Pleasure Me, Mr.

Tit for Tat

Isang buwan na ang nakalipas mula nang magsama sa isang bubong sina Olive at Nicky. Unti-unti na rin silang nakapag-a-adjust sa bagong buhay na sinimulan nila.

May tatlong negosyo na ring pinagkakaabalahan si Nicky kaya madalas siyang wala sa bahay. Isa na ang pagiging jeepney operator. Bumili siya ng limang jeepney mula sa pinagbentahan ng bar kaya kumikita siya mula sa boundary na nire-remit araw-araw ng drivers ng jeep niya.

Nicky's Hotdog Cart naman ang ikalawa. Nagpapa-franchise siya ng food cart sa San Sebastian kung saan sila nakatira pati na rin sa mga karatig-bayan. Sa kasalukuyan ay may labindalawang food carts na siyang naibenta at sinu-supply-an ng stocks.

Ikatlong business ay ang pag-aangkat ng mga lamang-dagat partikular na ang sugpo. Direct seller siya ng high-end restaurants kaya malaki talaga ang kinikita niya sa bawat angkat. He always has someone to show up to the restaurant owners tuwing may transaksiyon. Ayaw niyang may makakilala sa kaniya dahil baka makarating iyon sa kaniyang ama. Pumupunta lang siya ng Maynila kung talagang kailangan.

Si Olive naman ay pinasok na ang online selling. Bumibili siya ng tsinelas, sandals, doll shoes, at boots sa kilala niyang shoemaker. Kumikita siya ng singkuwenta hanggang isandaang piso bawat pares na maibebenta niya. Malaki-laki rin ang kinikita niya rito dahil marami ang kumuha sa kaniya bilang supplier. Nagre-rebrand din kasi siya ng mga ibinebenta niya. Ibig sabihin ay puwedeng mag-request ang customers ng kung ano ang gusto nilang ilagay na pangalan sa mga sapatos na binibili nila para makalikha sila ng sariling brand.

Gustuhin man ni Olive na magtrabaho na tulad sa pinanggalingan niya ay wala siyang mapasukan. Probinsiya ang kinaroroonan nila at mas gusto ng mga taong gawin ang sarili nilang bahay kaysa ang bumili ng gawa na.

♡♡♡

"Hi, baby." Niyakap ni Olive ang binata na noo'y pinapawisan na. Abala ang huli sa pagtingin sa listahan habang nagmamando sa mga tauhan niyang nagbubuhat ng ice boxes na may mga lamang-dagat.

"Baby." Gumanti ng yakap si Nicky sabay halik sa noo ni Olive.

"Matagal pa ba 'yan? Naghanda na ako ng tanghalian."

Binilang ni Nicky ang natitirang ice boxes na hindi pa naisasakay sa truck. "Kaunti na lang, baby. Hihintayin ko lang na makaalis itong truck. Give me ten minutes."

Olive rubbed Nicky's arms softly. "Okay. Nagluto ako ng tahong at tilapia. I'm sure masasarapan ka, baby." She winked at him.

Nicky chuckled softly and bit his lower lip. Hinarap niya ang dalaga. "Baby, sabik na akong tikman ang tahong at tilapia mo."

Nagtinginan nang makahulugan ang dalawa habang nakangisi sa isa't isa.

"Sir Nicky. Ayos na 'to. Alis na po kami," saad ni Benjie, ang katiwala ni Nicky. Ito ang nakatoka sa pakikipag-usap sa restaurant owners.

"Sige, Benj. Balitaan n'yo na lang ako. Mag-iingat kayo."

Sinundan ni Nicky ng tingin ang truck na umalis. Nang masiguro ay isinara na niya ang gate at pumasok na sa bahay.

♡♡♡

"Hmm, ang galing mo talagang magluto, baby. Pa-kiss nga."

Nakangiting pinuntahan ni Olive ang binata. She sat on his lap and gave Nicky a kiss.

"Thank you for appreciating." Olive looked at the table. "Hindi talaga ako nagluluto pero natuto ako mula nang magsama tayo. Baka kasi makahanap ka ng iba na magaling magluto." She smirked.

Hinapit pa ni Nicky ang dalaga palapit sa kanya. "Hindi na ako maghahanap ng iba 'noh. Ang sarap-sarap kaya ng tilapia at tahong mo." He kissed Olive's jaw.