Light,Dark:Opposite || Completed

Choice

*Unicode*

Choice~ရွေးချယ်မှု

ရှေ့ဆက်တိုးမရ ဆုတ်မရဖြစ်နေတဲ့အခြေအနေမှာ
ငါ့ရွေးချယ်မှုက ထပ်ပြီးမင်းမဟုတ်ပြန်ဘူးထင်ပါရဲ့။

မင်းသိရင် ငါကဆိုးလိုက်တာလို့ ပြောလေမလား....။

.... ❦ ....

ဖြတ်ခနဲဝင်လာသောအသိစိတ်ကြောင့် မျက်လုံးဖွင့်ပြီး ငုတ်တုပ်ထထိုင်လိုက်သည်။

မူမမှန်မှုတစ်စုံတစ်ရာကြောင့် စိတ်ထဲမတင်မကျဖြစ်နေရပြီး လွှဲမှားနေသည်ကိုရှာဖွေလိုက်သည်။

မှိန်ဖျော့ဖျော့အခန်းလေးထဲ ပိတ်ထားသောပြတင်းပေါက်မှတစ်ဆင့် နေရောင်တို့ကတစ်စွန်းတစ်စဝင်ရောက်နေသည်။

နွေးနွေးလေးဖြစ်နေသောအခန်းအပူချိန်၊ နောက်ပြီးပိတ်ထားသောပြတင်းပေါက်။

မနေ့က သူပြတင်းပေါက်မပိတ်မိသလိုပါပဲ။

အခန်းထဲကိုလိုက်အကဲခတ်နေရင်းမှ လွှဲမှားနေသည်ကJaeminကိုယ်တိုင်ပင် ဖြစ်ကြောင်းသတိပြုမိလိုက်တော့သည်။

သူအခန်းထဲဘယ်လိုရောက်နေတာလဲ...။

သူ့အခန်းထဲကအိပ်ယာပေါ်မှာ ရောက်နေခြင်းကပင်လွှဲမှား​နေခြင်းပင်။

မနေ့ညကLee Jenoနဲ့မီးဖိုခန်းမှာတွေ့ပြီး စားပွဲပေါ်မှာအိပ်ပျော်သွားသည်ကို ရှင်းရှင်းလင်းလင်းမှတ်မိနေသည်။

အခန်းထဲJaeminလုံးဝပြန်မလာခဲ့မိပါ။

ဒါဆိုသူဒီအခန်းထဲကရောက်နေသည်က....

"Lee Jenoလား"

ထိုသို့ရေရွတ်မိပြန်တော့ နှလုံးသားတစ်စုံက ခုန်လှုပ်လာကာ နွေးထွေးသွားသလိုခံစားလိုက်ရသည်။

ဒါမယ့်သူ့ကိုလျစ်လျူရှုခဲ့သည့်Lee Jenoကလေ...

မဖြစ်နိုင်ကြောင်းတွေးမိပြန်တော့ နှလုံးသားကတဆစ်ဆစ်။

ခံရခက်နေသောနှလုံးသားခံစားချက်ကို ကျော်လွန်သွားသည်က မနေ့ညကသူတင်ထားခဲ့သောစားပွဲပေါ်မှာ မရှိတော့သည့်ကွန်ပျူတာကြောင့် လွှမ်းမိုးလာသောလန့်စိတ်ပင်။