Cherished Possession [Completed]

Part {7}

Wonwoo hyungက သူဆောင်းပေးထားတဲ့ ဦးထုပ်လေးနဲ့ တင်းနစ်ကစားနေသည်မှာ လွန်စွာမှ ချစ်ဖို့ကောင်းလှသည်။
ပေါ့ပေါ့ပါးပါးလေး ရှည်လျားတဲ့ ခြေထောက်လေးတွေကို ဟန်ချက်ညီညီလှုပ်ရှားနေသည်မှာ ဂန္တဝင်ဆန်လှသည်။

Mingyu ကြည့်နေရင်း သတိထားမိတာက Wonwooပြိုင်ဘက်သည် ခေသူမဟုတ်။ ရမှတ်ကလည်း မကွာပေ။ မိန်းကလေးဖြစ်သော်လည်း ရိုက်ချက်တိုင်းသည် အားပါလှ၍ Wonwooတို့က သတိထားကစားနေရသည်။

ဒါပေမဲ့ သူတို့နှစ်ယောက်ရဲ့ ပစ်မှတ်က Wonwooဖြစ်နေသည်။ အရပ်ရှည်ပြီး အပြေးမြန်သည့် Wonwooက Haoနောက်မှ ကစားပေးရသည်။ ကွင်း၏ ဟိုဘက်ဒီဘက်ကိုပြေးနေရအောင် တမင်အကြံဖြင့် ကစားနေသောကြောင့် ကြာလာတော့ Wonwoo အရမ်းမောလာသည်။

ဟင့်အင်း ငါဒီပွဲကိုနိုင်အောင် ကစားမယ်

ပထမပွဲစဥ်ပြီးတော့ Wonwooတို့က 2မှတ်အကွာဖြင့် ရှုံးခဲ့သည်။ ပထမအချီပဲ ရှိသေးသော်လည်း Wonwoo မတ်တပ်မရပ်နိုင်တော့ပဲ ဒူးထောက်လျက်သား ပုံ့လျက်လဲကျသွားသည်။

ပါးစပ်လေးဟပြီး ပင့်သက်ရှိုက်နေရတဲ့ Wonwoo ရဲ့ နဖူးပေါ်ကနေစတင်ပြီး မျက်နှာလေးမှတစ်ဆင့် ကျလာတဲ့ ချွေးစက်လေးများဟာ မြက်ခင်းပေါ်သို့ တစ်စက်ချင်း...

"Hyung ရရဲ့လားဟင် ဒီမိန်းမတွေကတော့!"
Minghaoက ဆွဲထူလာကာ စိုးရိမ်သံက အတိုင်းသား။

စကားတောင်မပြောနိုင်ပဲ ခေါင်းလေးသာငြိမ့်ပြနိုင်သော Wonwooကိုကြည့်ပြီး Haoအရမ်းစိတ်တိုသွားသည်။ ပထမပွဲစဥ်သာပြီးသွားသည် Wonwoo hyung ရှိသည့်နောက်ဘက်ကိုသာ ဖိကစားကြသည့်အတွက် သူကတော့ ချွေးတောင်ထွက်ရဲ့လားဟု ကိုယ့်ကိုကိုယ် ပြန်မေးနေရသည်အထိ။

Wonwooကို ခုံတန်းမှာ ထိုင်ခိုင်းလိုက်ပြီး
"hyung ကျွန်တော်နဲ့ နေရာလဲကစားကြမယ်"

"မဖြစ်နိုင်ဘူး!ငါတို့မလေ့ကျင့်ထားဘူးလေ မင်း နောက်ကနေ အားထည့်နိုင်မှာမဟုတ်ဘူး"
Wonwoo ခါးခါးသီးသီးငြင်းလိုက်သည်။

"ဒါပေမဲ့ "

"ငါ အဆင်ပြေတာမို့ ဆက်ကစားကြရအောင် "
ပြောပြီး ထသွားတဲ့ Wonwoo hyungကို ကြည့်ပြီး Haoစိတ်မသက်သာဖြစ်ရသည်။