مؤمن ياولدي ما تجيني انا اتاخرت على الناس ديل وكدا ما صااح مني عايز يقولو ماما ما بتجي في الوقت؟
مؤمن:جيت يا ماما
-ختيت ليكم الاكل في الطربيزة وجمبو العصير والمويه ما تخشو المطبخ وابعدو من الكهربه التلفزيون شغال وما تطلعو الشارع لو حصلت اي حاجه اضرب لي فاهم
مؤمن:حاضر
-خلي بالك من اختك وما تصحيها لانو تعبانه خليها لمن تقوم براها ما ح اتأخر احمدل لي خالتك السلامه وبجي
مؤمن:طيب طيب
قريت كم ايه قرآنيه وحصنتهم وطلعت وشلت معاي ميس الصغيرة ما بقدر اخليها وامشي وصلت البيت اصلو على بعد تلاته بيوت من بيتي دخلت وكان مليان نسوان سلمت عليهم ومشيت لي صفاء لقيتها راقده ومعاها حمواتها قاعدات في السرير المقاصدها سلمت عليهن وجريت لي كرسي وقعدت
-صفويه السمحه الليله فروحه كيف؟
صفاء:الحمدلله كويسه ما عندها عوجه بليل كانت بطنها بتوجعها لكن هسع الحمدلله بقت كويسه
-الحمدلله وانت كيف؟
+فرحانه بيها حاسه روحي بحلم🥺
-ما حلم انا مش قلت ليك الا ما يجبرك ربنا في يوم بس انت اصبري
+الحمدلله صبرت ونلت🤲💛
(سعاد)واحده من حمواتها:نلتي شنو بي بتك المنقوليه دي😒
-ما منقوليه اسمها متلازمه الفرح وبعدين مالا ناقصه يد ولا كراع ما هدي زينه وسمحه تشبه القمر واحلى منو كمان😘💛
سعاد:هسي دي تمشي بيها وين دي فضيحه والله الناس كلهم ح يقولو لينا بت اخوكم المنقوليه هسي دي لمن تكبر تمشي مع بتي وتجيب ليها السمعه يسموها بت عمه المنقوليه😒
-وين الفضيحه والسمعه في الحته دي؟
سعاد:هسي دي البعرسها منو
-ضحكت وقلت ليها لوقتها ليها الف حل وحلالها واحد والضامن يعيش لي الوقت داك منو؟
سعاد:برري ماف مرا بترضى ولدها يعرس ليو منقوليه هسي لو احمد ولدي دا جاب لي بت ما سمحه سااي ما بخلي يعرسها خلي منقوليه كمان
صفاء:ما اسمها المنقوليه هسع ابوها ضبح 3خرفان وسمها فرح🙂
سعاد:فرح ولا بلح ما فارقه ماف زول ح يناديها باسمها كلهم ح يسموها المنقوليه
-لو اقرب الناس ليها زيك نادوها باسمها ماف زول ح يتجرأ يناديها منقوليه الحكايه واقفه عليكم
صفاء:بتي اسمها فرح والبناديها بغير كدا ما يلوم الا نفسو انا ما قعدت ادعي ربي 15سنه والحمدلله استجاب لي وتعبت في العمليه ومشيت للموت بي رجليني وجيت راجعه عشان لمن اولد تشتمو لي بتي🙂
سعاد:محسساني اول مرا تولدي ما هديل كلنا قدامك ولدنا ولا عملنا امورك دي😒
-الولادة هينه الغنمايه بتولد صعبه التربيه
صفاء:فعلا شن فايدة الولاده ان ما ربيت اولادك محل تمش جابين ليك السمعه بي خرابهم الكتير😏
سعاد:قصدك منو انت😡
+ولا زول والفي راسو ريشه بتحسسه😏
