Light,Dark:Opposite || Completed

First Step

*Unicode*

First Step~ပထမဆုံးသောခြေလှမ်း

လွှဲမှားခြင်းရဲ့အစက လှမ်းခဲ့မိတဲ့ပထမဆုံးသောခြေလှမ်းကတဲ့
အရာရာကိုပြန်ပြောင်းလဲဖို့တွေးမိတဲ့အခါ
အဖြေကငါတို့မတွေ့ဆုံခဲ့ရင်ရပြီဆိုပဲ

ကံကြမ္မာကမှားယွင်းခြင်းတွေနဲ့ ငါတို့ကိုတွေ့စေခဲ့တယ်
အရာရာကပြင်ဆင်ချိန်တောင်မရခဲ့ဘဲ မှားယွင်းခဲ့ရတာပဲ

အင်းငါတို့ရဲ့တွေ့ဆုံခြင်းကိုကအမှားတစ်ခုဖြစ်ခဲ့တာကို

.... ❦ ....

Darkness Clubရှိရာဆီဦးတည်နေသော သူ့ခြေလှမ်းတွေက အရှေ့ကပိတ်ရပ်လိုက်သောလူတစ်စုကြောင့် ရပ်တန့်သွားရသည်။

အခြေအနေတစ်ရပ်ကိုသတိပြုမိလိုက်တဲ့အခါ အလိုအလျောက်လက်ထဲကလက်ဆွဲအိတ်အမည်းကို တင်းနေအောင်ဆုပ်ကိုင်လိုက်ပြီး နောက်ကိုခြေတစ်လှမ်းဆုတ်လိုက်မိသည်။

"Na Jaemin...မင်းဒီလိုလုပ်လို့ရမယ်များထင်နေတာလား အဲ့အိတ်ကိုငါတို့လက်ထဲ အသာတကြည်ပေးပြီးလစ်တော့ မဟုတ်ရင်မင်းအဆုံးသတ်ကမလှတော့ဘူးနော်"

ရှောင်လွှဲလို့မရဘူးဆိုတာသိလိုက်တာနဲ့ ခပ်ထေ့ထေ့ပြုံးရင်း ရှေ့ကိုအေးဆေးလျှောက်သွားလိုက်ကာ ထိုလူစုနဲ့လက်လှမ်းမှီနိုင်သော မျက်နှာချင်းဆိုင်နေရာမှာရပ်တန့်လိုက်သည်။

သူတို့ကလေးယောက်...Jaeminကတစ်ယောက်
ဒီလူအရေအတွက်လောက်နဲ့ Na Jaeminကိုလာစမ်းတယ်ဆိုတော့ Na Jaeminဆိုတဲ့သူ့ကိုအရမ်းလျော့တွက်ရာရောက်မနေဘူးလား။

ဒီလောကထဲတစ်ကိုယ်တည်းရှင်သန်နေတဲ့ Na Jaeminကရှင်သန်ဖို့အတွက်ဆို ဘယ်လိုအရာကိုမဆိုလုပ်ရဲသည်။

တစ်ကိုယ်တည်းရှင်သန်နေတာကြာပြီဆိုပေမယ့် ဒီလိုအန္တရာယ်များတဲ့လောကထဲ မယိမ်းမယိုင်ရှိနေတယ်ဆိုကတည်းက Na Jaeminရဲ့ဇကမသေးကြောင်းသိထားသင့်နေပြီလေ။

သူတို့အသုံးမကျလို့ Na Jaeminရဲ့ကွက်ကျော်ရိုက်တာခံလိုက်ရပြီး ဆုံးရှုံးသွားရတဲ့ပစ္စည်းကိုပြန်ရဖို့အတွက်နဲ့ လက်တစ်ဖက်မပြည့်တဲ့လူအရေအတွက်လောက်နဲ့ Na Jaeminကိုလာရင်ဆိုင်တယ်ဆိုပဲ။