒနာရှင်အမေကြောင့် မိန်းကလေးလိုဟန်ဆောင်နေခဲ့ရတဲ့ကောင်ငယ်လေး ဝမ်ရိပေါ် ဆိုတဲ့ လူသားနှစ်ယောက်ကြားက ဆယ်စုနှစ်တစ်ခုစာဖြစ်တည်လာတဲ့ ချစ်ခြင်းမေတ္တာအကြောင်းကို ရေးထားတာပါရှင်။ P.S Yizhan ပါန...