لوت خشمها وساقت اخواتها وطلعن قلت ليها ما تشتغلي بيهن كتير الحمدلله فرح بي صحه وعافيه والباقي ما مهم قالت لي ما شغاله بي زول اهم حاجه عندي بتي والباقي يتحرق بجاز وسخ قلت ليها ودا المطلوب عليك بي نفسك وبتك وراجلك وخليك من الباقي اختها جابت ليها الفطور رقدت ميس وشلت فرح مسافه ما امها تاكل كانت هاديه شديد ما بتبكي ولا بتعمل ازعاج قالت لي من يوم ولدتها ومش كدا تمت اسبوعين والله بكياتها ما تمت العشرة هديه ورضيه قلت ليها ربنا يخليها ليك ويحفظها ويجعلها من البارات قالت لي امييين جمعا ويحفظ بناتنا كلهن💛
ونستها شويه وتلفوني ضرب رديت وقمت مخلوعه ختيت فرح وشلت ميس وطلعت صفاء نادتني قلت ليها مستعجله بجيك في وقت تاني وجري على البيت
.....:تعالي يالهامله يالما بتشبهي النسوان جادعه عيالك وحايمه بالحله😒
-بسم الله في شنو اولادي عملو شنو؟
+شوفي ولدك المصون القديتينا بي اخلاقو بحضر في شنو اكيد طالع قليل ادب وصايع زي ابو ما جابو من بعيد شلت التاب بتاعو لقيتو فلم***** اتخلعت طبعا دا الجابو تلفون مؤمن شنو وهو لي بحضر افلام زي دي والعرفو بيها شنو اصلا راسي كبس وصدعت وبقيت بشوف طشاش طشاش
+لسه اصبري عشان اتم ليك ادب اولادك😏
طلعت قروش من تحت المخده وقالت لي شايفه بتك امبارح جات بيتنا وقعدت تلعب تاني دخلت الغرفه ولقت القروش دي في التسريحه شالتا ومشت من غير ما تكلم زول لو ما عندكم قروش تدوها كلموني وانا ما بقصر معاها بدل تطلع عينها فارغه وتسرق قروش الناس😒انا بقيت ما قادر استوعب اي شي بعاين لي اولادي بس ابو مؤمن جه وفتت ليو الكلام كلو اداها القروش القالت منه سرقتها واعتذر منها ورجعت بيتها دخل الاولاد غرفهم وجه ساقني غرفتنا قعدني في السرير وانا بس ببكي ما عارفه اعمل اي شيء تاني
-انا قصرت في شنو لمن يعملو كدا حصل يوم بخلت عليهم بي حاجه ولا ما عرفت اربيهم كويس😭💔
ابو مؤمن:الغلط ما غلطك لانك بتربي فيهم احسن تربيه حصل خلل بيسط ونحن ح نحل المشكله دي مع بعض من جذورها انت هدي نفسي اول عشان نعرف نتكلم معاهم
-تعبت والله تعبت صحي كلام امي الولاده هينه صعبه التربيه😭
لفتني عليو قال حبيبي ماف داعي تكبري الموضوع ح تتحل قلت ليو كيف ما اكبرو انت شايف انها حاجه بسيطه قال لي عارف انو الحكايه ما هينه لكن ادي الموضوع حجمو الطبيعي عشان الامور ما تفلت من بين ايدينا مسح لي دموعي ووقفني قدام المرايه تاني لفتني ليو وختى يدينو حولين خصري وقال ما حرام عليك قمري دا تخلي يبكي قلت ليو قمرك هو انت فاضي ليو قال لي اعفي ليك لكن اليومين ديل مضغوط مع الشغل كدي ما تخشي حضن انا مشتاقك والله وكان بمشي يدو في خدودي قلت ليو يا راجل اختشي ولدك بقى طولك😒قال لي اختشي لي عملت غلط ولا حرام مرتي وانا حر فيها قلت ليو ما عايزة معاك قلتدب🤭قال لي تجي بي نفسك ولا اجيبك براي😏وعشان انا فالحه خشيت حضنو براي🙈
هيي ما فاهمين حاجه مش خليكم كدا والجزء الجاي ببدا احكي ليكم من البدايه عشان تفهمو
💜ابقوا عافيه💜
