Cherished Possession [Completed]

Part {4}

Mingyu သူတို့ ပြခန်းရှေ့က ထိုင်ခုံမှာထိုင်ရင်း သူ့ကမ္ဘာလုံးလေးကို အမြတ်တနိုးကြည့်နေဆဲအချိန်မှာ...

ရုတ်ချည်းဆိုသလို Wonwooနား ကပ်လာတဲ့ ကျောင်းသားနှစ်ယောက်ကို တွေ့လိုက်သည်။
ထိုကျောင်းသားသစ်နှစ်ယောက်က တစ်ခုခုပြောလိုက်သည်ထင့် သူ့ကမ္ဘာလေး မျက်နှာပျက်သွားသည်ကို သေချာမြင်လိုက်ရသည်။

ထိုကျောင်းသားနှစ်ယောက်က ရယ်မောရင်း Wonwooအနေခက်အောင်လုပ်နေသည်ကို Mingyuဆက်မကြည့်နိုင်တော့ပဲ လက်သီးကျစ်ကျစ်ပါအောင်ဆုပ်ကာ ဝုန်းခနဲ ထသွားပြီး Welcome dayညစာစားပွဲကျင်းပရန်ပြင်ဆင်နေသည့်နေရာကို တည့်တည့်လျှောက်သွားလိုက်သည်။
ထို့နောက် ဝိုင်ပုလင်းတွေစီရီစွာနေရာချနေသည့် ကောင်လေးလက်ထဲမှ အကောင်းစားဝိုင်တစ်ပုလင်းကို ဆွဲယူပြီး ထွက်လာလိုက်သည်။

"ဟို အကို ဒါယူလို့မရ....."

Wonwooဆီတည့်မတ်စွာပြေးသွားရင်း Wonwooဆီလက်လှမ်းထားသော ကျောင်းသားလက်ကို အားနဲ့လိမ်ချိုးရင်း ယူလာသောဝိုင်ပုလင်းကို ကိုက်ဖောက်ကာ ခေါင်းကနေလောင်းချလိုက်သည်။

ထိုကျောင်းသားကို လက်လွန်တော့မည့်ဆဲဆဲ Wonwoo hyungက တားလိုက်သောကြောင့် သူဆက်မလုပ်ခဲ့ပေ။

အားလုံးပြီးသွားတော့ သူ့hyungက ခေါင်းလေးငုံ့ထားသည်လေ။ ခေါင်းလေးကိုခပ်ဖွဖွပုတ်ပေးလိုက်ရင်း Mingyuလေးနက်စွာ ပြောလိုက်တော့ မျက်ဝန်းလှလှလေးက မျက်မှန်လေးအောက်ကနေ အံ့သြစွာ သူ့ကို ပြန်ကြည့်လာသည်။

"hyung!! ဘာဖြစ်သွားသေးလဲ"
Wonwooဆီ စိုးရိမ်စိတ်အပြည့်ဖြင့် ပြေးချလာသော ကောင်လေးတစ်ယောက်ကို Mingyuကြည့်မိတော့
Jun မိတ်ဆက်ပေးတဲ့တစ်ယောက်ပဲ။

"ဘာမှမဖြစ်ပါဘူး Hao"

Mingyuလည်း သူ့နေရာသူပြန်သွားတော့မည်အပြု
သူ့အင်္ကျီစကို မရဲတရဲ ဆွဲလာသော လက်ချောင်းဖြုဖြူသွယ်သွယ်လေးတွေ။

"ဟို.. ဟို ကျေးဇူးတင်ပါတယ်..."
Mingyu ပြန်လှည့်ကြည့်တော့ ရှက်သွေးဖြာနေတဲ့ မျက်နှာဝိုင်းဝိုင်းလေးနဲ့ အကြည့်လွှဲထားရင်း ခပ်တိုးတိုးပြောနေသည့် သူ့အကောင်ပေါက်လေး။