*Unicode*
Final Ending~နောက်ဆုံးသောအဆုံးသတ်
လှခြင်း မလှခြင်းတွေကင်းပြီး ပေါင်းစပ်ဖို့ရာမဖြစ်နိုင်တော့တဲ့
လူသားနှစ်ယောက်ရဲ့ရွေးချယ်ရာက ခွဲခွာခြင်းဆိုရင်
အတူတူသေဆုံးလိုက်ခြင်း
ဒါကသူတို့ရဲ့နောက်ဆုံးသောအဆုံးသတ်....။
.... ❦ ....
သူယူသွားမဲ့ဓားတိုနှစ်ချောင်း နဲ့ သေနတ်တစ်လက်ကို စားပွဲပေါ်တင်ကာ အစ်ကိုMinhyungတို့ရှေ့မှာ ဝတ်ပြခဲ့သောကျည်ကာကို ပြန်ဖြုတ်ပြီးကုတင်ပေါ်တင်လိုက်သည်။
ကျည်ကာကသူ့အတွက်မလိုပေ။
အစ်ကိုMinhyungနဲ့BoSeonက စိတ်ပူလို့ဝတ်ခိုင်းနေတာကြောင့် စိတ်ချမ်းသာအောင် သူဝတ်ပြခဲ့ခြင်းပင်။
ဂျာကင်အင်္ကျီအနောက်ခါးကြားထဲ Jin BoSeonကတစ်ဆင့်တောင်းထားသော လျှပ်စစ်တုတ်ကိုထိုးထားလိုက်သည်။
ကျည်ဆန်အပိုကိုလည်း မမေ့အောင်သေချာထည့်လိုက်သည်။
"Jaeminအချိန်ကျပြီ"
တံခါးခေါက်သံနဲ့အတူထွက်ပေါ်လာသောအစ်ကိုMinhyungအသံကြောင့် အခန်းထဲကထွက်လာခဲ့လိုက်သည်။
အခုချိန်ထိJin BoSeonကမသွားသေးဘဲ ရှိနေသေးဆဲ။
"မသွားသေးဘူးလားSeon ငါကမင်းသွားပြီတောင်ထင်နေတာ"
"အင်းသွားတော့မှာ မင်းကိုမနှုတ်ဆက်ရသေးလို့"
"ဟမ်..အဲ့တာကအရေးကြီးလို့လား ဟိုဘက်ကနောက်ကျနေတော့မှာပဲ"
"နောက်မကျပါဘူး ငါသူတို့ကိုပြင်ခိုင်းထားပြီးပြီ ငါအဲ့ကိုတန်းသွားလိုက်ရင်ရပြီ"
"မင်းပိုင်ရင်ပြီးတာပါပဲ"
"အင်း...Jaemin"
"Umm"
"မင်းဂရုစိုက်မယ်မလား"
"သေချာပေါက်ပေါ့ မင်းလည်းဂရုစိုက်"
"အွန်း..."
YOU ARE READING
Light,Dark:Opposite || Completed
FanficUni & Zawgyi Cover Photo By @Minus_from_Minus20 《 Start Date : 24 June 2021 End Date : 1 Dec 2021 》
