*Unicode*
Bitterness~ခါးသက်မှု/အခါး
ငါ့ကိုခါးသက်မှုတွေမပေးပါနဲ့လားLee Jeno...။
.... ❦ ....
"ဒဏ်ရာကအနာကျက်နေပါပြီ...သတိထားရမှာက ဒဏ်ရာကိုရေမထိစေနဲ့ ဆေးလည်းပုံမှန်ထည့်ပြီး ပတ်တီးကိုလည်းပုံမှန်လဲပေးပါ"
"ဟုတ်ကဲ့ဆရာ..ကျေးဇူးတင်ပါတယ်"
ဘေးနားကဆရာဝန်နဲ့Hyuckနဲ့ပြောနေသည့် စကားများက Jaeminနားထဲဝင်တစ်ချက်မဝင်တစ်ချက်။
Jaeminစိတ်ထဲရှိနေသည်က Lee Jenoဘယ်ရောက်နေလဲဆိုတာပင်။
သူတို့ပြန်ရောက်တဲ့နေ့တစ်ရက်ထဲ Jaeminကိုသက်သာလားမေးပြီး နောက်ရက်တွေလုံးဝJaeminကိုလာမကြည့်ပါ။
အရင်ကဆိုဒီတိုင်းနေတောင် Jaeminကိုဂရုတစိုက်ရှိတဲ့Lee Jenoက အခုတော့ပျောက်ချင်းမလှပျောက်နေသည်။
၅ရက်တောင်ရှိနေရောပေါ့....။
တော်ရုံပဲကောင်းမယ်Lee Jeno...
မင်းနဲ့ငါကဘာမှမဆိုင်ပေမယ့် ငါက မင်းခိုင်းတာကိုလုပ်ရင်း ဒဏ်ရာရလာတဲ့သူမလား....။
နည်းနည်းလောက်ဖြစ်ဖြစ်တော့မေးမှပေါ့။
အခုဟာကတော့....
"မင်းကအကြင်နာမဲ့လိုက်တာ..."
"ဘယ်သူ့ကိုပြောနေတာလဲ ငါ့ကိုပြောတာလားNa Jaemin"
Hyuckရဲ့သွားကြားထဲကထွက်လာသော စကားသံကိုကြားမှ သူလွတ်ခနဲပြောလိုက်မိမှန်း သဘောပေါက်တော့သည်။
Jaeminအတွက်ဆေးတွေကို သေချာပြင်ပေးနေသောHyuckသည် Jaeminကိုပြာကျတော့မလိုစိုက်ကြည့်နေသဖြင့် ခပ်မြန်မြန်ရယ်ပြလိုက်ရသည်။
ရင်းနှီးပြီးမှသိလိုက်ရသည်က Lee Donghyuckသည်တက်တက်ကြွကြွရှိတဲ့သူဖြစ်ကာ အရမ်းလည်းစွာပြီး လက်မြန်ခြေမြန်လည်းရှိသည်။
စကားအရမ်းများတာက အလွန့်အလွန်ပင်။
"မင်းကိုပြောစရာလား..Lee Jenoကိုပြောတာ ဒဏ်ရာရလာတဲ့ငါ့ကို တစ်ချက်တောင်လာမကြည့်ဘူး"
မကျေမနပ်ပြောလိုက်ပြီးမှ သူ့ကိုကြည့်လာသောHyuckအကြည့်တွေကြောင့် မလုံမလဲဖြစ်သွားရသည်။
YOU ARE READING
Light,Dark:Opposite || Completed
FanficUni & Zawgyi Cover Photo By @Minus_from_Minus20 《 Start Date : 24 June 2021 End Date : 1 Dec 2021 》
