Cherished Possession [Completed]

Part {10}

(ဒီအစပိုင်းလေးဖတ်တော့မယ်ဆိုရင် The one that got way ,Hurts so goodအစရှိတဲ့ သီချင်းလေးတွေနားထောင်ရင်း ဖတ်ပေးဖို့ အကြံပြုပါတယ်နော်)

မမျှော်လင့်ပါပဲ အချစ်ဆိုတဲ့ အရာကို နားလည်သိရှိသွားတဲ့ ကောင်ငယ်လေးတစ်ယောက်ဟာ....
အချစ်ရဲ့ ခါးသက်ခြင်း၊ ချိုမြိန်ခြင်းအရသာကို ရှေ့ဆက် ခံစားပိုင်ဆိုင်ခွင့် ရရှိနိုင်ပါ့အုံးမလား....

~~~~~~~~~~~~~~~~~~~~~~~~~~~~~~
နာကျင်တယ်...သေလောက်အောင်နာကျင်တယ်
ဒါပေမဲ့..
တန်ပါတယ်..
အနည်းဆုံးတော့ ချစ်ရသူ မထိခိုက်ခဲ့ဘူးလေ~

Mingyu...သူ.. ကျွန်တော်ရှေ့မှာ ရပ်နေခဲ့တယ်....
ပြီးတော့ မြေပြင်ပေါ် တစ်စက်ပြီးတစ်စက် ကျလာတဲ့ သွေးစက်တွေ..
အရာအားလုံးဟာ တိတ်ဆိတ်ငြိမ်သက်လို့နေသည်..

အော်ဟစ်ဖို့ရန်လည်း လည်ချောင်းတစ်ခုလုံးဟာပူထူကာစေးကပ်လို့နေခဲ့သည်..
မျက်လှည့်ဆန်စွာ ရုတ်တရက် ရှေ့ကိုရောက်လာတဲ့ Mingyuရဲ့ ဗိုက်မှာ ဓားသွားချွန်ချွန်က ထိုးစိုက်နေခဲ့သည်လား...

ရင်ဘက်တစ်ခုလုံး ​တင်းကြပ်လာခဲ့ပြီးတော့ ခြေသံတွေရယ် ရုန်းရင်းဆန်ခတ်ဖြစ်သွားတဲ့အသံတွေရယ် ပြီးတော့ ပြေးလာနေတဲ့ Jeonghan hyungနဲ့ ကျောင်းသားတစ်ချို့ကို Wonwooမြင်နေရသည်..
နောက်ဆုံးမှာတော့..

ချလွမ်း!
အရောင်လက်နေတဲ့ ခေါက်ဓားလေးဟာ မြေခသွားခဲ့ပြီး..
ကောင်လေးတစ်ယောက်ရဲ့ ခန္ဓာကိုယ်ဟာ အရာအားလုံးတင်းထားပြီးမှ ဖြေလျော့လိုက်ပုံရကာ
မညင်သာစွာ Wonwoo ရင်ခွင်ထဲ ခိုအောင်းလာခဲ့သည်။

သူရဲ့ မျက်ခွံမို့မို့လေးတွေဟာ ပိတ်လျက်သား..
အမြဲတမ်း တင်းထားတဲ့ မျက်ခုံးထူထူတို့ဟာ ပြေလျော့လျက်သား..
နှုတ်ခမ်းပါးလေးတွေဟာ တင်းတင်းစေ့ထားလျက်သား..
မလှုပ်ရှားတော့သော ခန္ဓာကိုယ်ကို အတင်းနှိုးယူနေသော ကောင်လေးတစ်ယောက်လည်းရှိနေခဲ့သည်။

ဘေးနားမှာ ဆူညံသံတွေ ၊ စကားပြောသံတွေ လူကို ကိုင်လှုပ်နေတာတွေ....
ကျေးဇူးပြုပြီး ရပ်ပေးကြပါတော့...

Mingyu.. ငါ့ကိုမစနဲ့နော်..
ငါကိုစနောက်တာကို ငါအရမ်းမုန်းတာလေ..