Pleasure Me, Mr.

Billboard Girl

"Nand'yan na pala ang ating billboard girl!"

Naghiwa-hiwalay ang mga katrabaho ni Olive nang makapasok siya sa lobby ng kanilang opisina.

Tipid na napangiti ang dalaga habang bahagyang nakayuko ang ulo.

"Naku, Olive! Hindi ka nagsasabi na bigatin ka na!" untag ni Grei na kapwa niya broker.

"Shookt din ako marz! Napabili tuloy ako ng sandosenang Alluring White Soap bago pumunta sa office. Ipapa-autograph ko!" ani Zsazsa, ang beki nilang accountant. Dali-dali itong kumuha ng pentel pen at iniabot ang mga sabong nakalagay sa eco bag. "Pirmahan mo na, marz!"

Natatawang-naiiling si Olive na noong una'y nag-aalangan kung pipirmahan ba ang kahon ng sabon. Pero sa huli ay ginawa rin niya 'yun.

"Here," anang dalaga pagkatapos pumirma. "Mga mare cakes, salamat sa support ninyo ha? Sobrang na-appreciate ko."

Siniko nang mahina ni Grei ang dalaga. "Sus, ikaw pa ba? Basta walang limutan kapag nakaangat na sa laylayan ha?"

Napatawa na lang si Olive bilang kasagutan.

Abala sa pamimigay si Zsazsa ng autographed soaps sa mga katrabaho nang mapansin ni Olive ang boss na si Patriciah. Umalis siya sa umpukan para lapitan ito.

"Boss."

Isang totoong ngiti ang isinalubong ni Mrs. Camingao sa kaniya.

"I heard about the huge success of the billboard. I saw it too while heading to work." Iniabot niya ang isang kamay sa dalaga. "Congratulations."

Inilagay ni Olive sa tainga ang nakaharang na buhok sa mukha. Pinukulan niya ng ngiti ang kausap.
"Salamat, boss."

Inilagay ni Patriciah ang mga kamay sa bulsa ng kaniyang coat. "I have nothing against it as long as hindi napapabayaan 'yung responsibility dito sa work ha?" Inilagay nito ang kanang kamay sa balikat ni Olive. "Malapit nang matapos ang quarter. We're still too far from the actual target."

Napasinghap si Patriciah. "I hate to say this pero kung hindi natin mami-meet ang quota, baka may manganib sa inyong matanggal." Tiningnan siya nang makahulugan ng kaniyang boss.

"Y-Yess, boss."

Sinundan ni Olive ng tanaw si Patriciah hanggang sa makasakay ito sa elevator.

Lupaypay na tinungo ni Olive ang kaniyang office.

"Olive!" Madaling pinaglalabas ni Gianna ang mga sabong nakalagay sa handbag at ipinatong iyon sa lamesa ng dalaga. Siya ang nabungaran ni Olive pagpasok ng huli sa sarili nitong opisina.

Sinalubong nito ang dalaga at sabik na bineso-beso. "Congrats, girl!" Napapalakpak pa ito sa katuwaan.

"Salamat." Pilit na nginitian ni Olive ang kaibigan. Tinungo agad ang desk at walang ganang ipinatong doon ang bag.

"Oh? Parang pinagbagsakan ka ng langit at lupa? We should be celebrating!" May kinuhang champagne si Gianna sa bukod na eco bag na ipinatong niya sa upuan. Inalis ang cork at sumirit doon ang alak. "Congrats again on your first ever exposure to the madlang people!"

Kinuha nito ang dalawang wine glass at nilamnan. Iniabot ang isa kay Olive.

"Cheers!"

♡♡♡

"Bakit hindi ka humingi ng tulong kay Nicky? I am sure marami 'yang connections na puwede mong maging potential buyers."

Umiling-iling si Olive. "Huwag na. Baka isipin noon e kaya ako nakikipag-sex sa kaniya e para sa gano'n."