Cherished Possession [Completed]

Part {14}

"ကဲကဲ ကျောင်းသားတွေ လှည့်ပတ်လျှောက်ကြည့်ပြီးဓာတ်ပုံတွေရိုက်ပြီးရင် tentတွေပြင်ကြမယ်"

ကြီးကြပ်ဆရာရဲ့ အသံကြောင့် ကျောင်းသားတွေလည်း စုစုရုံးရုံးပြန်ဖြစ်ကြကာ အထုပ်တွေချ၊ tentထိုးကြသည်။

"ပြီးရင် သက်ဆိုင်ရာ အဖွဲ့အစည်းခေါင်းဆောင်တွေဆီမှာ ထမင်းဘူးတွေ စာရင်းနဲ့အညီထည့်ပေးထားတယ်..နေ့လည်စာအတွက်သွားယူကြပါ"

ညွှန်ကြားချက်ရသည်နှင့် ထမင်းဘူးတန်းစီကာလာယူကြပြီး ကိုယ့်tentနေရာနားမှာတင် နေ့လည်စာစားကြသည်။
"Wonwoo hyung~ "

"ဟင်"
နှစ်ယောက်စာ ကျယ်ဝန်းတဲ့ tentတွေဖြစ်တာကြောင့် Haoနဲ့ အတူတူနေကြမည်ဖြစ်သည်။ အခုလည်း အတူတူစားနေတုန်း ခေါ်လာသောကြောင့် မေးစရာတစ်ခုရှိမည်မှာအမှန်ပင်။

"Seungcheol Hyungနဲ့ ရန်ဖြစ်ထားတာလား"

"မဟုတ်ပါဘူး ဘာဖြစ်လို့လဲ"

"မသိပါဘူး Seungcheol hyungက တစ်ချိန်လုံးကြည့်နေလို့ပါ"
ခေါင်းငြိမ့်ကာ နားထောင်လိုက်ပြီး ဘာမှဆက်မပြောတော့တဲ့ Wonwooကြောင့် သူလည်းဆက်မမေးဖြစ်တော့ပေ။

သေချာသလောက်ကတော့ တစ်ခုခုရှိမယ်ထင်တယ်..

Minghaoလည်းဆက်မတွေးတော့ပဲ ဒီတိုင်းသာ နေလိုက်တော့သည်။

လွတ်လပ်ချိန်ပေးထားတာကြောင့် ခရီးပင်ပန်းပြီး အနားယူနေသည့်သူကယူ၊ အုပ်စုဖွဲ့ကာ စကားပြောသည့်သူကပြော၊ ဟိုနားဒီနား လျှောက်ပတ်နေသေးသည့်သူကတစ်မျိုး အချိန်ကုန်ဆုံးကြသည်။

Mingyuကတော့ ချစ်ရသူရဲ့နေရာကို ရောက်လာသော်လည်း Wonwooကတော့ ပင်ပန်း၍ အနားယူချင်သည်ဟု ပြောတာကြောင့်
ခဏလေးသာတွေ့ဖြစ်ခဲ့ကြသည်။
ထိုအချိန်လေးအတွင်းမှာတောင် Wonwooက တစ်ချိန်လုံး နွေးထွေးကျယ်ပြန့်ထဲ ရင်ခွင်ထဲရောက်နေခဲ့သည်။

မျက်မှန်အထက်တွင်တည်ရှိနေသော နဖူးခပ်ကျဥ်းကျဥ်းလေးကို Mingyu အနမ်းတစ်ပွင့်ချွေလိုက်တော့ ဘာမှမပြောဘဲ သူ့ကိုသာမော့ကြည့်လာသည့် အကောင်ပေါက်လေး..

ထို မျက်ဝန်းတို့ဟာလည်း ညှိုးနွမ်းနေသယောင်ရှိနေခဲ့သည်။
Mingyuကိုယ်တိုင် ဆေးတိုက်ခဲ့ပြီး စောင်ပါးပါးခြေုံပေးခံကာ "ကောင်းကောင်းအိပ်နော်" ဆိုကာ နှုတ်ဆက်ခဲ့သည်။
_______________________________________
ညနေရောက်တော့ ကျယ်ပြန့်တဲ့နေရာမှာ ကျောင်းသားတွေအကုန်စုဝေးလျက်ရှိကြသည်။