Light,Dark:Opposite || Completed

Present And Past

*Unicode*

Present And Past~ပစ္စုပ္ပန်နဲ့အတိတ်

နှစ်ယောက်တည်းရှိနေရတဲ့အခိုက်အတန့်က
အနာဂတ်အတွက်ဆိုလှပတဲ့အတိတ်
လက်ရှိအတွက်တော့အလှပဆုံးပစ္စုပ္ပန်တရား

အင်း ငါတို့နှစ်ယောက်ရဲ့အမှတ်တရလေးပေါ့....

.... ❦ ....

"မလုပ်နဲ့!!!"

တိတ်ဆိတ်နေတဲ့ညသန်းခေါင်ယံကို သူ့ရဲ့အသံစူးစူးကဖြိုခွဲရင်း မှောင်မည်းနေသောအခန်းထဲမျက်ရည်တွေနဲ့ Jaeminကနိုးထလာရတယ်။

အိပ်မက်ဆိုးတို့နဲ့နိုးထလာရပြီး အိပ်ပျက်ညတွေထဲ ဒီညကိုထပ်ပေါင်းထည့်စေသူတရားခံက Jaeminကိုနာမည်လေးနဲ့တင်ခြောက်ခြားသွားစေသူ။

Sivan...Sivanဆိုတဲ့နာမည်ကတင် သူ့အပေါ်ဒီလိုသက်ရောက်မှုရှိတယ်။

"Sivan..ငါမင်းကိုသတ်ချင်လိုက်တာ!"

အံတင်းတင်းကြိတ်ရင်း လှိုက်တက်လာသောမုန်းတီးစိတ်တွေကို ဖြေဖျောက်ရပြန်တယ်။

မုန်းတီးစိတ်ရဲ့တစ်ထောင့်တစ်နေရာမှာ ကြောက်စိတ်ကလည်းကပ်ပါနေသေးတာ။

Jaeminဒီလမ်းကိုလျှောက်လမ်းခဲ့ရခြင်းက Sivanကိုသတ်ချင်သောစိတ်​တစ်ခုတည်းကြောင့်။

အလှမ်းဝေးနေဆဲဖြစ်ပေမယ့် တစ်နေ့ကျရင်တော့Sivanကို သူသတ်မှာ။

ရေဘူးထဲကရေတွေတစ်ဝက်ကျိုးသည်အထိသောက်လိုက်ပြီး စိတ်ကိုလျော့နေတာ​တောင် သူ့ကိုယ်ကတုန်ယင်နေဆဲ။

မုန်းတီးစိတ်၊နာကျည်းစိတ်တွေက သူ့ကိုယ်ကိုလှိုက်စားနေသည်မှာ အပြင်းအထန်။

အိပ်မက်ဆိုးတွေက အတိတ်ဆိုးတွေဆီကလာတယ်။
သူ့အတွက်အတိတ်ဆိုးကိုဖြစ်တည်စေသူက Sivanဆိုတဲ့Evil။

ညှာတာမှုကင်းတဲ့Evilကို သူကရအောင်သတ်ပြီး သူ့အတိတ်ဆိုးတွေကိုမေ့ပစ်မယ်။
ဒါကသူ့ရဲ့အကြီးမားဆုံးရည်ရွယ်ချက်....

•••••

မှန်ပေါ်ကသူ့ရဲ့ပုံရိပ်ကို စူးစူးရှရှပြန်လို့စိုက်ကြည့်နေမိသည်။