Light,Dark:Opposite || Completed

Unworthy

*Unicode*

Unworthy~မထိုက်တန်သော

ငါကမင်းနဲ့မထိုက်တန်သော သူရယ်ပါLee Jeno....။

.... ❦ ....

Jenoယူခဲ့ခိုင်းတဲ့အိတ်ကို ပိုက်ထားရင်း ဆိပ်ကမ်းကိုသွားတဲ့လမ်းတစ်လျှောက် သူ့စိတ်တွေက မနက်ကထက်ပေါ့ပါးနေသလို ခံစားရသည်။

ဒီလိုဖြစ်နေခြင်းကလည်း Saနဲ့ပတ်သတ်တဲ့ဗီဒီယိုတွေ၊မှတ်တမ်းတွေ ကူးထည့်ထားတဲ့စတစ်ကို မီးရှို့လိုက်ပြီး လပ်တော့ထဲကပါအကုန်အစဖျောက်ပစ်လိုက်တာကြောင့်ပင်။

ဘာအချက်အလက်မှမပါဘဲသူကပြန်ရောက်သွားတဲ့အခါ သူသိသည် ဆရာတို့ကနောက်တစ်နည်းနဲ့ Saနဲ့ပတ်သတ်တာတွေကို စုံစမ်းကြဦးမှာ။

အဲ့လိုအချိန်ကျရင်လည်း သူမျက်စိရှေ့ရောက်လာခဲ့ရင် ဝင်နှောင့်ယှက်ပစ်ဖို့ကို အခိုင်အမာဆုံးဖြတ်ထားသည်။

သူမြင်တွေ့နေရတာတွေကြောင့် Saကဆိုးရွားလွန်းတဲ့အရာတွေကို လုပ်နေခြင်းမရှိတာကို သူသေချာသိနေသည်လေ။

Saကဖျက်ဆီးခံရဖို့အထိတော့ လုံးဝမဖြစ်သင့်ပါ။
Jaeminတို့အာရုံစိုက်သင့်တာက Fireလိုအဖွဲ့အစည်းတွေပဲ။

Saကရှိသင့်တဲ့အဖွဲ့လို့သူမြင်သည်။

အချစ်ကြောင့်မျက်ကန်းဖြစ်တယ်ပဲပြောပြော သူကတော့ဒီလိုပဲထင်သည်။

နောက်ပြီးသူနဲ့အထင်အမြင်တူတဲ့ နောက်တ‌စ်ယောက်ရှိနေသေးသည်လေ။

သူ့အတွေးတွေက ရုတ်ချည်းပြောင်းလဲသွားရတဲ့အတွေးတွေဖြစ်ပေမဲ့ အချိန်မှီလိုက်တာကို သူကဂုဏ်ယူလို့မဆုံးပါ။

Lee Jenoနဲ့မနီးစပ်နိုင်ဘူးမလား။
ရတယ် မနီးစပ်ရလည်းLee Jenoနဲ့Saကို အဝေးကနေ သူတတ်နိုင်သလောက်ကာကွယ်ကြည့်မယ်။

တစ်ယောက်တည်းအတွေးတွေနဲ့ ပြုံးနေမိချိန် ပခုံးတစ်ဖက်ကရုတ်တရက်ကြီး လေးသွားတာကြောင့် ခေါင်းစောင်းကြည့်လိုက်သည်။